„Власта го турка народот во должничко ропство – 260 милиони евра кредит“, а ќе вратиме над 326 милиони, велат од Левица

Левица преку соопштение остро го критикуваше новото задолжување на државата од 260 милиони евра, оценувајќи дека Владата ја турка Македонија во „должничко ропство“.

— реклама —

Од партијата тврдат дека задолжувањето, кое Владата го претставува како финансиски успех, е доказ за, како што велат, испразнета државна каса поради расипничко и неодговорно работење.

Според Левица, Македонија ќе земе 260 милиони евра, а ќе враќа повеќе од 326 милиони евра, при што само за камати и провизии граѓаните ќе платат над 66 милиони евра дополнително.

— реклама —

Партијата посочува дека кредитот е врзан со варијабилна каматна стапка – шестмесечен ЕУРИБОР плус 2,1 проценти маргина, што, според нив, претставува ризик во услови на инфлација и можни нови економски кризи.

— реклама —

Во реакцијата се наведува и дека Владата веднаш ќе плати 3,64 милиони евра еднократна провизија за задолжувањето.

Од Левица во соопштението обвинуваат дека власта нема економска стратегија и дека средствата повторно ќе се трошат нетранспарентно, без јасни развојни проекти и инвестиции што би донеле долгорочен бенефит за економијата.

— реклама —

Партијата предупредува дека државата влегува во циклус на постојано задолжување за покривање буџетски дефицити, наместо создавање одржлив економски раст.