Ќе нема ниту судења: Кривичен ќе биде бојкотиран од судиите-поротници, ако не им се исполнат двата услови
![](https://skopje1.mk/wp-content/uploads/2023/08/eZy-Watermark_26-08-2023_12-39-35-0950PM.jpg)
Независниот Синдикат на судии-поротнци ќе ја бојкотира работата на Кривичниот суд доколку не им се исплати покачениот надоместок за вршење на функцијата за декември, но и ако не се измени одредбата на Законот за судовите каде функцијата сега престанува со 60-години.
„Не сме добиле исплата на надоместокот за вршење на функцијата судија-поротник за месец Декември. Исто така до овој момент не е постапено по нашите барања: – Покачување на надоместокот за вршење на функцијата судија-поротник (последната измена е донесена во 2018 година). – Барање за измена во Законот за судовите во одредбата каде престанокот на функцијата на судијата–поротник е со навршувањето на 60 години старост и истата возрасна граница да се зголеми според Законот за работни односи каде е предвидено вршење на работен ангажман до 64 години.
Ве известуваме дека ако не се постапи по нашите барања како и ако не се исплати надоместокот за Декември судиите поротници ќе ја бојкотираат работата на судот и истите нема да учествуваат на судења до исполнување на барањата“, велат од Синдикатот.
![](https://skopje1.mk/wp-content/uploads/2022/01/2222.png)