Трамп: Иранскиот збогатен ураниум ќе биде уништен или испратен во САД

Доналд Трамп изјави дека иранскиот збогатен ураниум ќе биде испратен во САД на уништување или ќе биде уништен на друга локација, додека продолжуваат преговорите за рамковен договор за прекин на војната со Иран.

— реклама —

Трамп на својата платформа Truth Social напиша дека збогатениот ураниум „веднаш“ ќе биде предаден на САД и уништен таму или ќе биде уништен на самото место или на друга прифатлива локација во координација со Техеран.

Тој додаде дека во процесот треба да учествува „Комисијата за атомска енергија или нејзин еквивалент“, но не прецизираше дали мисли на американска агенција или на Меѓународната агенција за атомска енергија.

— реклама —

Едно од главните спорни прашања во преговорите остануваат околу 400 килограми високо збогатен ураниум што ги поседува Иран.

— реклама —

Трамп претходно изјави дека рамковниот договор е „главно испреговаран“.

Во меѓувреме, Бенјамин Нетанјаху соопшти дека во телефонски разговор со Трамп се согласиле дека секој договор со Иран мора целосно да ја отстрани нуклеарната закана.

— реклама —

Според Нетанјаху, тоа подразбира демонтирање на иранските постројки за збогатување ураниум и отстранување на резервите високо збогатен ураниум од земјата.