АРБЕН ФЕТАИ

Фетаи „удира“ по поделбите: Историјата покажува дека движењата што ги јадат своите луѓе завршуваат во колапс

„Револуцијата ги јаде своите деца“ – со оваа метафора од Француската револуција, Арбен Фетаи направи директна паралела меѓу драмата на Француската револуција и последните политички случувања во земјата, предупредувајќи на ризикот едно политичко движење да се уништи самото одвнатре.Во овој контекст, неговиот текст се гледа од многу набљудувачи како повик за политичка зрелост и свесност: кога фракциските амбиции ќе се стават над заедничкиот проект, добивката може да биде привремена за некоја група или поединец, но најголемиот губитник на крајот е самото движење.Поврзувајќи се со историјата на Француската револуција и познатата изрека „Револуцијата ги јаде своите деца“, Фетаи предупредува за феномен што се повторува: движењата кои започнуваат со идеали за промена често завршуваат ослабени од внатрешната борба за моќ.Неговата порака доаѓа во критичен момент за албанскиот политички камп во Северма Македонија. Овој развој отвори нова дебата за стабилноста и единството на политичкиот проект ВРЕДИ, кој има за цел претставување и зајакнување на албанскиот фактор во земјата.Во својата анализа, Фетаи потсетува дека за време на Француската револуција, фракциите што ја урнаа монархијата на крајот почнаа да се елиминираат меѓусебно во спирала на интриги и политички чистки. Од жирондинците до јакобинците, од ебертистите до дантонистите, секоја фракција стана жртва на внатрешната борба, додека самата револуција создаде вакуум што подоцна беше исполнет со појава на нов авторитарен поредок.Токму оваа историја, според пораката на Фетаи, треба да послужи како предупредување за секое политичко движење што почнува да ја троши својата енергија и своите луѓе во внатрешни битки.На крајот, текстот на Фетаи се интерпретира како потсетник дека политичката историја постојано ја повторува истата лекција: кога едно движење ќе почне да ги „јаде своите деца“, ризикува да го уништи и самиот проект за кој било создадено.

Македонија | пред 1 седмица

Фетаи го добива мандатот за преговори во ВЛЕН од Основачкото собрание на Алијансата

Структурите на АА во рамките на коалицијата ВЛЕН, вклучувајќи го Координативниот совет, координаторите на ограноците, функционерите и избраните мандатари, денес ја одржаа седницата на Основачкото собрание.„Во фокусот на дискусијата беа политичките случувања во земјата и итната потреба за унапредување на политичкото дејствување, со цел зајакнување и консолидирање на ефективното претставување на Албанците во Северна Македонија.За таа цел, Основачкото собрание го усвои концептот „Нова Алијанса“ како стратешки чекор кон посилно и пообединето политичко структуирање.Во духот на реорганизацијата и внатрешното зајакнување, беа донесени следните одлуки:Итно суспендирање на функционирањето на сите актуелни органи до донесување нова одлука;Прогласување на привремен мораториум на сите партиски активности.Со мнозинство гласови, Основачкото собрание го овласти претседателот, г. Арбен Фетаи, да ги води понатамошните преговори во рамките на лидерството на ВЛЕН, со цел формирање на ВЛЕН како политичка партија, во согласност со вредностите и принципите усогласени досега“, се вели во соопштението.

Македонија | пред 2 седмици

Мицкоски со Фетаи комуницира на англиски јазик! „Зборува течно четри јазици, а сега посветено учи македонски“

На промоцијата на новите регистарски таблички, заменик-премиерот за добро владеење Арбен Фетаи одговори на новинарско прашање на албански јазик, иако прашањето беше поставено на македонски. На укажувањето од новинарите, кусо возврати: „Знам, али јас на албански ако може.“Премиерот Христјан Мицкоски реагираше на случајот, потенцирајќи ја биографијата и високото образование на Фетаи. Тој објасни дека комуницира со него на англиски, затоа што Фетаи заминал од Македонија на шестгодишна возраст.Мицкоски нагласи дека Фетаи зборува четири јазици и последниве месеци вложува голема енергија за да го совлада македонскиот.„Знам дека не му е намерата како што некои политички центри се обидуваат да ја дефокусираат јавноста. Единствената грешка беше тоа што ако одлучи да одговори на албански, требаше да обезбеди преведувач. Им се извинувам на новинарите и сум сигурен дека тоа нема да се повтори,“ изјави премиерот.

Македонија | пред 6 месеци

Фетаи со двојно државјанство добил безбедносен сертификат спротивно на законот, тврди Мојсоска

Пратеничката од Левица, Јована Мојсоска, објави на социјалните мрежи дека Арбен Фетаи поседува безбедносен сертификат за државна тајна, иако има двојно државјанство. Според Законот за класифицирани информации, лица со двојно државјанство не смеат да добијат сертификат од највисоко ниво.Мојсоска истакна и дека постојат опструкции во работата на пратениците кои вршат надзор, како од страна на владини директори, така и од власта.-Јас (член на собраниската Комисија за надзор над АНБ и Агенција за разузнавање) повеќе од 6 месеци немам никаков одговор на моето барање за сертификат за државна тајна, иако (за разлика од вицепремиеров што не говори македонски јазик) НЕМАМ ДВОЈНО ДРЖАВЈАНСТВО. Иако се должни да ми одговарат во рок од 6 месеци на моето барање, власта очигледно ги саботира пратениците да ја вршат надзорната функција над службите.ДПМНЕ во опозиција обвинуваше дека АНБ под контрола на СДС не дава безбедносен сертификат на пратеникот Ковачки. Сега АНБ со директор од вмровскиот факултет за туризам повторно ја саботира собраниската Комисија за надзор и ја доцементира партизацијата на оваа безбедносна институција.Ако не, да аплицирам и јас за двојно државјанство, па можда така ќе исполнам услов за вмровскиве директори?! - пишува Мојсоска на Фејсбук.

Македонија | пред 6 месеци

Фетаи во Брисел на средба со европратеникот Ваитз: Повеќе нема дилеми дека балканските земји треба да се зачленат во ЕУ

Во Европската Унија повеќе нема ниедна дилема дека земјите од Западен Балкан треба да станат членки на ЕУ. Ова е став на европратеникот и известувачот за Северна Македонија во Еврпопскиот парламент, Томас Ваитз, искажан на средбата во Брисел со Потпретседателот на Владата задолжен за политики на добро владеење, Арбен Фетаи. Известувачот Ваитз рече дека Северна Македонија треба да го искористи моментот создаден поради руската агресија против Украина и да направи се што е во нејзина моќ да ги отвори преговорите со цел брзо членство во ЕУ.Тој вети дека ќе направи се што е во негова моќ и на Европскиот парламент да го оствари ова заедничка цел.Вицепремиерот Фетаи го информираше Ваитз за активностите на Владата за спроведување на реформската агенда, посебно во делот на владеење на правото и борбата против корупцијата. Фетаи ја истакна и важноста за изградба на Коридорот 8 како безбедносен проект и за справување со еколошките предизвици.Тој изрази загриженост за руското влијание врз информативниот простор на Северна Македонија, кое треба да се третира како сериозно прашање за националната безбедност.На крај, Вицепремиерот му се заблагодари на домаќинот за конструктирвната средба и се заложи за координација на следните активности важни за европската иднина на земјата. 

Македонија | пред 1 година