Вакцинацијата против грип треба да започне во втората половина на октомври

Обезбедени или во постапка се 56.000 од планираните 80.000 дози вакцини против грип, а целта е вакцинацијата да започне во истиот период како и претходните години, информираше министерот за здравство Сашо Клековски.

— реклама —

Како што посочи Клековски, Светската здравствена организација годинава ги промени сите три соја на вирусот на грип, што, според него, е ретка појава и довело до доцнење во производството на вакцините во повеќе земји.

— реклама —

Тој информираше дека тендерот во Македонија останал без понудувач, но дека веднаш биле преземени активности за обезбедување вакцини по друг пат.

„Веќе имаме обезбедени или во постапка 56.000 од планираните 80.000 дози, кои ќе бидат во Македонија до 15 ноември“, посочи Клековски.

— реклама —

Според министерот, во последните три години вакцинацијата против грип започнувала меѓу 16 и 25 октомври, а целта е и годинава да се обезбедат услови за почеток во истиот период.

Бесплатна вакцина против грип ќе имаат лицата над 65 години, хронично болните, бремените жени и здравствените работници. Од Министерството најавуваат дека дополнително ќе информираат за терминот и начинот на закажување.