Кедев: Стојам зад сè што кажав – непотребни стентирања ја уништуваат довербата во здравството

Кардиологот Сашко Кедев останува на ставот дека во македонското здравство постојат злоупотреби со непотребни кардиохируршки интервенции и стентирања. Како што истакна во синоќешното гостување на ТВ Алфа, неговата цел е системот да расчисти со неправилностите и да воведе контрола.„Стојам зад сè што кажав. Овој пат јавноста реагира силно, а тоа е исправно. Станува збор за проблеми што ги отварам со години, но досега не наидував на поддршка,“ рече Кедев, нагласувајќи дека сега има позитивна реакција и од институциите и од колегите.Министерството за здравство веќе формира комисија од домашни и странски експерти, како и Лекарската комора, за да ги анализира доставените случаи. Кедев објасни дека доказите се собрани заеднички од 16 лекари – кардиолози и кардиохирурзи – и оти постојат категории на пациенти кај кои сигурно не треба да се прави хируршка интервенција, а тоа може да се докаже со медицинската документација и ангиографските снимки.„Во медицината постои ‘сива зона’, каде може да се направи интервенција, но и да не се направи. Но има и јасни ситуации каде доказите покажуваат дека не треба ништо да се прави. Нашата обврска е пациентот да добие најсоодветен третман – понекогаш тоа е конзервативна терапија и промена на животен стил,“ додаде тој.Кедев оцени дека здравствениот систем моментално располага со најголем буџет досега, но без видливи бенефити за граѓаните. „Вистинското вложување е во контрола и подобрување на квалитетот на услугите. Ако оваа истрага биде почетна точка за тоа, тогаш сме на добар пат,“ рече тој.

Македонија | пред 5 месеци

Најдени текстуални пораки: Робинсон признава, Бенон сомнева — истрагата за убиството на Чарли Кирк се шири

Обвинителите во Јута објавија дека има текстуални пораки во кои 22-годишниот Тајлер Робинсон, осомничен за убиството на конзервативниот активист Чарли Кирк, наводно признава дека го убил Кирк на кампусот на Универзитетот Јута Вали и ја објаснува мотивацијата како „заситеност од неговиот говор на омраза“, јави британскиот таблоид Daily Mail, кој објави дел од пораки.Според обвинителите, пораки и други дигитални траги се дел од материјалот што ќе се користи во истрагата и евентуално во обвинението. Робинсон е официјално обвинет и доколку биде прогласен за виновен може да се соочи и со смртна казна.Дел од јавноста и политичките актери реагираат по објавата. Поранешниот советник на Доналд Трамп, Стив Банон, во својот подкаст изрази сомнеж во автентичноста и целосноста на текстуалните пораки, опишувајќи ги како „премногу сценарирани“.„Не верувам особено во тие текстуални пораки… Мора да стигнеме до дното на ова“, рече Банон и повика на поширока истрага за можни врски со екстремистички групи. Тој го поврза случајот со други инциденти и најави дека треба да се испитаат и групи како Антифа.Директорот на ФБИ, Кристофер (Кеш) Пател, рече дека агенцијата ја разгледува комуникацијата на платформата Discord поврзана со осомничениот и дека сите учесници во онлајн собата ќе бидат испитани. Гувернерот на Јута, Спенсер Кокс, порано изјави дека истрагата укажува на политички мотив и дека се работи на целосно расветлување на настанот.Откако беше уапсен, според извештаите, Робинсон, според полицијата, бил предаден делумно со помош на членови на семејството, а истрагата ги вклучува и разговорите со блиските и со цимерот, чија комуникација со осомничениот дала траги клучни информации.Медиумските личности и политичарите од различни страни ги повикаа властите на транспарентност и целосно објаснување на околностите околу убиството. Истражната постапка продолжува, а обвинителството најави дека ќе ги испита сите релевантни дигитални и физички докази.

Свет | пред 5 месеци

Во Харков, Херсон и Запорожје нови жртви од руските напади

Најмалку пет цивили загинаа, а седуммина беа повредени во нови руски напади врз Украина во текот на четвртокот, соопштија украинските власти.Руската армија во текот на ноќта лансирала 86 дронови кон украинска територија, од кои 50 биле таканаречени „камиказа“. Украинските воздушни сили успеале да пресретнат 71 дрон, но 15 сепак погодиле шест локации, а остатоци биле пронајдени на уште две.Најтешки последици имало во градот Костјантиновка во Доњецката област, каде што руските сили фрлиле разорна бомба FAB-250 врз станбено подрачје. Петмина цивили загинале на самата улица – две жени на возраст од 62 и 65 години и тројца мажи на возраст од 65, 67 и 74 години. Оштетени се четири станбени згради.Во Харковската област, 37-годишен маж е повреден при напад на селото Били Колодјаз во близина на Вовчанск, каде што биле нападнати уште седум населени места. Според локалните власти, руските сили користеле различни видови оружје, вклучително и десет наведувани бомби и неколку дронови од типот „Геран-2“ и „Молнија“.Еден цивил е ранет и во Херсонската област, каде што се оштетени пет објекти. Во Запорожката област, пак, четири жени се повредени при напад во округот Пологи. Таму руската армија извршила вкупно 376 напади врз 14 градови и села, соопшти регионалниот гувернер Иван Федоров.

Свет | пред 5 месеци

Четворица обвинети за кражба и сквернавење на гроб на Бутелските гробишта, краделе бронзена биста од гробот на Стале и Бранка Попови

Основното јавно обвинителство Скопје поведе постапка против четири лица осомничени за тешка кражба и сквернавење гроб, кривични дела казниви по член 236 и член 400 од Кривичниот законик.Според обвинителството, осомничените на 17 септември влегле на градските гробишта во Бутел и дошле до алејата на заслужни граѓани. Со употреба на сила ја откорнале и урнале бронзената биста со два човечки лика во седечка положба, поставена на гробот на починатите Стале Попов и Бранка Поповска.Иако бистата била зацврстена со анкери, тие ја разурнале и ја оштетиле платформата на гробното место, со што го осквернавиле гробот. Потоа бистата ја влечеле до жичаната ограда каде претходно направиле отвор, преку кој ја изнеле и ја натовариле во автомобил со намера да ја присвојат.Проценетата вредност на бистата, која е во сопственост на наследничка на починатите, изнесува околу 320.000 денари.Поради тежината на делото и опасноста од бегство, јавниот обвинител до Основниот кривичен суд Скопје доставил предлог за определување притвор за сите четворица осомничени.

Скопје | пред 5 месеци

Алиу: На Клиниката за неврохирургија првпат воведена интраоперативна флуоресцентна видеоангиографија при хируршки третман на мозочни аневризми

На Универзитетска клиника за неврохирургија беше извршена комплексна микрохируршка интервенција кај 57-годишен пациент со руптурирана аневризма на мозочен крвен сад.- Станува збор за операција која за првпат во Македонија е изведена со примена на интраоперативна флуоресцентна видеоангиографија. Оваа иновација е значаен чекор напред во модернизацијата на македонското здравство. Примената на интраоперативната флуоресцентна видеоангиографија ја зголемува безбедноста на пациентите и ја подобрува ефикасноста на хируршките интервенции, вели министерот за здравство, Азир Алиу.Оваа иновативна метода претставува напредна техника која овозможува визуелизација на крвниот проток во реално време за време на операцијата.- Со примена на контрастно средство, хирурзите можат прецизно да ја проценат проодноста на крвните садови и да го потврдат целосното исклучување на аневризмата, што е клучно за успешен исход, појаснува д-р Благој Шунтов, специјалист по неврохирургија и раководител на тимот.Инаку, хируршкиот тим се состои од: д-р Благој Шунтов, асистенти:  д-р Мирко Мишел Мирчевски, д-р Влатко Атанасов, анестезиолошки тим: д-р Сања Ѓурчевска, д-р Радмила Панговска, мс Ирена Стојанова, мс Гордана Мицковска, мс Даниела Делова, инструментарки: мс Маја Спировска, мс Наташа Мирчевска.Операцијата помина без компликации, а пациентот се опоравува без потешкотии. Примената на оваа напредна техника претставува значаен напредок во третманот на неврохируршки пациенти и потврдува посветеност на ЈЗУ УК за неврохирургија во примена на најновите медицински технологии.Оваа иновација претставува значаен чекор напред во модернизацијата на македонското здравство и потврдува посветеност на здравствените институции во примена на најновите медицински технологии.

Македонија | пред 5 месеци

(Видео) Ѓорѓиевски: Нема подобар кандидат за Скопје од мене

Актуелниот градоначалник на Кисела Вода и кандидат за градоначалник на Скопје од редовите на ВМРО-ДПМНЕ, Орце Ѓорѓиевски, гостуваше во подкастот „Претрес кај Ландов“. Тој изјави дека, според него, во моментов нема подобар кандидат за Скопје од него.„Па не гледам дека засега има подобар. Перински ми е добар соработник, со Боби од Гази Баба сме другари. Покажав четири години како конструктивно се делува,“ рече Ѓорѓиевски.На новинарското прашање дали славата не му се одразила, Ѓорѓиевски одговори дека „славата удира на било која позиција“.Запрашан зошто не останал да продолжи како градоначалник на Кисела Вода, тој нагласи дека во моментов е потребен на градот и на скопјани.

Студио | пред 5 месеци

СДСМ најавува скандал за Владата поврзан со ПР и манипулации

СДСМ најави дека денеска ќе одржи прес-конференција на која ќе објави, како што велат, нови информации и индиции за уште еден скандал на власта.„Секој ден има нов скандал кој ја тресе власта. Дали со евтин ПР и манипулации се крие неспособноста да се справи со пожарите?“ стои во соопштението од партијата, со кое се упатува покана до медиумите.Од СДСМ порачаа дека јавноста ќе биде запознаена со нови детали на денешниот прес.

Македонија | пред 5 месеци

Претрес во Ајватовци: откриена мини-плантажа со канабис

Основното јавно обвинителство Скопје поведе истражна постапка против 47-годишен маж, осомничен за неовластено производство и пуштање во промет наркотични дроги, психотропни супстанци и прекурсори, кривично дело по член 215 став 1 од Кривичниот законик.Според обвинителството, осомничениот во дворот на својата куќа во селото Ајватовци, под фолија одгледувал осум растенија канабис. При претрес извршен на 16 септември, полицијата пронашла пет растенија засадени во земја и три во кофи, во свежа состојба и високи од 100 до 260 сантиметри.Во спалната соба, пак, осомничениот имал импровизирана просторија за сушење, со метална конструкција, филтер за воздух и два вентилатори. Таму во моментот на претресот сушел седум грама марихуана. Дополнително, на скалите од куќата било пронајдено сито со уште 17,4 грама од истата дрога.Поради опасност од бегство и можност повторно да го изврши делото, јавниот обвинител до Основниот кривичен суд Скопје доставил предлог за определување мерка притвор.

Скопје | пред 5 месеци

(Видео) Во Влае: Деца вршат вандализам на тротинети, а тоа го снимаат

Деца се снимени како вршат вандализам, намерно буткајќи тротинети поставени во Скопје. Додека едното дете, со клоца ги бутка тротинетите, другото снима.Вакви снимки често можат да се видат и на социјалната мрежа „Тикток“. Се снимаат, за да бидат вирални, а профилите да им имаат поголем досег на публика.Во претходните месеци имаше остри рекации за вандализам на повеќе локации во Центар, бидејќи беа целосно руинирани детски игралишта.

Скопје | пред 5 месеци

Уапсени директор, полицајци, службеници: акција во три града во Македонија

Синоќа на подрачјето на Берово, Пехчево и Делчево започна широка полициска акција за разбивање на криминална мрежа која со години се занимавала со нелегална сеча и трговија со дрвна маса.Меѓу уапсените, според неофицијални информации, има актуелен директор во ЈП „Македонски шуми“, началник во полицијата, неколку полициски службеници, шумски полицајци, претставник на Министерството за земјоделие, како и сопственици на приватни фирми. Тие се сомничат дека преку коруптивни врски нелегалното дрво го претставувале како легално и профитирале на сметка на државата и шумските ресурси.Информациите засега се непотврдени, а институциите не се огласиле по повод оваа акција.

Македонија | пред 5 месеци

СДСМ: Тошковски да поднесе оставка, партизираното МВР не ги штити животите на луѓето

СДСМ денеска обвини дека последниот случај на фемицид во Велес е доказ за, како што велат, целосната неспособност на власта да обезбеди заштита на најважното – човечкиот живот.„За сите пропусти на институциите мора да има политичка и кривична одговорност,“ порачаа од партијата, додавајќи дека министерот за внатрешни работи Панче Тошковски треба веднаш да поднесе оставка. Според нив, тој се покажал како неспособен да ја гарантира сигурноста и безбедноста на граѓаните, особено на жените и децата.Од СДСМ оценија дека наместо институција која треба да штити животи, Тошковски го претворил МВР во „партиски сервис за интересите на власта и бизнис интересите на ВМРО-ДПМНЕ“. Тие потсетија на измените на Законот за полиција и Законот за внатрешни работи, кои според нив ги истиснале професионалците и ја урнисале полицијата, претворајќи ја во партиски инструмент.„Скандалозните измени претставуваат директен удар врз функционирањето на безбедносниот систем, а последиците граѓаните ги чувствуваат секој ден,“ велат од партијата.СДСМ додаде дека додека МВР се води како партиски штаб на ВМРО-ДПМНЕ, граѓаните ќе продолжат да живеат во страв. „После сите случаи на фемициди, еколошки катастрофи, пожари, убиства, запалени возила и престрелки додека Тошковски е на чело на МВР, неговата оставка е прв чекор кон враќање на безбедноста и спокојот на граѓаните,“ се наведува во соопштението.„Време е полицијата да се врати во служба на народот, а не на партиските интереси на ВМРО-ДПМНЕ,“ порачаа од СДСМ.

Македонија | пред 5 месеци

Лицемерие на Левица, по Апасиев и Мециновиќ и Мојсоска си инкасирала пари од партијата додека критикувала за патни трошоци, велат од ВМРО-ДПМНЕ

„Јована Мојсоска по примерот на нејзините сопартијци, Димитар Апасиев и Амар Мециновиќ, инкасирала големи суми на пари од партијата“, велат од ВМРО-ДПМНЕ и додаваат:Додека од граѓаните бараат и собираат донации, врвот на Левица тие пари ги ставал во нивни џебови.Мојсоска која не престана да ги напаѓа пратениците за патни трошоци, за четири години од Левица си инкасирала над 600 илјади денари.Додека во Собрание Мојсоска ги напаѓа и обвинува колегите пратеници зошто законски добиваат патни трошоци, таа од 2021 година до денес, од својата партија зела стотици илјади денари.Ова лицемерие на Мојсоска и Левица, кога едно зборуваат а друго прават, е целосно разоткриено и демаскирано.Народот виде дека додека во јавност продаваат скромност и неподмитливост, зад нивниот грб, со пари на граѓаните, ги полнат сопствените џебови.Тука се јавуваат и други дилеми, како на пример врз кој основ Мојсоска ги добила овие пари и дали тоа се партиски патни трошоци?Мојсоска и Левица до толку ли може да бидат лицемерни, од една страна да ги напаѓаат колегите пратеници, а од другата страна, од сопствената партија да зема над 600 илјади денари?Левица, Мојсоска и останатите од партискиот врв се прочитани и демаскирани. Народот виде дека се обични профитери загрижени, единствено, за сопствените џебови.

Македонија | пред 5 месеци

Трамп ја нападна ABC поради суспензијата на Кимел

Американскиот претседател Доналд Трамп повторно отвори жестока дебата околу слободата на медиумите, откако изјави дека на некои телевизиски мрежи би им требало да им се одземат лиценците. Изјавата ја даде во авион „Ер форс уан“ при враќањето од посета на Велика Британија, директно коментирајќи ја суспензијата на популарниот ТВ-водител Џими Кимел.Кимел, кој со години ја води вечерната емисија „Jimmy Kimmel Live!“ на ABC, беше повлечен од етерот на неопределено време, откако во монолог коментираше за убиството на конзервативниот инфлуенсер Чарли Кирк.„Даваат само лош публицитет. Добиваат лиценца, а мислам дека можеби треба да им се одземе,“ изјави Трамп, тврдејќи дека медиумите се 97% негативно настроени кон него.Претседателот на FCC, Брендан Кар, порача дека суспензијата на Кимел не е „крај на приказната“

Свет | пред 5 месеци

Советот за безбедност денеска решава за санкциите кон Иран

Советот за безбедност на Обединетите нации денеска во Њујорк би можел да направи нов чекор кон повторно воведување санкции против Иран поради неговата нуклеарна програма.Во 10 часот по локално време (16 часот по средноевропско) треба да се гласа за нацрт-резолуција која се однесува на трајното укинување на санкциите. Доколку резолуцијата не биде усвоена – било затоа што нема да обезбеди најмалку девет гласови од 15-те членки на Советот, или пак биде блокирана со вето – тогаш автоматски ќе се обноват санкциите наметнати врз Иран во периодот од 2006 до 2010 година. Тоа би стапило во сила до крајот на следната недела.Дипломатските кругови проценуваат дека предлог-резолуцијата ќе биде одбиена, што е и очекуван исход. Германија, Велика Британија и Франција уште кон крајот на август го активираа механизмот „snapback“, повикувајќи се на сериозни прекршувања од страна на Техеран на нуклеарниот договор од 2015 година, вклучително и збогатување на ураниум над дозволените цивилни нивоа.И во случај резолуцијата да пропадне, иницијаторите – Германија, Британија и Франција – формално имаат рок до крајот на следната недела да се обидат со нови дипломатски отстапки да спречат враќање на санкциите. Сепак, дипломатите во моментов вакво сценарио го оценуваат како малку веројатно.Од вторник, околу 150 светски лидери ќе се соберат во Њујорк на Генералното собрание на ОН, што дополнително ќе го стави прашањето за Иран во фокус на глобалната јавност.

Свет | пред 5 месеци

Во Македонија 31 пожар за едно деноноќие – два сѐ уште активни

До утрово, 19 септември 2025 година, во 07:00 часот, на територијата на Република Македонија се евидентирани вкупно 31 пожар на отворен простор. Од нив, два се сѐ уште активни, два се ставени под контрола, додека 27 се целосно изгаснати.Активни пожари има во општина Гази Баба, во атарот на селото Виниче (место викано Муратица), каде што гори нискостеблеста шума, како и во општина Гевгелија, на Кожуф планина, во близина на селото Петрово, каде е зафатена букова шума.Под контрола се пожарите на депонијата „Дрисла“ во општина Студеничани и на депонијата „Острец“ во Делчево, каде што гореше отпад.Истовремено, во изминатите 24 часа целосно се изгаснати 27 пожари на различни локации низ државата – меѓу кои во Трубарево, Вражале, Љуботен, Глуво, Кадино, Лажец, Дабиле, Старо Балдовци, Долна Белица, Рајчица, Другово, Ореовец, Абланица, Подлог, Лезово, Пуковско и Никуштак. Гореле стрништа, ниска вегетација, грмушки, како и отпад на повеќе диви и градски депонии.Надлежните апелираат за претпазливост и воздржување од активности кои можат да предизвикаат нови пожари, особено во услови на високи температури и суво време.

Македонија | пред 5 месеци

Ниту дождот не помогна – Дрисла и понатаму чади!

Ниту дождот што утринава заврна во скопската котлина не помогна да се изгасне пожарот на депонијата „Дрисла“. Чадењето продолжува, и покрај тоа што претходните денови, како што изјави директорот на Дирекцијата за заштита и спасување Стојанче Ангелов, биле исфрлени големи количини вода на депонијата. Тој најави и дополнителни мерки за конечно да се сопре горењето, кое веќе неколку дена го влошува квалитетот на воздухот во главниот град.Последниве денови граѓаните алармираат дека мирисот на изгорена пластика и густ чад се чувствуваат во повеќе скопски населби – од Аеродром и Ново Лисиче, до Кисела Вода, Пинтија и Драчево. На социјалните мрежи масовно се споделуваат фотографии и видеа, со пораки дека „Скопје е отруено“ и дека „секоја вечер Дрисла гори“. Дел од жителите побараа постојано полициско обезбедување и камери на депониите, а некои дури ја споредија ситуацијата со „Чернобил“.

Скопје | пред 5 месеци

(Видео) Џамбазов ја отвори душата на Антички: Емотивна вечер со „Гуру Харе“, Тамара и Пере од Нокаут

Античкиот театар во Охрид синоќа беше преполн со емоции, смеа, солзи и аплаузи – сето тоа на концертот на Игор Џамбазов и „Гуру Харе Бенд“. Во магичната атмосфера под отворено небо, џамбазовскиот дух и харизмата како да ја прегрнаа целата публика. Од шеги за охриѓани, до збор-два за битолчани, многу досетки.Концертот започна нежно, со песни што ги носат сеќавањата, а кулминацијата стигна со изведбата на „Време за плачење“, која ја располави тишината на камените трибини. „Диши длабоко“ беше отпеана како молитва – искрена, болна, човечка. Секој стих, секој збор беше одраз на животот што Џамбазов го дели со народот.Публиката имаше можност да ужива и во специјалните музички гости: Тамара Тодевска, која со својата моќна интерпретација внесе нова димензија на вечерта. Ја отпеаја „Гушни ме“, текст напишан од Џамбазов, а отпеана со незаборавениот Влатко Илиевски. На сцената излезе Пере од Нокаут, чие присуство донесе доза на носталгија, рок-енергија, па публиката направи ѕвездено небо за „Лебедот бел“.Концертот беше повеќе од музички настан – беше интимно патување низ животот, времето и вредностите. Џамбазов уште еднаш покажа дека не е само актер, пејач или поет – тој е огледало на македонската душа.На крајот, со раце кон небото и аплауз од срце, Охрид стоеше во чест на еден човек што отсекогаш стоел со народот – искрен, ранлив, свој.

Магазин | пред 6 месеци

Сите детали за обвинетите за пожарот во „Пулс“: Се гонат 34 лица, запрена е постапката за 11 лица, меѓу кои ексминистри и ексдиректори

Обвинителството поднесе обвинение против 34 физички и три правни лица за трагедијата во дискотеката „Пулс“ во Кочани, во која животот го загубија 62 лица, меѓу нив и шест деца. Според обвинителниот акт, со години наназад се кршеле закони, се прикривале неправилности и се дозволувало објектот да функционира, иако не ги исполнувал ниту минималните услови за безбедност. Обвинети се сопственици на дискотеката, членови на нивните семејства, архитектка, ексградоначалници, инспектори, обезбедувачи и државни функционери како министри – сите посочени како дел од системскиот колапс кој доведе до една од најголемите трагедии во историјата на земјава. За 11 лица е запрена постапката и нема да се гонат со обвинение, бидејќи немало доволно докази, меѓу нив се ексдиректорите на Државниот пазарен инспекторат, двајца ексминистри за економија. За Владимир Блажев-Панчо има прекин на постапката додека е на лекување, како и за Александар Карадаковски кој бил управител на фирмата, а почина на болничко лекување.Тројца обвинети, во својство на сопственици и управители вршеле угостителска дејност, иако објектот не ги исполнувал минимално техничките услови за угостителска дејност, немале решение за реконструкција од градоначалникот на Кочани, објектот не бил предвиден за намена Б3 односно големи угостителски единици, за објектот немало основен проект за реконструкција за пренамена, немале елаборати, како и посебен елаборат за заштита од пожари, експлозии, опасни материи. Не донеле и не изготвиле план за заштита и спасување.„Првообвинетиот, во временскиот период во 2012 година и 2024 година, преземал градежни дејствија со кои извршил реконструкција на објектот и пренамена, без стручен надзор вградувал несоодветни материјали, синтетички сунѓер, кои носат ризик за лесно започнување и лесно ширење на пожар. Не биле исполнети минимално технички услови за да се врши угостителска дејност. Во објектот не бил испочитуван ниту еден пропис за вградените материјали, бројот на излезите за евакуација, бројот на паркинг места, но и немало инсталации против пожари. Обвинетиот, сопственик на објектот во кој функционирал клубот, учествувал со тоа што дозволил реконструкција, иако знаел дека објектот нема дозвола за тоа“, рече Коцевски.Обвинет е и братот на газдата на „Пулс“ оти тој ги продавал билетите.„Континуирано во договор со својот брат, не постапувал со техничките правила за заштита, не водел сметка и продавал поголем број на влезници, со што овозможувал влез на поголем број на посетители од дозволениот број, дозволувал во објектот да влезат помлади од 18 години иако бил свесен дека објектот не исполнува никакви безбедносни услови за заштита од пожари и знаел за незаконските дејствија на реконструкцијата“, додаде Коцевски.Обвинета е и сопственичка на правно лице од Кочани, односно архитектката.„Бил изготвен проект за пренамена на објектот, без елаборати кои мора да ги содржи основниот проект. Во 2023 година, таа, пак, му изготвила основен проект, користејќи го претходниот проект, а ја смениле насловната страна како документот да е изготвен во 2023 година, за да може инвеститорот да го користи незаконито како основа да врши угостителска дејност и добивање лиценца“, додаде тој.Градежните инспектори (три лица) иако биле самостојни во вршењето на инспекциски надзор, спротивно на правата и должностите во целиот период кога биле овластени градежни инспектори не воделе постапка и не покренале инспекциски надзор по службена должност за утврдување на состојбата, не наредиле отстранување на неправилностите и не го задолжиле да го врати објектот во првобитна состојба.„Тие овозможиле Пулс да работи како кабаре“, додаде Коцевски.Обвинети се и три лица, кои од 2012 до 2025 година, работеле како градоначалници. Тие се гонат бидејќи, иако на местото каде е „Пулс“ не смеело да има кабаре, тоа функционирало, а не иницирале ниту постапка за инспекциски надзор. Ги обвинуваат и дека не ги известиле другите институции дека објектот работи без дозвола.„Ја застапувале и претставувале општината, биле должни за почитување на Деталниот урбанистички план, знаеле дека објектот претставува безбедносно опасен објект оти не ги исполнувал условите, а ДУП-от не дозволувал на таа локација да постои кабаре и не презеле никакви презеле дејствија за затворање на кабарето. Без овој објект да биде запишан во регистарот на Општината, овозможиле првообвинетиот да плаќа надоместок за угостителска дејност во износ од 4 илјади евра“, додаде Коцевски.Обвинение е поднесено против управителот на агенцијата за обезбедување и четири припадници на обезбедувањето, а еден од нив немал ниту лиценца за обезбедувач. Тие се гонат и бидејќи дозволиле во објектот да влезат малолетни лица, а не спречиле ниту внес на пиротехниката од страна на музичката група „ДНК“.„Истрагата против реалниот газда е во тек и не е дел од обвинението. Тие не презеле активности за откривање на штетни појави. Клубот „Пулс“ го обезбедувале без писмен договор, без претходна безбедносна проценка, без проверка на влезови и излези и нивна исправност, како и преполнетост на објектот. Агенцијата требала да изготви план за одржување на јавен ред“, додаде Коцевски.Директорите на Дирекцијата за заштита и спасување, како и генералниот инспектор кој бил раководител на инспекциската служба на ДЗС, се гонат дека, иако биле свесни дека може да настапи штетна последица со нивно непостапување, тие не преземале мерки за заштита на луѓето и имотот од пожари.„Не организирале надзор. Директорите како службени лица не постапиле и во целиот период не делегирале инспектор за заштита и спасување во Кочани. Никогаш не бил испланиран и спроведен инспекциски надзор врз ниту еден објект на територија на државата. Овозможиле Пулс да работи како кабаре, иако не ги исполнувал условите“, кажа Коцевски.Обвинети се пет државни службеници, двајца министри и генерален секретар од Министерството за економија.„Во континуитет издавале лиценци за вршење инспекциска дејност, објектот спаѓал во категорија диско клуб, а не ги исполнувал условите. Имало нецелосна документација, а не иницирале вонреден инспекциски надзор за проверка на условите. Детално се наведени кај секоја од лиценците поединечно. Во оваа група, за двајца поранешни министри постапката е запрена, бидејќи нема доволно докази за да се покрене обвинение против нив. Се обезбедија докази и за државен службеник кој ги изготвувал лиценците, а за себе барал и обезбедувал подарок. Тој побарал и добил 12.000 денари парична награда, кои биле исплатени на банкарска сметка, во 2024 година за поголема имотна корист за 226.000 денари му изработил две лажни лиценци, а на кои своерачно се потпишал како да се потпишала обвинетата државна секретарка“, додаде Коцевски.Опфатени се четири службени лица, инспектори од ДПИ. Тие не постапиле според прописите и мерките за заштита. Кај директорите кои беа опфатени, не е лоцирана директна одговорност.„Иако биле свесни дека со нивното несторување може да настапи штетна последица, се согласиле со нејзиното настанување“, кажа Коцевски.Според него, секоја од овие алки имала моќ да ја спречи трагедијата или да го намали потенцијалот на загуба на животите.„Како резултат на севкупноста на пропустите, на усно договорен настап, без формален договор, заради сценските ефекти, била договорена употреба на пиротехнички средства. Пропуштани биле и деца во клубот. Обвинетите го утврдија потеклото, начинот на влез, поставување и активирање на пиротехниката, на три базни уреди со телескопска антена кои се активирале истовремено. Пиротехниката била набавена без одоборение“.И синот на газдата е обвинет во делот на пиротехниката.„Пиротехниката била употребена во небезбедни услови. Фонтаните исфрлале искри кон кровот. Пожарот се проширил по плафонот, а потоа и по целиот објект. Вградените материјали не биле противпожарно заштитени. Меѓу присутните имало панично бегање преку единствениот излез за евакуација кој не бил безбеден, бидејќи имало двокрилна врата која била пречка за движење. Самата надворешна врата немала систем за кочење. Настанало масовно паѓање на посетителите, излезот бил попречен. Единствената последица која ги врзува сите кривично правни дејствија е катастрофалниот пожар, каде загинаа 62 лица, меѓу кои шест деца, на сите им се става кривично дело тешки дела против општата сигурност“, додаде Коцевски.

Македонија | пред 8 месеци

„Скопски пазар“ и „кебапите“ ја следат судијката Гајдова на патот кон Стразбур

Случајот „Скопски пазар“ каде се пресудило во корист на сопругот на Весна Дамева, казната за „ќебапите“, но и партиската обоеност на сопругот се најспоменувани изминатиов период, кога во прашање е судијката Габриела Гајдова. Таа е предлог за да биде судија во Стразбур, кој ќе се најде на владина седница. Истовремено, највисокиот суд за човекови права, прво што бара е висок морален интегритет. Судијката смета дека истиот го поседува и дека е отпорна на влијанија, но обвинувања за нејзината работа трпи и додека се чека конечната одлука по нејзината апликација. За Стразбур пак, доволно е да постои легитимен сомнеж, за да утврди повреда на правата заштитени со Конвецијата.Се чини дека најголемата „дамка“, со која во јавноста и се оспорува интегритетот, е токму предметот „Скопски пазар“. Гајдова во него, постапувала како судија известител во скопска Апелација. А за да биде избрана во овој второстепен суд, била гласана од Весна Дамева, чиј сопруг е оштетена страна во тој предмет. Интересен факт е дека предметот чиј известител е Гајдова, е одлучен токму во корист на Дамев, но потоа, Врховен суд ја укинува одлуката со неколку забелешки – меѓу кои и погрешно применета судска пракса. „Скопје1“ праша дали со ваква одлука, а како известител во предметот, Гајдова ѝ се оддолжила на Дамева, на што таа рече дека нема никаков долг, а и без нејзиниот глас би била избрана за судија во Апелација. Ако се видат новинарските известувања, сепак, може да се заклучи дека Дамева не штедела комплименти при изборот и рекла: „Таа не само што учествува на конференции и тркалезни маси, туку е храбра и да го креира казненото право”.  Сепак, судијката за „Скопје1“ вели дека било побарано нејзино изземање, но барањето било отфрлено.„Во предметот се бараше мое изземање и не беше уважено од страна на претседателот на судот“, вели Гајдова.За истиот предмет, Врховниот суд забележува дека во моментот кога Гајдова со колегите во Апелација, одлучуваат да пресудат во корист на оштетениот сопруг на Дамева, во образложението пишуваат дека обвинетите  делото го вршеле во континуитет 10 години, иако осум години обвинетиот не презел никакво дејствие. За да си ја поткрепат одлуката, се повикале на пресуда од Врховен суд, кој пак им ја укина со образложение: „Пресудата на која се повикува Апелација може да се примени само ако постои континуитет“. Сепак, судијката Гајдова вели дека пресудата е согласно праксата.„По однос на ставовите на советот кој постапуваше по предметот, сите аргументи за донесената одлука се содржани со судската пракса на Врховниот суд, што исто така може да се уверите со увид во списите“, вели Гајдова и негира влијание поради Весна Дамева која е дел од Судскиот совет.Судијката Гајдова, ја има донесено и затворската пресудата за украдените ќебапи и алкохол, често споменувана кога се критикува правосудството. Сепак, судијката стои зад тоа што го досудила и вели дека е според законите, кои не ги носат судиите, туку ги почитуваат. Појаснува дека во минатото постоел Правилник на одмерување казни, кој имал категоризации колку треба да се досуди. Таа, посочува дека судела според него, а подоцна бил укинат.„Интегритетот на еден судија е да биде независен од секакви влијанија, притисоци и да суди врз основа на закон и подзаконски акти. Пресудата за ќебапите е донесена врз основа на Кривичниот законик, Законот за кривична постапка и Правилникот за одмерување на казни кој важеше во тоа време и секако дека стојам зад секоја моја одлука“, рече Гајдова за „Скопје1“.Уште една поврзаност меѓу судијката Гајдова и Дамева која е дел од Судскиот совет, што остава простор да се помисли дека имало пристрасност при одлучување во предметот „Скопски пазар“ е политиката. Според новинарските написи, Кирил Гајдов, сопруг на Гајдова бил советник во Велес и координатор на советниците на СДСМ. Дамева пак, била член на правната комисија на истата партија.„Мојот сопруг беше член на НСДП. Никогаш не бил член на СДСМ. Така што познанство немале. И не само член на НСДП, туку беше и претседател на општинската организација на НСДП во Велес, сѐ додека не се повлече од Советот на Општина Велес и од политика, воопшто“, рече Гајдова за оваа поврзаност, па на укажувањето дека медиумите го пишувале како советник од СДСМ додаде: „Не знам како стои, јас Ви кажувам отворено и тоа лесно може да се провери. Можеби дека биле во коалиција како ВМРО и ЗНАМ сега. Побарајте увид во евиденцијата на членови на двете партии, СДСМ и НСДП и ќе видите“. Инаку, во Стразбур постои така наречен објективен и субјективен тест за непристрасност. Објективниот тест предвидува, „трибуналот“ да биде составен од независни и непристрасни судии, но се осврнува и на перцепцијата на разумен набљудувач, кој треба да има перцепција дека „трибуналот“ е независен. Пред девет години, Стразбур ја врати листата и не избра ниту еден од предложените кандидати за судии – што претставува и срам за државата. Ова не е единствен ваков случај. Во 2018 година, поради роднински односи со премиерот Еди Рама, Стразбур не прифати да го избере Даиран Павли за судија. Во 2021 година, таков случај имаше Украина, чии кандидати беа одбиени поради сомнителен морален интегритет.Гајдова, пред да биде избрана за судијка во Апелација, судеше во Велес. Таму има низа пресуди кои беа поздравени од јавноста како исправни. Таа досуди 18 години затвор за Ангелче Николов кој усмрти девојче на пешачки, ја повреди мајката и избега. Истовремено, досуди и ослободителна пресуда за Павлинка Иловска која го уби партнерот по низа години малтретирања, а истото го направила во самоодбрана.Во телефонски разговор, Гајдова вели дека за нејзе е големо признание и фактот што е дел од трите имиња предложени за судии во Стразбур од Комисијата до Владата. Освен таа, предложени се и обвинителката Ленче Ристоска, како и адвокатот Јордан Апостолски.Претходно:

Македонија | пред 8 месеци

Интегритетот клучен за Стразбур, Ристоска опфатена со предметот за бонусите во СЈО, а комисијата ја предложил министерот чија сопруга е братучедка на кандидатката

Реакции покрена името на Ленче Ристоска, обвинителка за врски со Европравда, а порано дел од тимот на Специјалното јавно обвинителство, кога се најде на листата за судии во Стразбур. Покрај значајните предмети кои ги водела и позитивните критики, се фрла сомнеж на целата постапка поради нејзина далечна, но сепак роднинска врска со сопругата на министерот Тимчо Муцунски. Вклученоста на Муцунски во процесот е само како предлагач на членовите на Комисијата која ги оценува кандидатите, а што Владата ја избира на седница.Истовремено, првиот услов за предлог и избор на судиите во Стразбур е највисок морален углед, а Ристоска е опфатена во предметот за бонусите во СЈО. „Скопје1“ побара став од неа, околу овие прашања, како и тоа кога последен пат работела обвинителски предмет, со оглед на нејзиниот ангажман во Европравда – но не добивме одговор.Да станеш судија во Стразбур, за голем дел од правниците е највисоката функција која би можел да ја добиеш во кариерата. Но, во Стразбур, каде се бира еден од трите предлози кои ќе дојдат, пред сѐ се бара: „Судиите треба да уживаат висок морален углед“. Тоа, меѓу другото би значело личност против која не се водат никакви постапки, која не е инкриминирана во било какви незаконски дејанија, за која нема ниту сомнеж за корупција.За обвинителката Ристоска е познато дека е опфатена во предметот за бонусите кои биле исплаќани во СЈО. За овој случај се бараше и разрешување на републичкиот обвинител, Љупчо Коцевски. „Скопје1“ инсистираше Обвинителството да даде одговор до каде е овој случај и каква одлука е донесена – но залудно. До овој момент, оттаму молк. За него се покрена и „војна“ помеѓу обвинители, откако Вишото обвинителство побара предметот да се реотвори, а републичкиот обвинител Љупчо Коцевски ја сметаше ваквата одлука за незаконска. Ја прашавме и Ристоска, дали тоа што е опфатена во овој предмет, придонесува кон тоа да ѝ е нарушен моралниот углед – но до овој момент не добивме одговор.Потоа, успеавме да ја потврдиме информацијата дека Ристоска е во роднинска врска со Симона Муцунска, сопруга на Тимчо Муцунски. Ова ни го потврдија и од Министерството за надворешни работи, од каде велат дека: „не се блиски роднини“. Сепак, токму МНР предлага членови на Комисијата до Влада, а истата е составена од претставници на министерството, Врховен и Уставен суд, Судски совет, Совет на јавни обвинители, Министерство за правда, универзитети. Владата има улога на одобрувач на предложениот состав, што ѝ го сторила. Ристоска не одговори на прашањето дали Муцунски имале удел во тоа предлогот со нејзино име за судија да допатува до Влада. Истовремено, МНР велат дека нема конфликт на интереси.„Во однос на прашањето за роднинската поврзаност на сопругата на министерот со еден од кандидатите, посочуваме дека станува збор за сродство од четврти степен по странична линија – однос кој, согласно позитивната законска регулатива, пред сè во контекст на Законот за спречување на корупцијата и судирот на интереси, не се смета за правно релевантен. Таквиот степен на сродство не создава обврска за изземање, не се пријавува како близок роднински однос и не претставува основ за преземање мерки за заштита од потенцијален судир на интереси. Министерот ниту има надлежност, ниту влијание врз процесот. Во конкретниот случај не постои основ за изземање, ниту за пријава на судир на интереси, ниту пак, постои ризик од нарушување на принципите на објективност и непристрасност“, велат од МНР.Сепак, за Европскиот суд за човекови права, доволно е да постои легитимен сомнеж дека судот не е непристрасен, за да утврди повреда на правото заштитено со Конвенцијата. Таму постои т.н. објективен и субјективен тест. Во случајот, Комисијата на МНР (орган кој заседава за апликантите) не го применува објективниот тест, поради сомнеж дека на листата селектира апликант кој е роднински поврзан со блиско лице на министерот. Тука е од второстепено значење, во кој степен се тие роднини. Во еден од стандардите на Европскиот суд за човекови права се содржи и т.н. објективен и субјективен тест, при што објективниот тест педвидува,  „трибуналот“ да биде составен од независни и непристрасни судии, но се осврнува и на перцепцијата на разумен набљудувач, кој треба да создаде слика дека „трибуналот“ е независен.Од МНР не добивме одговор на прашањето во однос на тоа дали според нив, обвинителката Ристоска го исполнува условот на Стразбур да ужива висок морален интегритет.Ристоска е обвинителката која го водеше еден од најголемите и најтешки случаи во Македонија, „Таргет-тврдина“, за прислушувањето, против Сашо Мијалков. Но и „Талир“ против челници на ВМРО-ДПМНЕ за незаконско финансирање на партијата, каде им го замрзна имотот. Сегашниот премиер, а тогаш само претседател на ВМРО-ДПМНЕ рече бил и уценуван со одмрзнувањето на имотот со продолжување на мандатот на СЈО. Истовремено, од обвинителката кандидат за во Стразбур не добивме одговор, дали тој интегритет е компромитиран поради случајот „Талир“ и начинот на распит на сведоците кој се коментираше во јавност.Пред девет години, Стразбур ја врати листата и не избра ниту еден од предложените кандидати за судии – што претставува и срам за државата. Ова не е единствен ваков случај. Во 2018 година, поради родниниски односи со премиерот Еди Рама, Стразбур не прифати да го избере Даиран Павли за судија. Во 2021 година, таков случај имаше Украина, чии кандидати беа одбиени поради сомнителен морален интегритет.Предлогот со името на Ристоска, но и судијката Габриела Гајдова и адвокатот Јордан Апостолски, треба да се најде на владина седница. Членовите ќе одлучуваат, по што листата ја доставуваат во Стразбур, а таму, конечната одлука ја носи Парламентарното собрание на Советот на Европа со мнозинство гласови.

Македонија | пред 9 месеци

Осудениот врховен судија Георгиев се вработи како магационер: сега излегува денски, навечер се враќа во затворот

Осудениот поранешен врховен судија, Наќе Георгиев, кој е осуден за земање на мито, сега се вработи како магационер, дознава „Скопје1“. Ова пак, му овозможува денот да го поминува излезен од зад решетките, но треба да се враќа таму и да преспива. Погодноста му е овозможена бидејќи тој издржа нешто повеќе една година од тригодишната затворска казна. Од затворот „Скопје“, беше префрлен во струмичкиот затвор.„Осуденикот редовно користи погодности, викенд од три дена, излез од седум часа. Од денес е работно ангажиран во приватна фирма, со дадена согласност од директорот на Управата за извршување санкции“, вели директорот на затворот, Зоран Ристов за „Скопје1“.Но, и изминатата година, тој користел поволности. Според информациите на „Скопје1“, Георгиев излегувал на викенди, кои му се давани согласно правилникот на затворот. Сите привилегии ги уживал, благодарение на доброто поведение.Инаку, Георгиев се спогоди со Обвинителството за гонење организиран криминал и корупција по случајот за земање мито од синот на ексградончалникот на Ново Село, Боро Стојчев и прифати да му биде изречена казна затвор во траење од три години, како и Забрана за вршење професија, дејност или должност на службено лице во период од три години.

Македонија | пред 9 месеци

Рускоска на маршот на семејствата од Кочани: Чиста емпатија, присуството не значи критика кон Обвинителството

Вилма Рускоска била на денешниот марш пред Обвинителството на маршот на семејствата на загинатите во Кочани, потврди таа за „Скопје1“, додавајќи дека тоа е поддршка за семејствата.Прашана за критиките кон истата институција за време на нејзиниот мандат, каде кабелот бил крив наместо конкретни лица, посочува дека нејзиното присуство на маршот не било критика на работата на Обвинителството.„Да, бев, за да дадам поддршка на семејствата. Чиста емпатија. Како и цело општество, така и јас, длабоко сочувствувам со семејствата на загинатите млади луѓе. Тоа не значи дека ја критикувам работата на Обвинителството. Што се однесува до кабелот, тоа го работеше ОЈО Тетово, со помош на колеги од ОЈО Скопје. Не го работеше ОЈО-ГОКК, кое тогаш јас го раководев“, вели Русковска за „Скопје1“.

Македонија | пред 9 месеци

(Видео) „Кој нѐ чува? Имате ли вие деца бе?“, родителите ги прашаа пратениците, дел од нив се симнаа и меѓу нив

Солзи, тага и пораки до сите политичари. Вака изгледаше денешниот марш на семејствата од Кочани кои ги загубија децата во трагедијата во дискотеката „Пулс“. Сѐ започна од пред Обвинителството, продолжи пред Собранието, заврши пред МВР. Уште на стартот кажаа дека пробуваат да ги контанимираат протестите. На стартот посочија дека Обвинителството„Државата се луѓето, Обвинителството е партиско дувло. Ова не е државна институција. Преку ботови нѐ убедуваат дека правнот систем е тешко да ја докаже верижната одговорност. Децата не се статистика, тие се деца! Најодговорни се МВР и Обвинителството. Јавното обвинителство дали еднаш излегло по допрен глас? Ниту еднаш. Дали фраерот така наречен јавен обвинител, кој е за партиски постави, дали кога седна на фотелјата, направи ревизија?“, рече кочанчанец кој во трагедијата загубил посинок.Затворени очи, отворени гробови - ова е само една од праките испратена до обвинителите од семејствата на жртвите кои загинаа во дискотеката Пулс.Пред Собранието ги побараа сите пратеници да излезат меѓу нив.„Има ли некој да ни објасни нешто? Каква е оваа држава, што плаќам јас 22 години данок? 22 години приватно работам! Трпам! Вчера платив еден тон пари, на нив им ги дадов, за да нѐ чуваат. Кој нѐ чува? Имате ли вие деца бе?“, рече татко на загинато дете.Потоа јасно порачаа „сакаме правда!“.„Не ние да влеземе, тие да излезат!“, рече мајка на загинато дете.Надвор излегоа пратениците од СДСМ, преводени од претседателот Венко Филипче. Група млади лица извикуваа „убијци“, додека дел од мајките побараа да нѐ го прават тоа бидејќи им предизвикуваат тензија и стрес. Им укажаа дека семејствата побарале тие да излезат меѓу нив.Потоа, родителите добија покана да одат на средба кај министерот за внатрешни работи, Панче Тошковски.ПРОДОЛЖУВА

Македонија | пред 9 месеци

Времето неделава: Дожд, ветер и пустинска прашина

Во текот на оваа работна седмица во Македонија следува период на променливо време со повремени локални врнежи од дожд, повремено и локално поројни и проследени со грмежи. Ќе дува умерен, повремено засилен ветер од јужен и од југоисточен правец.И во Скопје и околината следува период на променливо бреме со услови за појава на повремен локален дожд, повремено пороен и со услови за појава на грмежи. Ќе дува умерен, повремено засилен ветер од јужен и од југоисточен правец.Сето ова е поради влијанието на циклонската активност (поле со низок возушен притисок) со потекло од западна Европа, а потоа и над Џеновскиот Залив.Сепак, и покрај ова останува топло времето, односно со пролетни температури на воздухот кои преку ден на многу места ќе се искачуваат до близу, или околу 20 степени. На повеќе места тие ќе надминуваат и 20 степени, а во Повардарието и во југоисточните предели тие повремено ќе се искачуваат и до околу 25 степени, а повремено истите би можеле да надминуваат и 25 степени.Во Скопје и околината во текот на оваа работна седмица останува пролетно топло со температура која ќе надминува 20 степени.Поради изразеното јужно воздушено струење, оваа работна седмица се очекува сахарска прашина и во Македонија.

Македонија | пред 10 месеци

Таткото учествувал во киднапирањето на Вања, целта била да се изнудат пари од мајката - девојчето било закопано, вели Спасовски

Вања Ѓорчевска освен убиена, била и закопана во околината на Скопје. Ова го соопшти министерот за внатрешни работи, Оливер Спасовски. Според него, МВР ги има извршителите на двете убиства.„Во врска со двата случаи, осомничени се пет лица, за три лица има мерка притвор, едно е надвор од државата, а петтото лице, таткото на малолетничката, приведено е, извршен е распит, ќе се преземаат мерки по насока на Обвинителството. Мотивот е користољубие, при што едно од лицата, во договор и со знаење на член на семејството, го организирало извршувањето на кривичното дело, за да се изнудат пари од мајката, за понатаму, сите инволвирани да имаат материјална корист“, вели Спасовски.Било одземено возилото на Панче Жежовски, исто така убиен од групата, и била киднапирана Вања.„Поради нерасчистени односи со еден од осомничените, неговото возило е одземено за извршување на кривичното дело, за потоа да биде опожарено. Токму со тоа возило е земена малолетничката, од влезот на живеалиштето, откако претходно, според исказите на осомничените, таткото споделил информација со организаторот за излегувањето на малолетничката сама од дома“, додаде Спасовски.Главниот организатор, бил Љупчо Палески-Палчо кој е избеган.„Ќе сториме се за да го најдеме, му ја следиме трагата“, додаде Спасовски.

Македонија | пред 10 месеци