Земјотрес од 5 степени ја погоди Гранада во Шпанија: Оштетени куќи и автомобили, нема повредени

Земјотрес со јачина од 5 степени според Рихтеровата скала го погоди јужниот шпански град Гранада во раните утрински часови во саботата, при што се пријавени оштетувања на куќи и автомобили, но засега нема информации за повредени, пренесува Ројтерс.

— реклама —

Земјотресот го погодил поширокото подрачје на Алхендин нешто по 1 часот по полноќ. Шпанската телевизија ТВЕ објави снимки на кои се гледаат остатоци расфрлани по улиците и оштетени автомобили.

— реклама —

Екипите на службите за итни случаи во Андалузија спасиле повеќе лица од оштетени објекти.

— реклама —

Високиот претставник за итни случаи на регионот Андалузија, Антонио Санц, изјави дека нема сериозни структурни или материјални оштетувања ниту човечки жртви.

Земјотресот не предизвикал никаква штета ниту на палатата Алхамбра, еден од најзначајните примери на исламската архитектура во Андалузија.