Трамп го пофали индискиот премиер: Изгледа како ангел

Американскиот претседател Доналд Трамп на самитот на Г7 во Франција упати пофалби до индискиот премиер Нарендра Моди, оценувајќи го како еден од најтврдите преговарачи со кои работел.

— реклама —

„Тој е многу тврд преговарач. Еден од најтврдите. Изгледа толку мирно и благо, речиси како ангел, но всушност е исклучително цврст. Малку луѓе се како него“, изјави Трамп пред новинарите.

Тој додаде дека многумина го сметаат Моди за многу љубезен човек, но според него, индискиот премиер е исклучително решителен кога станува збор за преговорите.

— реклама —

Трамп потврди дека со Моди имал „многу добар разговор“ и посочи дека двете земји работат на нови трговски договори.

— реклама —

Американскиот претседател исто така најави дека планира да ја посети Индија во блиска иднина, додека Њу Делхи веќе подолг период работи на организирањето на неговата официјална посета.

Осврнувајќи се на односите меѓу двете држави, Трамп порача дека САД ќе застанат зад Индија во случај на закана.

— реклама —

„Доколку бидат нападнати, ние ќе бидеме таму за да помогнеме“, изјави Трамп, нагласувајќи ја важноста на партнерството меѓу Вашингтон и Њу Делхи.