Трамп: Иранското раководство е дволично

Трамп повторно ја заостри реториката кон Иран, само еден ден откако изрази оптимизам дека е можно да се постигне договор за повторно отворање на Ормускиот Теснец и за решавање на нуклеарното прашање.

— реклама —

Во објава на својата социјална мрежа Truth Social, американскиот претседател го обвини иранското раководство за „дволичност“, тврдејќи дека јавно негира преговори со САД, додека истовремено бара средби и разговори.

— реклама —

„Ништо нема да помине кон Иран, освен ако ние не го дозволиме тоа, и ништо нема да помине сè додека не се постигне договор или целосно предавање. Иран никогаш нема да има нуклеарно оружје“, напиша Трамп.

Тој исто така тврдеше дека американската морнарица целосно го контролира Ормускиот Теснец, иако Техеран претходно соопшти дека разговара со Оман за воспоставување безбеден поморски коридор низ стратешкиот пловен пат.

— реклама —

Само еден ден претходно, Трамп изјави дека најпрво ќе биде постигнат договор за Ормускиот Теснец, а потоа ќе започнат и преговорите за иранската нуклеарна програма.

Сепак, иранското Министерство за надворешни работи ги демантираше неговите тврдења, нагласувајќи дека не води преговори со САД и дека комуницира исклучиво со Оман во врска со безбедноста на пловниот пат низ Ормускиот Теснец.