Трамп смирува: „Не грижете се, цената на нафтата наскоро ќе падне“

Американскиот претседател Доналд Трамп тврди дека цените на нафтата наскоро ќе се намалат, и покрај значителниот пораст на пазарите од почетокот на конфликтот со Иран.

Пред присутните во сојузната држава Кентаки, Трамп истакна дека одлуката на 32 држави да ослободат нафта од стратешките резерви „значително ќе ги намали цените“.

— реклама —

Нафтата ќе паѓа. Тоа е едноставно последица од војната, така тоа функционира. Може скоро да се предвиди“, рече Трамп.

Тој додаде дека цените пораснале помалку отколку што се очекувало и дека наскоро ќе почнат да опаѓаат.

Пораснаа малку помалку од тоа што мислевме. Ќе паѓаат повеќе отколку што јас – или било кој друг – разбира“, истакна претседателот.

— реклама —

Претходно, за време на посетата на една компанија во Синсинати, Трамп ги опиша промените на цените на нафтата како „последица од војната“.

Тој коментираше и за ситуацијата во Ормускиот теснец, клучниот премин за светската трговија со нафта:

— реклама —

Ормутскиот теснец е во многу добра состојба. Ги уништивме сите нивни бродови. Сè уште имаат неколку проектили, но не многу“, рече Трамп.

Цените на нафтата денес благо се намалија, откако претходно на азиските пазари првпат од почетокот на конфликтот ја надминаа границата од 100 долари за барел.

Нафтата „Брент“ сега се тргува околу 97,5 долари за барел, што е околу шест проценти повеќе од претходниот ден. Нафтата на трговските пазари во Њујорк поскапе околу 5,5 проценти и изнесува околу 92 долари за барел.

Цените на енергентите силно осцилираат од почетокот на конфликтот, а во понеделникот кратко се доближија до 120 долари за барел. Аналитичарите предупредуваат дека одлуката на големите држави да пуштат рекордни количества нафта од стратешките резерви засега не донесе значително олеснување на пазарот.

Ова е само привремен амортизер“, истакна Мартин Ма од Институтот за технологија во Сингапур, додавајќи дека трговците очекуваат конфликтот да потрае.