(Видео) Хорор на протест во Марсеј: Маскиран демонстрант ѝ го запали лицето на жена

Француската полиција трага по маскиран демонстрант кој за време на протест во Марсеј со импровизиран фрлач на пламен ѝ ја изгорел левата страна од лицето на жена.

Инцидентот се случил вчера во близина на плоштадот „Плас ди 4 Септембр“ во Марсеј, во момент кога протестите се интензивирале. Снимка од настанот покажува како жената се соочува со маскирани демонстранти околу метална бариера, по што кон неа се приближува лице целосно облечено во црно и со качулка.

— реклама —

Напаѓачот држел млазница пред запалка, создавајќи пламен, кој потоа од непосредна близина го насочил кон лицето на жената. Присутните почнале да врескаат, а напаѓачот набрзо побегнал.

Според извештаите, нападнатата жена денес поднела пријава во полицијата во Марсеј. Таа и нејзината пријателка претходно чекале автобус кога неколку девојки од група средношколци наводно зграпчиле метална бариера и се обиделе да ја искршат автобуската постројка.

— реклама —

Пријателката се обидела да интервенира и да ги спречи, но наводно била нападната. Една од учесничките потоа употребила спреј и запалка, со што ѝ ја изгорела левата страна од лицето.

Жената се здобила со изгореници од прв степен, но не претрпела посериозни повреди. На местото пристигнале пожарникари и жандармерија.

Нејзините пријатели ги повикуваат сведоците на нападот да се јават во полицијата. Особено се надеваат дека ќе биде пронајдена жена во црн елек која, според нив, била единствената што се обидела да интервенира пред напаѓачите да побегнат. Тие се надеваат и дека безбедносните камери го снимиле целиот инцидент.

— реклама —

View this post on Instagram

Протестите во Франција започнале во регионот на Париз кон крајот на септември, а потоа се прошириле и во други градови. Главно ги сочинуваат средношколци на возраст од 15 до 18 години, а во некои градови им се придружиле и студенти.

— реклама —

Демонстрантите бараат повеќе наставници, подобро финансирање на училиштата и решавање на проблемите со пренатрупаните училници и дотраените училишни објекти. Тие бараат и промени поврзани со долгото работно време и притисокот од системот за упис на факултет „Паркурсуп“.

Иако најголемиот дел од барањата се поврзани со образованието, дел од демонстрациите прераснале во судири, вандализам и подметнување пожари.