Левица со видео на социјалните мрежи обвини дека локалната власт во Општина Аеродром повеќе од шест месеци не презела ништо за санација на игралиштето „Патрик“, иако уште во ноември 2025 година било прогласено за небезбедно и ставено вон употреба.
Од партијата велат дека, наместо брза реконструкција како што било најавено, просторот бил оставен да пропаѓа, а децата и младите од овој дел на општината останале без место за игра и рекреација во текот на летниот распуст.
Според Левица, игралиштето, кое претходно било донација наменета за најмладите, денес претставува и безбедносен ризик, при што посочуваат дека веќе имало случаи на повреди кај деца.
Поради тоа, советничката група на Левица поднела иницијатива за итна и целосна реконструкција на игралиштето „Патрик“, оценувајќи дека безбедноста и здравјето на децата мора да бидат приоритет, а не предмет на одложени ветувања.
