Хорор во Франција: Татко во картонска кутија во семејниот дом пронашол тело во распаѓање на бебе

Телата на пет новороденчиња биле пронајдени во семејна куќа во градот Оранж, на југот на Франција, во случај што ја шокираше јавноста.

— реклама —

Според француските медиуми, откритието било направено само еден ден откако жената, родена во 1994 година, родила здраво бебе. Наводно, и оваа бременост ја криела, како и претходните.

— реклама —

Додека сопругот бил дома, решил да провери неколку картонски кутии околу чија содржина претходно имале несогласувања. Во една од нив пронашол тело во распаѓање, по што веднаш го однел во болница и го известил медицинскиот персонал.

По пријавата, криминалистичката полиција извршила претрес во семејниот дом, при што во пластични вреќи сместени во кутии биле пронајдени уште останки што, според првичните информации, им припаѓаат на новороденчиња.

— реклама —

Случајот го води обвинителството во Карпантра. Жената сè уште се наоѓа на болничко лекување и засега не е официјално уапсена.

— реклама —

Сопружниците имаат уште две деца, на возраст од осум и 12 години. Според соседите, семејството немало историја на инциденти или проблематично однесување. Истрагата за случајот е во тек и треба да ги утврди сите околности.