ВРЕДИ ја финализира листата: Сали за прв вицепремиер и евроинтеграции, Хоџа во животна средина, Бакиу во здравство

По неколкунеделни интензивни разговори, коалицијата ВРЕДИ ја усогласи листата на функционери што ќе му ја предложи на премиерот Христијан Мицкоски за пополнување на испразнетите позиции во Владата. Според извори од партијата, кадровските решенија се договорени и се чека финалната потврда од Мицкоски.

— реклама —

Беким Сали е предвиден да ја преземе функцијата прв вицепремиер и министер за евроинтеграции. Мухамед Хоџа ќе го води ресорот животна средина, додека Башким Бакиу треба да стане нов министер за здравство на местото на Азир Алиу.

— реклама —

Алиу, пак, по заминувањето од Министерството за здравство треба да ја преземе директорската позиција во Агенцијата за електронски комуникации.

Дополнително, Орхан Муртезани е номиниран за амбасадор на Република Северна Македонија во Брисел.

— реклама —

Промените стануваат потребни по изборот на Изет Меџити за градоначалник на Чаир, со што неговите дотогашни функции останаа празни.

— реклама —

Доколку премиерот ги одобри предложените имиња, очекувањата се дека до крајот на неделата документите ќе бидат доставени во Собранието и ќе започне постапката за избор на новите министри.