Нема да бидам политичка манекенка, Ванковска ќе ја трча претседателската трка со Левица
![](https://skopje1.mk/wp-content/uploads/2023/07/vankovska-696x392-1.jpg)
Билјана Ванковска денеска беше промовирана за кандидат за претседател на државата од редовите на Левица.
,,Нема да бидам политичка манекенка или случаен минувач во политиката.Јас се чувствувам како дел од тимот, иако не сум член на партијата Левица. тимот, иако не сум член на партијата Левица. Да ви се претставувам посебно не знам дали е потребно, бидејќи многумина од вас се сеќаваат на времињата кога велеа дека кога ќе отвориш фрижидер ќе ја најдеш професорката Ванковска. Тоа беше така затоа што јас не молчев кога сите молчеа. Мојата основна функција е професорската и таа останува. Пред 10 години јас се обидов како независен кандидат се обидов да влезам во оваа постапка, без никаква организациска и финансиска поддршка, и тоа беше за мене едно многу позитивно време. Ако се прашувате зошто по една деценија повторно излегувам на истиот терен, ќе ви кажам дека оттогаш многу нешта се променија и овојпат нема да бидам политичка манекенка или случаен минувач во политиката. Овојпат сум навистина со многу поголема самодоверба дека сега постои еден тим, веруваеле или не, дел од овој тим беше дел од мојот тим пред 10 години. Во меѓувреме, оваа генерација на млади и борбени политичари направи политичка партија за респект. Ќе ги извадиме ракавиците, помина времето на политичката коректност. За 10 години, Македонија е сѐ што немаме. За 10 години, Македонија е во многу лоша ситуација”, рече Ванковска.
Пред десет години на претседателските избори, Ванковска не успеа да собере 10.000 потписи како поддршка за да учествува во изборниот процес.
![](https://skopje1.mk/wp-content/uploads/2022/01/2222.png)