Трамп: Курдите нè изневерија, но ќе им го запомнам тоа

Американскиот претседател Доналд Трамп изјави дека не се согласувал со идејата курдските милитантни групи во Ирак да бидат вооружени како дел од планот за соборување на иранскиот режим во раната фаза од конфликтот.

— реклама —

Според повеќе медиумски извештаи, постоел американско-израелски план за испорака на оружје на курдските групи, како и можност за поддршка на вооружен бунт против Техеран. Сепак, како што наведува „Тајмс оф Израел“, протекувањето на информациите во јавноста, лобирањето на меѓународни актери, меѓу кои и турскиот претседател Реџеп Таип Ердоган, како и претпазливоста на самите Курди, придонеле Трамп на крајот да се откаже од таа идеја.

Во интервју за „Фокс њуз“, Трамп изјави дека САД испорачале оружје до Курдите, но дека тие, според него, го задржале наместо да го употребат во борбата против Иран.

— реклама —

„Искрено, Курдите нè изневерија. Не се согласував со таа одлука. Велев: ‘Не, не верувам дека ќе го исполнат тоа’“, рече Трамп.

— реклама —

Тој додаде дека смета оти американското оружје останало кај курдските сили.

„Мислам дека го задржаа оружјето за себе. Мислам дека тоа е срамота, но ќе им го запомнам тоа“, изјави американскиот претседател.

Трамп воедно упати критики и кон медиумското известување за конфликтот со Иран, оценувајќи дека иранските власти биле изненадени од начинот на кој биле претставени во дел од медиумите. Истовремено, го пофали известувањето на дописникот на „Фокс њуз“ за надворешна политика, Треј Џингст.