Адвокатката на Беса Адеми не очекувала да се запре постапката за претседателката на Врховен
![](https://skopje1.mk/wp-content/uploads/2023/12/асдгасд.png)
Павлина Зефиќ-Јакимовска, адвокатка на Врховната судијка Беса Адеми, смета дека запирањето на постапката ќе ја врати довербата на граѓаните во правосудството. Таа кажа дека не очекувала ваква одлука, што значи дека биле подготвени Адеми да сноси санкции меѓу кои е разрешувањето.
„Мојот впечаток е мошне позитивен, се согласувам со сите искажани ставови на членовите кои гласаа за запирање постапката. Ова е единствениот начин за да се врати довербата во правосудството и да се врати довербата во Судски совет“, рече адвокатката.
Адеми, со нетрпение ја чекала одлуката. На прашањето дали очекувала да се запре постапката против Адеми, адвокатката рече: „Искрено не очекував, потајно ја посакував“.
Беса Адеми останува претседателка на Врховен суд, како што најави „Скопје1“ во текот на вчерашниот ден. Со 7 гласови за отфрлање и 4 гласа за разрешување на Адеми, членовите на Судски совет одлучија да не ја прифатат иницијативата за нејзина одговорност.
Дискусијата траеше долго и имаше замерки оти Адеми не доаѓа на седници, но повеќето членови сметаа дека тоа не е причина за таа да понесе одговорност.
![](https://skopje1.mk/wp-content/uploads/2022/01/2222.png)