(Видео) „Ја промаши професијата - би бил добар уредник на „Информер“ и Колегиум“: Филипче до Мицкоски

Претседателот на СДСМ, Венко Филипче, го обвини премиерот Христијан Мицкоски дека наместо да се занимава со проблемите на граѓаните, ја дефокусира јавноста и избегнува конкретни одговори на прашањата од опозицијата.

„Ја промаши професијата – би бил добар уредник на „Информер“ или на „Колегиум““, му порача Филипче на Мицкоски, критикувајќи го начинот на кој ја води државата.

— реклама —

Според лидерот на СДСМ, премиерот користи пропагандни механизми, оцрнувања и дискредитации наместо да одговори на суштинските прашања и да покаже резултати од своето управување.

— реклама —

„Користиш разноразни пропагандни механизми, лажни кампањи, оцрнувања, дискредитации, создаваш простор за политички острел на твоите политички противници, но и на твои блиски луѓе што не работат така како што ти им диктираш“, изјави Филипче, додавајќи дека Мицкоски повеќе од две години не одговорил конкретно на прашањата што му ги поставува опозицијата.

Филипче оцени и дека премиерот постепено ја губи поддршката од Србија и дека ќе треба да одговара на прашања и пред европските институции. Притоа, тој се повика на изјава на претседателката на Европската комисија, Урсула фон дер Лајен, и ги спомена Европското обвинителство и европската обвинителка Лаура Ковеши.

— реклама —

Лидерот на СДСМ отвори прашања и за финансиските текови поврзани со Унгарија и Србија, Алта банка и можни трансфери на пари од Србија во Македонија, наведувајќи дека неодамна видел документи поврзани со овие сомнежи.