„Ветувањето за бесплатен училишен оброк останува, мерката ќе се реализира фазно“, вели Герасимовски

Советот на Општина Центар на продолжението на деветтата седница ги усвои измените и дополнувањата на Програмата за образование за 2026 година, со што се отвора патот за почеток на првата фаза од воведувањето на бесплатен училишен оброк за учениците кои посетуваат целодневна настава.

— реклама —

Според градоначалникот Горан Герасимовски, мерката ќе се спроведува постепено. До 2028 година родителите ќе добиваат субвенција од 1.000 денари, а по истекот на постојните договори со операторите, Општината ќе распише јавна набавка за избор на еден оператор, по што ќе се премине на целосно субвенционирање на училишната исхрана.

— реклама —

— реклама —

„Ветувањето останува и од него не се откажуваме. Поради правни причини не можеме веднаш да ги раскинеме важечките договори без дополнителни финансиски последици за Општината. Затоа избравме фазен пристап, со крајна цел сите ученици во целодневна настава да добијат бесплатен оброк“, изјави Герасимовски.

Тој нагласи дека ваквиот модел е најбезбедното решение, бидејќи овозможува реализација на мерката без правни спорови и дополнителни трошоци за Општина Центар.