Што да јадете за полесно да ги издржите високите температури?

За време на летните горештини, правилниот избор на производи може да му помогне на организмот полесно да се справи со високите температури, велат експертите.

Епидемиологот Тим Спектор, специјалист за здравје на цревата, објаснува дека состојбата на цревниот микробиом влијае врз начинот на кој телото се справува со физичкиот стрес, вклучувајќи ги и топлотните бранови.

— реклама —

Според него, дехидратацијата може да ја забави дигестијата, да ја зголеми чувствителноста на цревата и да предизвика надуеност, непријатност и чувство на замор.

Како најдобар избор ги препорачува производите богати со вода, како што се лубеницата, краставиците, бобичестото овошје, доматите, цитрусите, зелената салата и другиот лиснат зеленчук.

— реклама —

Овие производи не само што придонесуваат за подобра хидратација, туку обезбедуваат и растителни влакна, минерали и полифеноли што го хранат цревниот микробиом.

— реклама —

Спектор советува и консумирање ферментирани производи, како јогурт со живи култури и кефир, кои можат да придонесат за одржување на здрави црева.

Тој препорачува овие производи да се консумираат редовно во текот на денот, а не дури кога ќе се појават знаци на прегреаност или дехидратација.

За појадок предлага јогурт или кефир со бобичесто овошје, јаткасти плодови и семки, или овесна каша со овошје. Во текот на денот, како ужина препорачува лубеница, краставици, домати и бобичесто овошје, а за ручек и вечера – полесни оброци богати со зеленчук, мешунки, интегрални житарки и маслиново масло.

Слични препораки дава и гастроинтестиналниот хирург Антониос Атанасиу, кој советува да се избегнуваат тешки и масни оброци бидејќи дополнително го оптоваруваат организмот и потешко се варат за време на високите температури.