(Фото) Најден убиецот на Оки во Грција, но и пиштолот со кој е извршена ликвидацијата
Грчката полиција го расчисти убиството на ликвидираниот македонски државјанин во Грција, Орхан Бајрами – Оки и неговиот пријател, кои беа ликвидирани во Халкидки. Тамошните медиуми посочуваат дека лицето кое е во притвор поради двојното убиство во чаршискиот „Шиша бар“ во Скопје е осомничен и за убиството на водичот на нарко клан, Бајрами-Оки.
Полицијата го нашла и оружјето со кое е убиен Оки, а негов пријател беше ранет. Оружјето било со пробушувач, а фрлено во област која е тешко пристапна, подалеку од местото на убиството.
Од лабораториски испитувања и анализи на наодите, утврдено било дека пиштолот бил користен во конкретното кривично дело.
-Според собраните информации, се чини дека мотивот на кривичното дело е поврзан со ривалство помеѓу две криминални групи кои главно се занимаваат со трговија со дрога и се со седиште во земјата од каде што потекнуваат. Горенаведениот странски државјанин е уапсен и е задржан во притвор во својата земја, како осомничен за негово учество во убиството на две лица, што се случи лани во март во нивната земја. Против него е распишана европска потерница и се преземаат потребните дејствија за негова екстрадиција во нашата земја, соопштија од грчката полиција.
Ликвидираниот македонски државјанин во Грција, Орхан Бајрами – Оки и е познат на македонската јавност како дел од мафијашкото подземје. Го сметаа за неформален лидер на т.н. групата „Дуќанџик“. Беше инволвиран во неколку вооружени инциденти, а познат е и за македонската полиција. Според неофицијални информации на грчките медиуми, убиството на Бајрами-Оки, било извршено од неколку лица, со пиштоли, од кои испукале дваесетина куршуми.
Убиството се случи пред пет месеци.
