Жестоки напади на Израел врз Газа, во еден напад загинаа 55 лица

Во напад врз станбена зграда денеска израелската армија убила најмалку 55 Палестинци и ранила десетици во градот Беит Лахија на северот од Газа, соопшти палестинската служба за цивилна итна помош.

— реклама —

Многу цивили се затрупани под урнатините, соопштија официјални лица.

— реклама —

Официјалната палестинска новинска агенција ВАФА и медиумите на Хамас ги објавија истите бројки. Многу од загинатите во израелскиот напад се жени и деца, објави ВАФА.

Палестинската служба за итни случаи објави во понеделникот дека околу 100.000 луѓе во Џабалија, Беит Лахиа и Беит Ханун се без лекови и храна.

— реклама —

Службите за итни случаи соопштија дека нивните операции биле прекинати поради тринеделната офанзива на Израел на северот на Газа, за која Израел рече дека ги збришала борбените сили на Хамас во едногодишната војна.

— реклама —

Израел рече дека нападот бил со цел да се спречи Хамас да се прегрупира.