Директна порака од Европа: Србија мора да одлучи
![](https://skopje1.mk/wp-content/uploads/2019/07/mkd-429029.jpg)
Србија мора да одлучи на чија страна сака да биде, изјави претседателката на Европската комисија, Урсула фон дер Лајен.
„Ние ја сакаме Србија со нас, но за тоа ни треба јасен доказ дека земјата ги споделува нашите вредности, како што се владеењето на правото и демократијата, и дека ја отфрла руската инвазија“, рече Фон дер Лајен во интервју за австрискиот дневен весник Винер Цајтунг и Клајн Цајтунг.
Таа подвлече дека надворешнополитичката определба на кандидатите е многу важна.
„Се разбира, очекуваме сите да ја повлечат истата страна од јажето“, подвлече претседателката на ЕК.
На прашањето колку Западен Балкан е поврзан со статусот на Украина и што може да им се понуди на тие земји, таа посочи дека речиси сите земји од Западен Балкан се на европскиот пат далеку од Украина.
„Се надевам дека ќе најдеме решение, дека конечно ќе успееме да го исполниме ветувањето и да ги започнеме пристапните преговори. БиХ, на пример, може веднаш да влезе во пристапните преговори кога ќе исполни 14 главни точки. Има многу напредок и тоа треба да се признае“, рече таа.
![](https://skopje1.mk/wp-content/uploads/2022/01/2222.png)