(Видео) Кос: Проширувањето на ЕУ не се темели на гаранции; Мицкоски: Нема план Б за Македонија

По прашањето дали Европската Унија може да понуди гаранции дека во текот на пристапните преговори нема да се појават нови билатерални спорови за Македонија, еврокомесарката за проширување Марта Кос изјави дека процесот на проширување не се темели на однапред дадени гаранции, туку на доверба, исполнување на обврските и посветена работа.

— реклама —

„Со проширувањето на ЕУ не е изградено на гаранции кои што се даваат однапред, туку се гради врз доверба, обврски, посветеност, нивно исполнување и работа“, рече Кос.

— реклама —

На истото прашање одговори и премиерот Христијан Мицкоски, кој порача дека Владата останува целосно посветена на реформите и дека за државата нема друга алтернатива освен членството во Европската Унија.

— реклама —

„Денеска за нас е убав ден, затоа што сите ние и македонската јавност можеше да слушне тоа кое што ние го зборуваме, а тоа е дека работиме многу фокусирано и посветено на реформите и на реформската агенда. И како резултат на таа посветена работа, како што досега никој не ја направил во минатото, ќе добиеме дополнителни средства, односно ќе го добиеме тој потпал кој што го заслуживме со оваа напорна работа, а ние ќе покажеме дека можеме уште повеќе и уште подобро во периодот кој што следи. Јас сум убеден дека ние како Влада сме вистинскиот фронт-ранер кога станува збор за квалитетот на испораката и брзината на испораката, посветеноста и работата. И во таа насока ќе продолжиме да работиме. За нас нема во моментот никаква друга опција, ниту план Б. За нас единствена опција е членство во рамките на Европската Унија и посветеност во делот на испораката на реформите“, изјави Мицкоски.