Владата го именува Арбен Фетаи за специјален пратеник за ЕУ во Брисел

Владата на Македонија го именува Арбен Фетаи за специјален пратеник за Европската Унија со седиште во Брисел, соопшти самиот Фетаи преку објава на социјалните мрежи.

— реклама —

Фетаи истакна дека именувањето претставува голема чест, но и голема одговорност. Како специјален пратеник, негова задача ќе биде да придонесе за унапредување на процесот на европската интеграција на земјата преку зајакнување на политичката поддршка во институциите и земјите членки на Европската Унија.

— реклама —

Тој посочи дека ќе работи и на надминување на политичките и дипломатските предизвици, како и на поголема застапеност на интересите на Македонија во Брисел и во европските престолнини.

— реклама —

Во објавата, Фетаи наведува дека по долгогодишната кариера во Брисел и искуството стекнато во Владата, новата функција ја презема со уверување дека иднината на Македонија е во Европската Унија.

На крајот од објавата, тој му се заблагодари на премиерот и на Владата за укажаната доверба, истакнувајќи дека „патот кон Брисел продолжува – со решителност, партнерство и целосна верба во европската иднина на Македонија“.