Трамп: „Одбивме да ѝ испратиме оружје на Украина бидејќи не може да го користи“

Американскиот претседател Доналд Трамп изјави дека САД одбиле украинско барање за одреден вид оружје, бидејќи во Белата куќа сметаат дека украинските сили немаат соодветна опрема за негово користење.

— реклама —

Во интервју за магазинот „Тајм“, Трамп рече дека станува збор за „многу моќно оружје“, но не прецизираше за каква муниција станува збор.

„Постои муниција што претседателот Зеленски не би ја прифатил, а се работи за многу моќно оружје. Не ја прифатил бидејќи нема авиони и сè останато што е потребно за таква муниција“, изјави Трамп.

— реклама —

Американскиот претседател не објасни за какво точно оружје станува збор, ниту зошто Киев го побарал доколку, според неговите тврдења, нема услови за негово користење.

— реклама —

Трамп во последните денови упати и други критики кон Украина. Тој го обвини Киев дека придонесува за растот на цената на дизелот преку нападите врз руските нафтени постројки и рече дека украинскиот претседател Володимир Зеленски одбил да ги намали тие напади.

„На цената на дизелот многу повеќе влијае она што се случува во Русија отколку ситуацијата на Блискиот Исток. Руските рафинерии престануваат со работа со брзина што ги загрижува луѓето“, рече Трамп.

Тој додаде дека нападите врз руските рафинерии се сериозен проблем бидејќи тие преработуваат големи количества гориво и оцени дека станува збор за прашање поврзано со Русија, а не со Блискиот Исток.