Воен авион се урна во Франција, остатоците пронајдени со дрон

Воен авион се урнал во вторникот доцна навечер во североисточниот дел на Франција, во департманот Мерт и Мозел. Остатоците од леталото биле забележани со помош на дрон, соопшти градоначалникот на Пон-а-Мусон, Анри Лемуан.

— реклама —

Несреќата се случила околу 23:35 часот во областа меѓу населените места Рожевил, Домевр-ан-Е и Тремблекур, меѓу Нанси и Мец.

— реклама —

На терен се испратени поголем број припадници на жандармеријата и пожарникари, кои работат на прецизно утврдување на местото на падот.

— реклама —

„Остатоците беа забележани со помош на дрон, но засега не можеме да изнесеме повеќе информации бидејќи спасувачките екипи се на терен, а истрагата штотуку започна“, објави градоначалникот на Фејсбук.

Во Рожевил е воспоставен кризен штаб, а граѓаните се предупредени дека движењето во областа може да биде отежнато, пренесува БФМ.