Трамп: Длабоко сум разочаран од Путин – ако не прекине со војната, ќе им испратам ракети со долг дострел на Украина

Американскиот претседател Доналд Трамп изјави дека е „многу разочаран“ од рускиот претседател Владимир Путин, неколку дена пред посетата на украинскиот лидер Володимир Зеленски на Вашингтон.

— реклама —

„Многу сум разочаран, бидејќи Владимир и јас имавме многу добри односи. Веројатно и сè уште ги имаме. Но, не знам зошто продолжува со оваа војна“, изјави Трамп пред новинарите во Белата куќа, говорејќи на заедничка прес-конференција со аргентинскиот претседател Хавиер Милеј.

— реклама —

Трамп додаде дека Путин „требало да ја добие војната за една недела“, а сега таа влегува во четвртата година. Според него, Русија изгубила околу милион и пол војници – бројка која не се совпаѓа со проценките на западните разузнавачки служби. Тие оценуваат дека вкупниот број на убиени и ранети руски војници е блиску до еден милион, додека според истрагата на порталот Медиазона и рускиот сервис на Би-би-си, до октомври 2025 година се потврдени повеќе од 135.000 загинати.

Според Фајненшл тајмс, односите меѓу Трамп и Зеленски се подобриле во текот на летото, откако американскиот лидер се разочарал од Путин и неговото одбивање да ја прекине војната. Неименувани извори тврдат дека Трамп размислува за условна поддршка:

— реклама —

„Ако Путин не прифати мир, ќе им испратам Томахавци“, наводно изјавил американскиот претседател.

— реклама —

Путин, од своја страна, предупреди дека испораката на такво оружје би била „сериозна ескалација“ во односите меѓу Москва и Вашингтон.