Трамп: „Ќе се борам за луѓе што се добри кон мене, без разлика какви се“

Американскиот претседател Доналд Трамп изјави дека не му е важно какви се луѓето, сè додека се однесуваат добро кон него, оценка што предизвика бројни реакции во јавноста.

— реклама —

Изјавата ја даде за време на велигденски ручек во Белата куќа, во дел од говорот во кој зборуваше и за војната со Иран.

„Кога некој е добар кон мене, јас ја сакам таа личност. Дури и ако се лоши луѓе, баш ми е гајле. Ќе се борам за нив до крај“, рече Трамп.

— реклама —

Во истиот настап, тој тврдеше дека е постигната „промена на режим“ во Иран, иако, според достапните информации, власта во земјата останува непроменета.

— реклама —

„Тоа не беше дел од она што го планирав, но успеавме, претпоставувам, со сила на личноста. Имаме промена на режим каква никој не сметаше дека е можна“, изјави Трамп.

Неговите зборови брзо се проширија на социјалните мрежи, каде дел од коментаторите оценуваат дека ваквиот став открива многу за неговиот однос кон сојузниците и политичките партнери.

Трамп и претходно бил критикуван поради блиските односи со странски лидери како Владимир Путин, Си Џинпинг и Ким Џонг Ун, и покрај обвинувањата за кршење на човековите права, при што самиот често истакнува дека лојалноста и личниот однос ги става пред другите критериуми.