Трамп најави царини од 50% за државите кои го снабдуваат Иран со оружје

Претседателот на Соединетите Американски Држави, Доналд Трамп, упати остар предупредувачки сигнал до државите кои го снабдуваат Иран со воено оружје, најавувајќи моментални економски санкции.

— реклама —

„Државата која испорачува воено оружје на Иран веднаш ќе биде оптоварена со царини од 50 отсто на сета стока што се продава во САД. Нема да има исклучоци ниту изземувања“, порача Трамп.

— реклама —

Оваа изјава доаѓа во моментот на смирување на тензиите на Блискиот Исток.

Потсетуваме, Трамп претходно објави дека Соединетите Американски Држави и Иран постигнаа договор за двонеделно примирје, со посредство на Пакистан, под услов Иран целосно да го отвори Ормускиот теснец.

— реклама —

Според неговите зборови, Иран доставил предлог од десет точки кој претставува основа за понатамошни преговори, при што клучните прашања веќе се усогласени. Тој додаде дека примирјето треба да послужи за финализирање на поширок договор.

— реклама —

Договорот е постигнат во последните моменти пред истекот на рокот поставен од Вашингтон, со што привремено е запрен конфликтот меѓу Иран, САД и Израел, започнат кон крајот на февруари.