Едно лице загина, а десет се повредени откако автомобил намерно удрил во група пешаци пред железничката станица во францускиот град Каен. Инцидентот се случил во средата вечерта, а локалните власти потврдија дека возачот бил уапсен.
Префектот на департманот Калвадос, Давид Клавиер, соопшти дека седум од повредените се во критична состојба, додека тројца се тешко повредени, но се надвор од животна опасност.
Возачот бил уапсен кратко по инцидентот. Станува збор за маж роден во Русија, кој претходно не бил евидентиран од разузнавачките служби. Според досегашните информации, мотивот за нападот не е познат.
Полицијата спроведува истрага, при што се разгледуваат и снимките од безбедносните камери за да се утврдат сите околности на настанот.
Засега нема потврда дека инцидентот е поврзан со тероризам, а истрагата треба да утврди што го натерало возачот намерно да се залета со автомобилот кон пешаците.
