Американскиот претседател Доналд Трамп на прес-конференција по самитот на Г7 во Франција повторно се осврна на ликвидацијата на иранскиот генерал Касем Сулејмани, извршена од американските сили во 2020 година.
Трамп изјави дека Сулејмани бил влијателна фигура во Иран и човек кого многумина го почитувале, но истовремено го обвини за бројни напади во кои биле осакатени и убиени американски војници.
„Тој беше гениј, но јас го ликвидирав“, рече Трамп пред новинарите, потсетувајќи на американскиот напад со беспилотно летало во близина на аеродромот во Багдад во јануари 2020 година.
Касем Сулејмани беше командант на силите Кудс, елитна единица во состав на Иранската револуционерна гарда, задолжена за специјални операции и ширење на иранското влијание во регионот. Во Иран важеше за еден од најмоќните луѓе во државниот и безбедносниот апарат и беше сметан за национален херој.
Неговото убиство предизвика сериозна ескалација на тензиите меѓу Вашингтон и Техеран, а и денес останува едно од најконтроверзните случувања во американско-иранските односи.
