(Видео) Над 800.000 луѓе на протести во Франција, тврди градоначалникот на Сен Дени

Повеќе од 800.000 граѓани излегоа на протести низ Франција, според тврдењата на градоначалникот на Сен Дени, Бали Багајоко, кој масовните демонстрации ги оцени како досега незабележана мобилизација на граѓаните.

Багајоко преку социјалната мрежа Икс порача дека бројноста на демонстрантите покажува оти незадоволството од политиките на француските власти не се намалува.

— реклама —

„Ова покажува несомнена решителност на граѓаните, која во никој случај не слабее“, напиша градоначалникот.

— реклама —

Според него, Владата и претседателот се соочени со две можности: да ја променат досегашната политика и да повлечат дел од своите одлуки или да се соочат со политичките последици од незадоволството.

— реклама —

„Едно е сигурно: мобилизацијата на граѓаните нема наскоро да ослабне. На крајот ќе мора да се слушне гласот на народот“, порача Багајоко.

Тој смета дека протестите претставуваат јасна порака до француските власти дека демонстрантите очекуваат конкретни политички промени.

Бројката од над 800.000 демонстранти е наведена од градоначалникот, а во неговата објава не се посочени официјални полициски податоци со кои би се потврдила процената.