(Видео) „Водно не е градежна парцела, а Центар не е партиска каса на СДС, Герасимовски каде е грижата за граѓаните?“, вели Бојаџиева Марковска

Неконтролираната градежна експанзија и недостигот од јавни простори, градинки и услови за нормален живот се главните забелешки што ги упати Стефанија Бојаџиева Марковска, членка на Општинскиот комитет на ВМРО-ДПМНЕ во Центар, обраќајќи се од улицата Водњанска.

Таа оцени дека Водно сè повеќе се претвора во бетонска населба, со згради што се градат една до друга, додека зеленилото и просторот за децата стануваат сè помалку достапни.

— реклама —

Бојаџиева Марковска побара градоначалникот на Општина Центар, Горан Герасимовски, да одговори дали ги согледал проблемите со кои се соочуваат жителите и дали разговарал со родителите за недостигот од места во градинките и во училиштето „Кочо Рацин“.

— реклама —

Таа праша каде се конкретните проекти, роковите и решенијата за подобрување на условите за живот, нагласувајќи дека граѓаните не можат да се задоволат само со прес-конференции и ветувања.

Според неа, проблемите не се ограничени само на Водно, туку се присутни и во другите делови на Центар. Таа обвини дека наместо заштитата на јавниот простор, зеленилото и животната средина, приоритет добиваат градежните интереси и партиските приходи.

— реклама —

„Општината не е златна кокошка на СДС, ниту јавниот простор е ресурс за политичко и финансиско профитирање“, порача Бојаџиева Марковска.

— реклама —

Таа истакна дека градоначалникот треба да го штити јавниот интерес, а не да ја промовира градежната експанзија, додавајќи дека Центар не смее да се претвори во општина со многу станови, но недоволно училишта, градинки и простор за живот.