Големиот шумски пожар во францускиот регион Жиронд продолжува да се шири кон подрачјето на Бордо. Според најновата проценка на префектурата Жиронд, објавена во 4 часот наутро, огнената стихија досега зафатила околу 42.000 хектари.
Во текот на ноќта биле евакуирани нови населени места јужно и источно од заливот Аркашон, како и во близина на Бордо. Меѓу нив се Маршприм, Ле Барп, Биганос, Миос и Сестас.
Според најновите информации, поради пожарите во регионот Жиронд досега се евакуирани вкупно околу 220.000 луѓе. Надлежните служби и натаму се борат со огнената стихија, која дополнително се разгорува поради високите температури и силниот ветер.
