САД ги предупреди граѓаните за Божик да не патуваат во Франција и Португалија
САД ги повикаа своите граѓани да избегнуваат да патуваат во десетина земји, вклучително и Франција и Португалија, поради зголемениот број на новозаразени со коронавирусот во Европа.
„ Избегнувајте патувања во Франција“, се вели во новата препорака на Стејт департментот до Американците пред божиќните и новогодишните празници, каде што нивото на предупредување за заканата од омикрон за земјата се искачи на четири, што е највисоко на скалата.
Како што наведува главната американска здравствена институција, Центарот за превенција и борба против болести, дури и целосно вакцинираните луѓе се изложени на ризик да се заразат и да шират нови варијанти на вирусот.
Покрај Франција и Португалија, на листата земји за кои е издадено предупредување се и Кипар, Андора, Лихтенштајн во Европа, како и Јордан и Танзанија.
Стејт департментот на списокот ги стави и Мали и островот Фиџи каде беа пријавени првите случаи на сојот Омикрон.
