Трамп повторно направи географска грешка: Му порача на катарскиот емир дека Иран е „преку граница“

Американскиот претседател Доналд Трамп повторно предизвика реакции со својата географија, откако на Самитот на Г7 во Франција изјави дека од Катар „може едноставно да се прошета преку границата“ до Иран.

— реклама —

Говорејќи во присуство на катарскиот емир, шеик Тамим бин Хамад Ал Тани, Трамп рече дека Катар е физички најблиску до Иран и дека тоа го става во поопасна позиција.

— реклама —

„Од вас може едноставно да се прошета преку границата“, изјави Трамп.

Во реалноста, Катар и Иран немаат копнена граница. Двете земји ги разделува Персискиот Залив, а растојанието меѓу нив изнесува околу 190 километри.

— реклама —

Ова не е првпат Трамп да изнесе вакво тврдење. Минатата година тој изјави дека „буквално може пешки да се премине од Иран во Катар“, што тогаш предизвика бројни потсмеви на социјалните мрежи.

— реклама —

Американскиот претседател и претходно имал слични географски гафови, меѓу кои мешањето на Балтикот со Балканот, како и погрешното именување на Ерменија и Азербејџан.