Американскиот претседател Доналд Трамп изјави дека индиректните преговори меѓу САД и Иран, кои се одржуваат во Доха со посредништво на Катар и Пакистан, напредуваат и се одвиваат „многу добро“.
„Процесот на денуклеаризација на Иран оди добро. Имавме многу добри состаноци и ќе видиме како ќе се развива“, изјави Трамп пред новинарите во воената база „Ендруз“.
Тој повтори дека Иран не смее да поседува нуклеарно оружје и оцени дека односите меѓу двете земји во моментов се движат во позитивна насока, иако, како што рече, САД претходно извршија силни удари врз Иран.
Според Трамп, разговорите се водат индиректно, без директни средби меѓу американските и иранските претставници, при што посредниците ги пренесуваат ставовите на двете страни во согласност со потпишаниот меморандум за разбирање.
Целта на разговорите е намалување на тензиите и постигнување траен договор за иранската нуклеарна програма.
