Американскиот претседател Доналд Трамп упати нова остра закана кон Иран, тврдејќи дека илјада американски ракети се веќе распоредени и насочени кон Исламската Република, а дека уште илјадници се подготвени за лансирање доколку иранските власти се обидат да извршат атентат врз него.
Во објава на својата социјална мрежа „Трут соушл“, Трамп наведе дека наредбите веќе се издадени и дека американската војска е подготвена да реагира.
„Илјада ракети се распоредени и насочени кон Исламската Република Иран, а уште илјадници веднаш ќе следат доколку иранската влада ја спроведе својата закана за атентат или обид за атентат врз актуелниот претседател на Соединетите Американски Држави – во овој случај, мене“, напиша Трамп.
Тој додаде дека американските вооружени сили се „подготвени, расположени и способни“ во период од една година, со можност за продолжување, „целосно да ги срамнат со земја и да уништат сите области во Иран“.
Објавата доаѓа во период на високи тензии меѓу Вашингтон и Техеран, по серијата воени и дипломатски судири меѓу двете земји.
