„Шумската мафија го опустоши Лопушник“, велат од Левица

Политичката партија Левица преку објава на социјалните мрежи обвини за масовна сеча на планината Лопушник и побара разрешување на генералниот директор на ЈП „Македонски шуми“, Здравко Трајанов, како и на заменик-генералниот директор Кире Михаилов.

Од партијата посочуваат дека снимки кои деновиве се споделуваат во јавноста прикажуваат, како што велат, големи површини со исечена шума, оштетени стебла и траги од тешка механизација на планината Лопушник.

— реклама —

Според Левица, неопходно е раководството на претпријатието да одговори дали за сечата постоеле соодветни одобренија и врз основа на каква шумско-стопанска документација е спроведена.

Од партијата наведуваат дека постојат сомнежи за незаконска сеча и бараат надлежните институции да извршат детална проверка на терен.

— реклама —

„Ова не е изолиран случај, туку проблем кој, според нас, се повторува во повеќе шумски подрачја низ државата“, соопштија од Левица.

— реклама —

Во реакцијата се бара итно вклучување на Министерството за внатрешни работи, Државниот инспекторат за животна средина и Шумската полиција, со цел да се утврди фактичката состојба и јавно да бидат објавени наодите од евентуалната истрага.

Левица смета дека актуелното раководство на „Македонски шуми“ сноси одговорност за состојбите во претпријатието и поради тоа побара нивно разрешување.

— реклама —