(Видео) Нови тензии во Париз: Полицијата употреби солзавец за да ги растера демонстрантите

Напнато било на плоштадот Република во Париз, каде што полицијата употреби солзавец и шок-бомби за да ги растера демонстрантите собрани по повици на социјалните мрежи. Протестот не бил одобрен од властите, а интервенцијата се случила во време на пошироки немири и грабежи низ Франција.

— реклама —

— реклама —

Пристапите до плоштадот биле блокирани со засилено полициско присуство. Демонстрантите се собирале, се повлекувале, а потоа повторно се враќале. Во еден момент зад блиска зграда се издигнал густ црн чад, што укажувало на нов пожар. Полицајците повремено влегувале меѓу насобраните и употребувале солзавец.

Тензиите ескалирале откако демонстрантите ги нападнале припадниците на безбедносните сили со шишиња и камења, по што полицијата одговорила со солзавец и шок-бомби.

— реклама —

Од париската полициска управа соопштиле дека службениците извршиле проверки и поставиле безбедносен кордон за да можат брзо да интервенираат доколку биде потребно. По првите знаци на ескалација, полицијата започнала акција за растерување на толпата и приведување на учесниците.