(Видео) Протестите во Франција ескалираат: Запалено Градското собрание во Лимож, историска зграда стара 143 години

Историското градско собрание во францускиот град Лимож е речиси целосно уништено во пожар за време на насилните протести поради високите трошоци за живот. Според локалниот префект Морис Бара, архитектонскиот споменик стар 143 години е „во најголем дел изгубен“.

— реклама —

Пожарот избувнал откако група маскирани демонстранти запалила паркирано полициско возило, а потоа упаднала во зградата, кршејќи ги прозорците. Огнот предизвикал сериозни оштетувања на објектот, при што покривот и историската камбанарија се урнале во внатрешноста на зградата.

— реклама —

Речиси две третини од надворешниот дел на градското собрание се претвориле во урнатини. Пожарникарите се бореле со огнената стихија до доцните ноќни часови, но не успеале да спречат уривање на значителен дел од објектот.

Зградата била изградена во 1883 година, а нејзината архитектура била инспирирана од Париската општина. Локалните власти го оценија пожарот како катастрофален удар за културното наследство на градот.

— реклама —

Во меѓувреме, слични судири, грабежи и напади врз јавна инфраструктура биле забележани и во Париз, Лион и Лил, во рамките на бранот насилни протести што ја зафатија Франција.

View this post on Instagram