(Видео) Левица: Митески плаќа 36 милиони денари за одржување - урбана опрема во распад

Левица – Аеродром преку објава на социјалните мрежи обвини дека Општина Аеродром троши милиони денари за одржување на урбаната опрема, додека состојбата на терен, според нив, останува лоша.

— реклама —

Советничката Слободанка Ќириќ посочи дека од општинскиот буџет биле издвоени 36 милиони денари за приватна фирма задолжена за одржување, но дека граѓаните секојдневно се соочуваат со искршени канти, оштетени клупи и небезбедни детски игралишта.

Од Левица тврдат дека официјалните информации и фотографии објавени на интернет-страницата на Општината прикажуваат сосема поинаква слика од реалната состојба на терен.

— реклама —

Во реакцијата се наведува дека градоначалникот Дејан Митески преку, како што велат, „лажна стварност“ се обидува да ја прикрие неспособноста во управувањето со Општината.

— реклама —

„Водењето општина не е исто што и лепење плакати. Функцијата градоначалник бара капацитет и вистинска работа, а не ПР и празни ветувања“, стои во објавата на Левица – Аеродром.

— реклама —