Трамп: Се надевам дека Украина и Русија ќе постигнат договор пред зимата

Американскиот претседател Доналд Трамп изјави дека се надева оти Украина и Русија ќе постигнат договор пред почетокот на зимата.

— реклама —

Одговарајќи на новинарско прашање дали со украинскиот претседател Володимир Зеленски разговарал за ракетите „Патриот“, Трамп го насочил разговорот кон можноста за постигнување договор меѓу Киев и Москва.

— реклама —

„Многу разговарав со него. Тој е подготвен за соработка, а подготвен е и Путин. Еден ден, се надевам во блиска иднина, можеби пред суровата зима, ќе постигнат договор“, изјавил Трамп.

— реклама —

Американскиот претседател потоа појаснил дека очекува Зеленски да постигне договор со рускиот претседател Владимир Путин.

— реклама —

„Знаете ли што сакам тој да направи? Да постигне договор. Сакам да се договори со Путин и сакам Путин да се договори со него“, рекол Трамп.