Техеран се обидува насилно да воспостави контрола над Ормускиот Теснец

Иран се обидува со притисок и демонстрација на сила да воспостави контрола врз Ормускиот Теснец, еден од најважните светски поморски коридори, предупредуваат аналитичарите од Институтот за проучување на војната (ИСВ).

Според нивната анализа, припадници на Иранската револуционерна гарда настојуваат да создадат услови во кои Техеран би имал доминантна улога во контролата на пловидбата низ теснецот.

— реклама —

Во изминатите недели Иран повеќепати ја истакна намерата да го задржи влијанието врз Ормускиот Теснец и по завршувањето на актуелниот конфликт. Според ИСВ, Техеран во раните фази од судирот практично го затворил преминот, се обидел да наплатува премин на бродови и отворил оган кон одредени пловила што минувале низ областа.

— реклама —

Од Институтот оценуваат дека неодамнешните американски воени удари врз ирански цели се дел од пошироките напори на Вашингтон да спречи воспоставување таква контрола.

„САД преземаат чекори за да ги спречат иранските обиди за создавање рекетарски систем за заштита во Ормускиот Теснец“, наведува ИСВ.

— реклама —

Во тој контекст, американското Министерство за финансии на 27 мај воведе санкции против организацијата „Persian Gulf Strait Authority“, предупредувајќи дека санкции би можеле да погодат и други субјекти кои соработуваат со неа.

Ормускиот Теснец, преку кој минува значителен дел од светската трговија со нафта, стана едно од клучните спорни прашања во актуелниот конфликт меѓу Иран и САД.

ИСВ додава дека иранските преговарачи понудиле одредени отстапки во разговорите, но засега не е познато дали тие ќе добијат поддршка од највисокото политичко и воено раководство во Техеран.