(Видео) Предност за студенти од топ 100 универзитетите, повеќе пари но и отченост - Законот за високо образование оди во Собрание

Премиерот Христијан Мицкоски оцени дека македонското образование со години било предмет на „експерименти“, кои оставиле сериозни последици врз квалитетот, особено во високото образование.

„Долго време се правеа експерименти со образованието, а тоа е фундаментот врз кој се гради секое општество. Кога се прават погрешни чекори, последиците ги чувствуваат генерации“, изјави Мицкоски, посочувајќи дека законските решенија од 2018 година довеле до намалени критериуми, помала научна продукција и пад на квалитетот.

— реклама —

Тој нагласи дека, според Владата, не била спроведена ниту соодветна евалуација на состојбите, ниту биле детектирани слабостите, поради што најави поинаков пристап во реформите.

„Како Влада нема да дозволиме уште една изгубена деценија зад нас. Напредокот се гради со партнерство, а не со наметнување“, рече премиерот.

— реклама —

Мицкоски најави дека новиот закон за високо образование ќе донесе конкретни новини, меѓу кои и предност при вработување на државните универзитети за студентите кои студирале на некој од најдобрите 100 универзитети во светот со државни стипендии.

— реклама —

Дополнително, се воведува нов модел на финансирање на високообразовните институции, со зголемени вложувања, но и со засилена отчетност.

Паралелно, Владата најавува и поддршка за научната дејност, со цел универзитетите повторно да се позиционираат како центри на иновации.

— реклама —

Според премиерот, измените на законот биле подготвувани преку широка дебата, а целта е создавање систем кој ќе ги задржи младите во земјата и ќе го подобри квалитетот на образованието.