ИСХРАНА

Пет производи што ревматолозите им ги препорачуваат на пациентите со хронични воспалителни болести

Хроничните воспалителни болести, како артритисот, фибромијалгијата, лупусот и гихтот, погодуваат голем број луѓе, а ревматолозите сè почесто нагласуваат дека покрај терапијата и промените во животниот стил, и исхраната може да има значајна улога во контролирањето на симптомите.Сепак, експертите предупредуваат дека не постои производ што може да ги излекува овие состојби.„Сакам луѓето да сфатат една работа: во 99,9 проценти од случаите, ништо што сте јаделе или не сте јаделе не ја предизвикало вашата автоимуна болест“, вели д-р Аманда Мојер од Универзитетот во Оклахома за HuffPost.Таа додава дека исхраната е важна затоа што влијае врз тоа како се чувствуваме секојдневно, врз дејството на лековите, телесната тежина и здравјето на срцето, но не претставува „магично решение“.Екстрадевствено маслиново маслоСпоред д-р Кам Шојанија, екстрадевственото маслиново масло е практичен избор поради соединението олеокантал, кое има антиинфламаторни својства.„Олеоканталот има дејство слично на ибупрофенот и може да помогне во намалување на воспалителните маркери“, објаснува тој.Масна рибаД-р Девон Чарлтон посочува дека омега-3 масните киселини EPA и DHA имаат најсилна научна поткрепа кога станува збор за исхраната кај ревматолошките заболувања.Тој препорачува консумирање масна риба, како лосос, скуша, сардини и инќуни, најмалку двапати неделно.Производи богати со растителни влакнаЗголемениот внес на растителни влакна може да помогне во намалување на воспалението и подобрување на симптомите.Д-р Мајка Ју советува влакната да се внесуваат преку природни производи, како грав, овошје, зеленчук и други интегрални производи, наместо преку додатоци во исхраната.Ферментирани производиРевматологот д-р Јун Киу препорачува ферментирани производи, како кимчи и кисела зелка, кои можат позитивно да влијаат врз цревниот микробиом.Истражувањата покажуваат дека ваквата исхрана ја зголемува разновидноста на корисните бактерии во цревата и придонесува за намалување на воспалителните процеси.Јаткасти плодовиД-р Мојер ги издвојува бадемите и другите јаткасти плодови како едни од најдобрите избори за пациентите со ревматолошки заболувања.Тие обезбедуваат протеини, растителни влакна и здрави масти, а истовремено лесно можат да се вклучат во секојдневната исхрана.Експертите потенцираат дека исхраната треба да биде дополнување, а не замена за медицинската терапија. Прекинувањето на лекувањето во корист на диететски интервенции може да доведе до сериозни последици, вклучително и неповратно оштетување на зглобовите и органите.Нивната препорака е едноставна: разновидна и избалансирана исхрана, богата со растителни производи, немасни протеини и здрави масти, во комбинација со терапија препишана од лекар.

Магазин | пред 6 часа

Дали го прескокнувате појадокот? Експертите предупредуваат на последиците

Многу луѓе го прескокнуваат појадокот поради обврски, недостаток на време или затоа што наутро не чувствуваат глад. Сепак, нутриционистите предупредуваат дека оваа навика може да биде една од причините за замор, намалена концентрација и пад на енергијата во текот на денот.Според експертите, за време на ноќта телото постепено ги троши резервите на гликоза за да обезбеди енергија. До утрото тие резерви се значително намалени, поради што појадокот има важна улога во нивното обновување.„По ноќниот пост, нивото на гликоза во крвта природно е пониско. Појадокот му обезбедува на телото и мозокот гориво потребно за нормално функционирање“, објаснува диететичарката Рајан Гајгер.Кога појадокот се прескокнува, може да дојде до намалување на нивото на шеќер во крвта, што често се манифестира со чувство на исцрпеност, поспаност и потешкотии со концентрацијата.Освен на енергијата, оваа навика влијае и врз хормоналниот баланс. Експертите посочуваат дека подолгите периоди без храна можат да доведат до покачување на кортизолот – хормонот на стресот, особено кај луѓе кои веќе се изложени на стрес или имаат нарушен сон.Посебно чувствителни на овие промени може да бидат жените во перименопауза и менопауза, кај кои хормоналните промени дополнително влијаат врз регулирањето на шеќерот во крвта и нивото на кортизол.Нутриционистите препорачуваат појадокот да содржи комбинација од протеини, сложени јаглехидрати и здрави масти. Како добри извори на протеини се посочуваат јајцата, грчкиот јогурт, младото сирење и протеинските смути.За стабилно ниво на енергија се препорачуваат и намирници богати со растителни влакна, како овесни снегулки, интегрален леб, бобичесто овошје и чиа семе, додека авокадото, јаткастите плодови и семките се добар избор за внесување здрави масти.Експертите нагласуваат дека не е неопходно секој веднаш по будењето да изеде обилен оброк, но редовното избегнување на појадокот може негативно да влијае врз нивото на енергија и целокупното здравје. Затоа, дури и мал утрински оброк може да биде доволен почеток за подобро функционирање на организмот во текот на денот.

Магазин | пред 1 седмица

Висок холестерол? Овие промени во појадокот можат да направат разлика

Покачените маснотии во крвта претставуваат сериозен ризик за здравјето, но правилната исхрана може значително да помогне во нивната контрола. Експертите посочуваат дека промените можат да започнат уште со првиот оброк во денот, а добро избраниот појадок може да придонесе за намалување на нивото на лошиот холестерол.Иако холестеролот е неопходен за нормално функционирање на организмот и учествува во создавањето хормони, жолчни киселини и клеточни мембрани, проблем настанува кога нивото на LDL или таканаречениот „лош“ холестерол е покачено.Меѓу најпрепорачаните намирници за појадок се овесните снегулки, кои содржат бета-глукан – растворливи влакна што можат да помогнат во намалувањето на LDL холестеролот. Нутриционистите советуваат тие да се комбинираат со бобесто овошје, како малини, капини и боровинки, како и со јаткасти плодови и семиња.Корисен избор се и јаболката, кои содржат пектин – вид растителни влакна што помагаат во врзувањето и елиминацијата на дел од холестеролот од организмот, а истовремено придонесуваат и за подобро здравје на дигестивниот систем.За оние што сакаат покалоричен појадок, особено за време на викендите, добар избор може да биде и лососот. Оваа риба е богата со омега-3 масни киселини, кои позитивно влијаат врз здравјето на срцето и крвните садови.Од друга страна, се препорачува ограничување на намирниците богати со заситени масти, како бел леб и пецива, сланина, сувомеснати производи, путер, павлака, колачи и полномасни сирења.Кога станува збор за јајцата, експертите посочуваат дека тие не мора целосно да се исфрлат од исхраната. Според нив, клучна е умереноста и вкупниот начин на исхрана. Кај повеќето луѓе, повремената консумација на јајца нема значително влијание врз нивото на холестерол доколку исхраната е балансирана и богата со овошје, зеленчук, интегрални житарки и здрави масти.

Магазин | пред 2 седмици

Само четири недели ваква исхрана може да го забави стареењето

Нова научна студија покажала дека само четири недели здрава исхрана можат значително да ги подобрат клучните здравствени показатели и да го забават процесот на стареење кај лица на возраст меѓу 65 и 75 години.Истражувачите анализирале како различни режими на исхрана влијаат врз таканаречената биолошка возраст – односно колку „стари“ се клетките и организмот, независно од реалните години.Според научниците, храната има клучна улога во воспалителните процеси, метаболизмот и здравјето на срцето, а токму тие фактори влијаат врз биолошкото стареење.Во истражувањето, волонтерите биле поделени во четири групи, а научниците целосно ја контролирале нивната исхрана во текот на четири недели.Две групи консумирале исхрана со месо, додека другите две биле базирани на растителни протеини. Сепак, најголемите промени биле забележани кај испитаниците кои намалиле внес на заситени масти и почнале да внесуваат повеќе сложени јаглехидрати.Кај тие учесници биле регистрирани најдобри резултати во крвните маркери поврзани со стареењето, а научниците оцениле дека нивната биолошка возраст покажала најголемо подобрување по само четири недели.Од друга страна, кај луѓето кои продолжиле со тешка и масна исхрана речиси и да немало промени во показателите за стареење.Истражувачите нагласуваат дека резултатите се охрабрувачки, но предупредуваат дека здравјето не зависи од еден добар месец, туку од долгорочни навики и начин на живот.Сепак, сознанието дека дел од процесите поврзани со стареењето можат да се подобрат за релативно кратко време, според нив, претставува силна мотивација за поздрав начин на исхрана.

Магазин | пред 2 седмици

Нова студија: Прекумерниот шеќер може трајно да го оштети помнењето

Исхраната богата со шеќер може сериозно да му наштети на помнењето, а нова обемна анализа на истражувања спроведени врз глодари покажува дека таа штета можеби не може целосно да се поправи, дури ни по преминување на поздрави навики во исхраната.Студијата, објавена во списанието „Nutritional Neuroscience“, покажува дека намалувањето на внесот на шеќер може да доведе до подобрување на помнењето, но не и до целосно враќање на когнитивните способности на нивото на оние што отсекогаш се хранеле здраво.Научниците анализирале 27 претклинички студии на стаорци и глувци за да утврдат колку се трајни последиците врз мозокот, однесувањето и меморијата. Фокусот бил ставен на влијанието од преминувањето од исхрана богата со масти и шеќер кон поздрава храна.„Нашите резултати покажуваат дека подобрувањето на квалитетот на исхраната навистина му помага на помнењето, но тие подобрувања не се целосни“, изјави главната авторка на студијата, биопсихологот Симон Рен од Технолошкиот универзитет во Сиднеј.Истражувањето покажало дека најголем проблем претставува токму додадениот шеќер.„Исхраната со висок удел на додаден шеќер покажа многу малку знаци на опоравување. Тоа укажува дека шеќерот би можел да биде клучниот фактор што го ограничува закрепнувањето на помнењето“, наведува Рен.Научниците посочуваат дека особено е погоден хипокампусот – делот од мозокот одговорен за учење, помнење и регулирање на апетитот.Според авторите, пораката од студијата не е дека луѓето треба да очајуваат поради претходната исхрана, туку дека е важно што порано да се намали внесот на шеќер за да се заштити здравјето на мозокот.„Постои широко распространето верување дека последиците од нездравата исхрана лесно можат да се поништат. Овие резултати сугерираат дека, барем кога станува збор за помнењето, ситуацијата е многу посложена“, заклучуваат истражувачите.

Магазин | пред 3 седмици

Три знаци дека внесувате премногу магнезиум

Магнезиумот е важен минерал за правилна работа на мускулите, коските, цревата и регулирање на крвниот притисок. Иако многумина го земаат како додаток во исхраната за подобар сон и намалување на анксиозноста, експертите предупредуваат дека прекумерниот внес може да предизвика сериозни проблеми.Нутриционистите издвојуваат три најчести знаци дека внесувате премногу магнезиум:Пролив и стомачни проблемиОдредени форми на магнезиум, особено магнезиум цитрат, можат да делуваат како лаксатив. Доколку по почетокот на земањето се појави воденеста столица или чести проблеми со желудникот, можно е дозата да е превисока.Мачнина и грчеви во стомакотПрекумерниот внес може да предизвика гадење, болки и грчеви, особено кај луѓе кои земаат високи дози или форми што потешко се апсорбираат.Низок крвен притисокВишокот магнезиум може премногу да ги опушти крвните садови, што доведува до вртоглавица, слабост, омалаксаност, па дури и несвестица.Експертите предупредуваат дека во потешки случаи, особено кај луѓе со проблеми со бубрезите, може да дојде и до нарушувања на срцевиот ритам, слабост на мускулите и проблеми со дишењето.Препорачаната дневна доза е околу 310 до 320 милиграми за жени и 400 до 420 милиграми за мажи.Нутриционистите советуваат магнезиумот првенствено да се внесува преку исхрана, од намирници како:банани,јаткасти плодови,грав,овес,зелен лиснат зеленчук,авокадо,интегрални житарки.

Магазин | пред 3 седмици

Диететичарите ја открија најдобрата храна за намалување на холестеролот

Овесот важи за една од најздравите житарки и често е прв избор на нутриционистите кога станува збор за намалување на холестеролот и подобрување на здравјето на срцето, пренесува „EatingWell“.Истражувањата покажуваат дека редовното консумирање овес може да помогне во намалување на вкупниот и LDL, односно „лошиот“ холестерол, со што се намалува и ризикот од срцеви заболувања.Овесот е цело зрно богато со растителни влакна, протеини, витамини и минерали. Половина шолја сув овес содржи околу 150 калории, 5 грама протеини и 4 грама влакна.Најголемата придобивка за срцето доаѓа од бета-глуканот – вид растворливи влакна што во дигестивниот систем создаваат гелеста структура што помага во врзување и исфрлање на холестеролот од организмот.Освен за срцето, овесот е корисен и за стабилизирање на шеќерот во крвта, бидејќи го забавува варењето и постепено ја ослободува глукозата.Стручњаците посочуваат дека овесот помага и за подолго чувство на ситост, што може позитивно да влијае врз одржување на телесната тежина.Постојат различни видови овес – од помалку обработен до инстант-пахулки. Колку е помалку обработен, толку има понизок гликемиски индекс и побавно го покачува шеќерот во крвта.Експертите советуваат овесот да биде дел од разновидна исхрана богата со влакна, заедно со овошје, зеленчук, јаткасти плодови и физичка активност.

Магазин | пред 4 седмици

Нутриционисти откриваат кои намирници најмногу им штетат на бубрезите

Здравјето на бубрезите често се занемарува, иако тие имаат клучна улога во организмот – ја филтрираат крвта, ги отстрануваат отпадните материи и ја одржуваат рамнотежата на течности и електролити.Експертите предупредуваат дека хроничната бубрежна болест може долго време да се развива без јасни симптоми, а исхраната има огромно влијание врз здравјето на бубрезите.Нутриционистите посочуваат дека преработеното месо е меѓу најлошите намирници за бубрезите. Сланина, колбаси, виршли и сувомесни производи содржат големи количини натриум, што дополнително ги оптоварува бубрезите и го зголемува ризикот од висок крвен притисок и камења во бубрезите.Проблем претставуваат и готовите и полуготовите јадења, како супи од кесичка, готови сосови, индустриски преработена храна и брза храна. Според експертите, токму овие производи се најголем извор на „скриен“ натриум во секојдневната исхрана.Нутриционистите предупредуваат и на засладените пијалаци, како газирани сокови, засладени чаеви и индустриски овошни напитоци. Истражувањата покажуваат дека редовното консумирање вакви пијалаци е поврзано со поголем ризик од хронични бубрежни заболувања и камења во бубрезите.Меѓу намирниците што треба да се ограничат се и солените грицки, како чипс, переци и сувомесни закуски, поради високата содржина на сол.Експертите советуваат за поздрави бубрези да се внесува доволно течност, да се јадат повеќе растителни протеини и да се контролира крвниот притисок.„Дехидрацијата е една од главните причини за појава на камења во бубрезите, а потешките форми можат да доведат и до трајно оштетување“, предупредуваат нутриционистите.

Магазин | пред 1 месец

Овие популарни намирници можат да го нарушат здравјето на мозокот

Кога станува збор за здравјето на мозокот, многумина прво помислуваат на крстозбори, судоку или други вежби за умот. Но, експертите предупредуваат дека секојдневните навики, особено исхраната, играат многу поголема улога отколку што мислиме.Невролози и невронаучници откриваат дека некои многу популарни намирници и пијалаци можат негативно да влијаат врз мозокот, меморијата и когнитивните функции.Меѓу нив е протеинскиот прав, кој често содржи вештачки засладувачи што можат да го нарушат цревниот микробиом. Невронаучничката Фридерике Фабрициус објаснува дека здравиот микробиом е важен бидејќи голем дел од невротрансмитерите се создаваат токму во цревата.Газираните пијалаци исто така се на листата на најштетни производи за мозокот. Според неврологот Шахин Лахкан, високото количество шеќер ги оштетува крвните садови што го снабдуваат мозокот, што може да доведе до воспаленија, проблеми со спиењето, когнитивни нарушувања, па дури и деменција.Невролозите предупредуваат и на маргаринот, особено поради транс-мастите. Според докторката Шеј Дата, тие негативно влијаат врз крвните садови во мозокот и се поврзуваат со поголем ризик од деменција.На листата се најде и пивото. Неврологот Брајан Хо вели дека алкохолот е невротоксин што може да го оштети централниот и периферниот нервен систем, дури и кога се консумира умерено.Експертите советуваат внимателност и со кафето без кофеин, бидејќи во процесот на декофеинизација често се користат хемикалии и растворувачи што можат да бидат штетни за организмот.Меѓу најлошите намирници за мозокот се и пржените компири. Според неврологот Педрам Наваб, масната храна може да ги оштети крвните садови во мозокот и да влијае врз деловите задолжени за учење и меморија.Иако експертите не велат дека овие намирници мора целосно да се исфрлат, тие советуваат да се консумираат умерено и, кога е можно, да се избираат поздрави алтернативи.

Магазин | пред 1 месец

Кардиолог: Избегнувајте ја оваа храна за подобро здравје на срцето

Срцевите и кардиоваскуларните заболувања погодуваат голем број луѓе, но експертите истакнуваат дека едноставни промени во животниот стил можат значително да го намалат ризикот од нивно развивање, при што исхраната се смета за еден од најважните фактори.Кардиологот д-р Дариус Фарзад од „Jefferson Health“ ја опишува исхраната како „голем дел од сложувалката“ кога станува збор за здравјето на срцето и крвните садови. Тој нагласува дека сè почесто со пациентите се разговара за медитеранскиот начин на исхрана, кој подразбира избегнување пржена храна, слатки, газирани пијалаци, преработена храна и рафинирани јаглехидрати, како бели тестенини и ориз.Наместо тоа, се препорачува поголем внес на овошје, зеленчук, јаткасти плодови, маслиново масло и немасно месо, како и намалување на консумацијата на путер и црвено месо.Слични препораки дава и диететичарката Трејси Паркер од „British Heart Foundation“, која посочува дека урамнотежената исхрана, како медитеранската, може да го намали ризикот од срцеви и кардиоваскуларни заболувања, како и од дијабетес тип 2, дебелина, висок крвен притисок и покачен холестерол.Организацијата Heart UK истакнува дека иако медитеранската исхрана не е со ниска масленост, таа содржи значително помалку заситени масти и е богата со растителна храна, риба и здрави маснотии.Покрај исхраната, лекарите нагласуваат дека физичката активност е исто така клучна, при што се препорачува вежбање најмалку пет дена неделно.Како најважен чекор за здравјето на срцето, експертите го издвојуваат откажувањето од пушење, кое значително го намалува ризикот од срцев и мозочен удар, како и од оштетување на крвните садови и создавање згрутчувања во крвта.

Магазин | пред 1 месец

Колку јајца дневно се „безбедни“: Лекарите предупредуваат дека претерувањето за празници често завршува во Итна помош

Празничната трпеза знае да биде вистинско искушение, но лекарите предупредуваат дека претераното јадење и пиење, особено кога после подолг пост се враќаме на потешка храна, може да заврши со сериозни здравствени тегоби и посета на Итна помош. Најчест „клизав терен“ за време на Велигден се варените и обоени јајца, кои многумина ги јадат без мерка.Ризикот е повисок кај лица кои веќе имаат дигестивни проблеми, заболувања на жолчното ќесе, полипи, како и кај оние што постеле седум недели и нагло преминуваат на „полн“ режим на исхрана. За нив се советува постепен премин – најчесто едно до две јајца дневно, со полесни оброци и внимателен избор на месо и млечни производи.Во вакви денови нутриционистите потсетуваат и на практични правила: да се јадат помали порции, по потреба почесто, да се внесува повеќе течности и да се избегнува алкохол, бидејќи дополнително го оптоварува панкреасот. Кога се претера со храна, луѓето често опишуваат чувство како „стегнат каиш“ во горниот дел од стомакот, со можни мачнина, повраќање и забрзана работа на срцето.Лекарите предупредуваат дека зад ваквите симптоми може да стои и акутен панкреатит – нагло воспаление на панкреасот, состојба што бара брза лекарска проценка. Како алармантни се наведуваат силна болка во средишниот дел на стомакот над папокот, често со ширење под ребрата и кон грбот, поради што се советува итно јавување кај лекар.Освен количината, важна е и безбедноста на храната. Се нагласува дека јајцата треба да бидат од проверен извор и добро термички обработени – варени најмалку девет минути – како и да се чуваат на ладно место за да се намали ризикот од салмонела. За лица со покачен холестерол, дијабетес или срцеви проблеми се препорачува дополнителна умереност и консултација со лекар.

Магазин | пред 2 месеци