Попладнево на раскрсницата помеѓу улиците „Марко Крале“ и „Зуфер Мусиќ“, во скопската населба Бутел се запали автомобил, објави Скопје инфо.Се уште нема информации како дошло до тоа да се запали автомобилот и дали има повредени.Извор: Скопје инфо
Скопје | пред 7 години
По убиството на Марио Исаку (18) во грчкиот град Кавала, остро реагираше албанското Министерство за надворешн работи, искажувајќи голема загриженост за, како што вели, серијата убиства на Албанци во Грција.„Остро ја осудуваме позадината на екстремизмот и говорот на омраза што ги придружува овие настани во соседната земја и ги повикуваме грчките власти да ги осудат и да спречат какви било обиди на Златна зора или на други екстремистички сегменти да се закануваат на безбедноста и достоинството на Албанците, кои работат и придонесуваат во соседната земја“, стои во во реакцијата.Министертвото искажува загриженост „за серијата убиства на Албанци" и во исто време се сочувствува со нивните семејства.„ Во услови кога нашите сонародници го чувствуваат притисокот на невидена кампања на омраза и насилство, ја изразуваме заложбата на албанската држава да им обезбеди на жртвите и на нивните семејства потребна правна и финансиска поддршка за заштита на нивните основни права како членови на најголемата емигрантска заедница, која живее и со децении придонесува во Грција“, се наведува во реакцијата.Безживотното тело на младиот Исаку, роден во Кавала во 2000 година, а по потекло од Албанија, е пронајдено синоќа. Ова, според министертвото е четврто убиство на албански граѓанин во последните две недели.
Свет | пред 7 години
По улиците на Скопје во изминатиот период на многу релации се вратени старите и дотраени автобуси. Граѓаните се жалат дека во нив нема греење, често пати се расипуваат и патувањето со нив им трае подолго од предвиденото. Од населбата Припор тргнува автобусот со број 24, оние кои секојдневно се возат со оваа линија велат дека многу по често се возат со стари автобуси одколку со новите.Често по скопските булевари може да се видат слики на паркирани стари автобуси, останати во дефект. Таков еден сними и нашата камера на булеварот Теодосиј Гологанов.Од јавното сообраќајно претпријатие признаваат дека се чести дефектите и на новите автобуси. Тие велат дека новите автобуси се далеку од нови, иако се набавени пред седум години. Од 200 двокатни автобуси, 20 посто постојано се расипуваат.„Од 16 панорамски двокатни автобуси, само два се во функција. Останатите воопшто не се во возна состојба. Сегашното раководство на ЈСП Скопје, посочените возила ги затекна (наследи), генерално расклопени. Се ваделе мотори, менувачи, прозорци, шофершајбни, делови од командната табла, кочници, па дури и електрика и столчиња, за да се оспособат дел од затворените двокатни автобуси“, велат од ЈСП.И од град Скопје потврдуваат дека проблемот со неквалиетните кинески автобуси е причината за враќање на старите автобуси, додека се набават нови 40 чија набавка е во тек.Пред 2 месеци специјалното јавно обвинителство отвори истрага за набавката на кинеските автобуси “Јутонг”, во кои осомничи четири лица за злоупотреба на службена положба и овластување.
Скопје | пред 7 години
Местото Мегдани ( кај Рача ) во Охрид, денес доби асфалт на повеќе пристапни патишта до куќите и плацовите на овој простор.Мегдани е место од каде се пружа неповторлива глетка на цело Охридско Езеро, на градовите Охрид и Струга и околината и последните години е нај атрактивно за трговија со земјиште и куќи , а сопственици на недвижности тука последниве неколку години станаа неколку познати бизнисмени од Скопје, како и државјани на Велика Британија, Холандија и Србија.
Македонија | пред 7 години
Денеска се одржа протестен марш на опозициската ВМРО-ДПМНЕ кој почна од седиштето на партијата, и одеше кон Владата, а од таму говор одржа претседателот Христијан Мицкоски кој имаше неколку пораки за актуелната власт, велејќи дека истите ќе платат за сите погрешни одлуки од нивното владеење.„Без ронка срам и без око да им трепне ја прекрстуваат нашата земја. Овој народ овде, но и стотици илјади граѓани на Македонија нема никогаш та да го прифатат и тоа го покажаа на референдумот на 30 септември. Тргнавте да го прекрстите сопствениот народ и нација и тоа не ви беше доволно па ја нарековте нација со комплекси. Излезе човекот кој плата зима од оваа нација, кој ја водеше оваа операција на преименување и уништување на македонскиот идентитет и рече дека ние сме бле искомплексирана нација. Не сме господине Димитров, ние сме нација со чест и достоинство. Ќе дојде денот кога јавно ќе и се извиниш на Македонската нација“, изјави Мицкоски.
Македонија | пред 7 години
На протестниот маш на ВМРО-ДПМНЕ, пред Владата на Република Македонија свое обраќање имаше лидерот на партијата Христијан Мицкоски. Тој истакна декацелат на овој марш е да се изрази револтот и несогласувашето со сите овие корупциски скандали и погрешни политики кои оваа Влада ги прави во нашата држава.„Да ги поздравам оние кои се дома денес и кои од оправдани причини не се со нас, но поради тоа што се притиснати и притиснати од функционерите кои им се закануваат на нив и нивните семејства за да не бидат дел од овие протести. Зарем тие се тие европски вредности за кои се бориме?Претреси им правеа на нашите поддржувачи минатата недела. Во 5 наутро им упаѓаат дома наоружани по нарачка на Зоран Заев и Оливер Спасовски. За што? Да им најдат петарда една и да ги малтретираат цел ден.Луѓето стануваат се поразочарани гледајки дека нема иднина, гледајки дека овие луѓе не можат да понудат ништо. Секаде околу нас гледаме нешто што може да се опише само со еден збор „црнила“. Зарем има нешто што можеме да го издвоиме и можеме да кажеме добро е тргна работата? Заминете си од таму каде што сте ги узурпирале позициите и местата.Сакаат Македонецот да го прикажат беспомошен и безнадежен. Секој ден велат дека прават нешто, но ги демотивираат луѓето дека не можело да биде подобро. Сеат страв во општеството за да се уплашите и да не можете да им зстанете на патот. Стотици илјади сме против вас. Тие го узурпираат јавниот простор. Ќе сретнете армадила на говорници кои се скапо платени со народни пари кои ќе ве убедуваат дека дека поразот не бил пораз туку бил триумф, дека капитулацијата е лидерство, ќе дехидрираат од плукање по мене и по опозицијата, а не гледаат дека државата им бега од раце, дека народот си оди. Ги заборавија сите овие погрешни политики дехидрирајќи од плукање врз мене.Додека тоа се случува, без ронка срам и без око да им трепне ја прекрстуваат нашата земја. Овој народ овде, но и стотици илјади граѓани на Македонија нема никогаш та да го прифатат и тоа го покажаа на референдумот на 30 септември. Тргнавте да го прекрстите сопствениот народ и нација и тоа не ви беше доволно па ја нарековте нација со комплекси. Излезе човекот кој плата зима од оваа нација, кој ја водеше оваа операција на преименување и уништување на македонскиот идентитет и рече дека ние сме бле искомплексирана нација. Не сме господине Димитров, ние сме нација со чест и достоинство. Ќе дојде денот кога јавно ќе и се извиниш на Македонската нација.Сета оваа болка и непрвда која и ја нанесоа на Македонија, се гршат ако мислат дека нема да го платат, ќе го платат на следните избори.Како да ви веруваат овие луѓе дека имаме независно судство и обвинителство, кога министерот ќе каже материјалите се на безбедно. Каде се, кај него во фиока за да може да ги уценува судиите и обвинителите? Сакате да монитрате случаи повтрно, сакате сите да судат по принципот на Кацарска судството, сакате сите да обвинуваат по принципот на Русковска обвинителството. Не се тие двете толку храбри, ќе ви го завртат грбот и ќе пропеат за сите уцени и закани.Ни го покачија лебот, ни го земаа достоинството и честа, воздухот е се потежок за дишење, зарем тоа ли заслуживме?Овде сме затоа што сакаме да се бориме и да победиме. Ние сме генерација која мора да победи и да ја освои слободата која ни е потребна. Да ги поразиме сите црни политики на оваа власт, бидејки друг избор немаме. Мораме да го кренеме нашиот глас поради политичкиот прогон, поради навредите кои ги доби нашата нација.Како сите овие црнила да се наменети за нас македонците, но секој ден имаме повеќе поддржувачи. Сите заедно ќе потестираме против зголемените даноци, ќе протстираме против политичките црнила, против промената на уставот, против општествените црнила, протв сето она кое не тишти, против сите неправди и на крај ќе падне и ќе му дојде крајот“, изјави Мицкоски.
Македонија | пред 7 години
Советот на Општина Битола денес едногласно го прифати предлогот на независната советничка група Поинаку да побара од Владата на првата следна седница битолчани да добијат субвенционирана цена на струјата поради загадувањето што го трпат од РЕК.„Ова го бараме зашто во наша близина е еден од најголемите загадувачи РЕК Битола, кој обезбедува 75 проценти од струјата во Македонија. Бројот на заболени од малигни неоплазми или лошото, како што се нарекува, е во постојан пораст во Битола. До моментот на гасификација, ако ја дочекаме живи, Битола мора да биде заштитена од загадувањето зашто врз него влијае и начинот на загревање на домовите и јавните институции”, рече Иван Чулакоски, советник од Поинаку.Иако сите советници едногласно го изгласаа предлогот, Чулаковски од говорница ги повика битолчани утре во 16 часот на протест пред Општина Битола.
Македонија | пред 7 години
Познатата хрватска пејачка Северина на Инстаграм објави фотографија од престојот во Африка, каде е облечена во виолетов фустан.https://www.instagram.com/p/BrAeH29BhKj/?utm_source=ig_embedНа фотографиите таа е заедно со неколку девојки кои се исто облечени како неа.https://www.instagram.com/p/Bq7DpFvhi1n/?utm_source=ig_embedПод фотографиите Северина напиша дека станува збор за африканска венчаница.Северина во моментов е во посета на Занзибар,
Магазин | пред 7 години
Денес, како резултат на успешната соработка меѓу Општина Карпош и здружението на граѓани „Дајте ни крилја“ отворена е нова сензорна соба - ресурсна просторија за учениците со посебни потреби во просториите на ООУ „Димо Хаџи Димов“, во Влае.Оваа сензорна соба има за цел да го олесни воспитно – образовниот процес на учениците со попреченост, во моментите додека ја следат наставата.Просторијата е опремена со посебни реквизити, сензорно осветлување, дидактички материјали (играчки, коцки и сложувалки), таблет, телевизор и др.Градоначалникот Стефан Богоев посочи дека на овој начин се покажува дека е можна вистинска соработка меѓу локалната самоуправа и граѓанските организации.„Како што напоменав пред неколку денови, нашата цел е 365 дена во годината да водиме грижа за лицата со попреченост и да ги подобруваме условите во кои претстојуваат и се образуваат. Во април склучивме Меморандум за соработка со здружението „Дајте ни крилја“, а денеска ја активираме оваа просторија, која на вистински начин ќе им помогне на учениците со попреченост од ова училиште, рече Богоев.Пред присутните се обрати и претседателката на здружението „Дајте ни крилја“, Ребека Јанковска Ристески, која во изминатиот период несебично се вложи за создавањето на оваа сензорна соба.Таа се заблагодари и на сите други општествено одговорни субјекти кои помогнаа во опремувањето на просторијата, меѓу кои е интернационалното училиште „НОВА“ – Скопје, со седиште во Општина Карпош.Присутните се согласија овој проект за отворање на сензорни соби да продолжи и во иднина. Ваква соба неодамна беше отворена и во ООУ „Јан Амос Коменски“, а следно училиште кое ќе добие ваков тип на просторија, која ќе биде трета по ред, е ООУ „Владо Тасевски“, во Козле.
Скопје | пред 7 години
Општина Кисела Вода информира дека во текот на последниот квартал од тековната година, овластениот комунален инспектор и овластените комунални редари изрекле 10 парични казни во висина од 50 евра во денарска противвредност за прекршоци сторени согласно Законот за јавна чистота (оставање на градежен материја, оставање на ѓубре како и продажба на земјоделски производи на јавна површина).„Извршени се повеќе контроли во однос на палење оган на јавна површина при што на физичките лица им се изречени опомени. Воедно, извршени се и инспекциски надзори на градилишта при што е констатирано дека товарните моторни возила редовно ги чистат тркалата при влегување во сообраќај.Овластените инспектори за животна средина при Општина Кисела Вода во текот на последниот квартал од тековната година вршеа редовни инспекциски надзори и инспекциски надзори по добиена пријава од граѓани. Од извршените инспекциски надзори, после утврдена неправилност, издадени се две решенија со задолжување за отстранување на неправилност. Согласно закон, извршени се едукации кај правните субјекти, после утврдената неправилност. Во овој период не е поведена ниту една прекршочна постапка.При вршењето на инспекциските надзори, согласно надлежностите на овластените инспектори, акцент беше ставен на контрола кај механичарските работилници на собирањето и предавањето на отпадното моторно масло кај овластени постапувачи. Исто така, се вршеше контрола на сендвичари, ресторани и други објекти кои имаат обврска за собирање на отпадното масло за готвење и негово предавање кај овластени постапувачи. При секојдневното вршење на инспекциските надзори од страна на овластените инспектори за животна средина усно им се укажува на правните и физичките лица за недозволените средства за затоплување кои негативно влијаат врз квалитетот на животната средина.Од 15 декември ќе се почне со сменско работење на Комуналните редари со цел да се обезбеди постојан мониторинг на критичните точки во општината и ќе се продолжи со инспекцискиот надзор на правните субјекти и физичките лица“, се вели во соопштението.
Скопје | пред 7 години
Министерката без ресор задолжена за странски инвестиции, Зорица Апостолска денес во рамки на првиот „Светски конгрес на претприемачи“, кој се одржува во Загреб, пред учесниците имаше обраќање во кое се осврна на економските политики на Владата на Република Македонија за поддршка на инвестициите.Зборувајќи за процесите на политичкото стабилизирање на државата преку посветеноста на Владата за реализација на стратегиските приоритети за влез во НАТО и започнување на преговори со ЕУ, министерката Апостолска истакна дека Македонија прерасна во функционална држава на владеењето на правото и европските вредности.„Турбуленциите и неизвесноста ги оставивме зад нас, во историјата, а пред граѓаните и бизнисот отворивме економски перспективи кои ветуваат стабилна деловна клима и силна институционална поддршка за секоја претприемачка идеја која е втемелена на знаењето, иновациите и новите технологии“, рече Апостолска.Осврнувајќи се на владините економски политики за поддршка и поттикнување на инвестициите преку Планот за економски раст и Законот за финансиска поддршка на инвестициите, Апостолска пред присутните претприемачи потенцираше дека државата на транспарентен начин, согласно јасни критериуми и без преговарања, со директна финансиска поддршка ги мотивира претприемачите да влегуваат во нови инвестициски проекти.„Во рамки на овој сет на мерки, компаниите кои ќе одлучат да инвестираат во Македонија може да очекуваат финансиска поддршка за креирање на нови и добро платени работни места, за воспоставување на деловна соработка помеѓу домашните и странските компании, воведување на нови технологии и знаење во производните процеси и развој на отварање центри за равој на технологии, како и за поттикнување на конкурентноста и освојување на нови пазари“, рече Апостолска, притоа порачувајќи пред присутните дека за 37% е повисока буџетската финансиската поддршка која стопанството може да ја очекува од Владата во 2019 година.Говорејќи за севкупната деловна клима во Македонија министерката Апостолска во своето обраќање се осврна и на владините приоритети во делот на инфраструктурата, енергетиката и програмите за дуално образование, кои се едни од главните услови за обезбедување на атрактивни и стабилни инвестиции.На овогодишниот прв „Светски конгрес на претприемачи“, кој се одржува од 4 до 7 декември во Загреб, партиципираат над 600 учесници, сопственици на компании, претприемачи, менаџери, политичари, претставници на академската средина од десетина земји од југоисточна и средна Европа.
Македонија | пред 7 години
МЗШВ ја информира јавноста дека промената на цената на лебот се однесува на еден тип на леб и корекцијата ја имаат направено 3 компании производители на леб од Скопје и една компанија од Тетово, како поединечна одлука на фирмите. До овој момент големите фирми не ја имаат зголемено цената на лебот.Сите останати информации се груби манипулации со јавноста. Доколку дојде до драстично зголемување на цените и на другите типови на леб, што би влијаело врз поскапување на животниот стандард, МЗШВ веднаш ќе интервенира преку Агенцијата за стокови резери, која што по жетвата направи јавна набавка од 13.000 тони пченица. На тој начин ќе се интервенира на пазарот за стабилизирање на цената на лебот.Подсекторската група во рамки на МЗШВ веќе прави анализи, ја следи состојбата на пазарот и оваа недела ќе се одржи состанок со земјоделците производители на пченица и со мелничарите.Пченицата е берзански производ и цената ја диктира светската берза. Лани и оваа година поради климатските промени имаше помали приноси, што во опкружувањето предизвика недостиг на пченица и зголемување на цената на пченицата и на брашното, што може да е една од причините поради која што неколку компании донесоа одлука за зголемување на цената на еден тип на леб од 15 на 18 денари.Пред почетокот на жетвата МЗШВ воведе сет мерки за поддршка на производството на пченица и на мелничката индустрија, како и за поголем откуп на домашна пченица. Се воведе субвенција од 1 денар за килограм откупена домашна пченица за мелничарите, со цел да се поттикне производството и откупот на домашна пченица. Оваа мерка го поттикнува договорното производство и ја подобрува конкурентноста на домашната мелничка индустрија. Се зголеми минимумот пријавени површини за добивање целосна сума од програмираната субвенција за полјоделски култури, вклучително и за пченицата. Односно, ако досега 100 отсто од субвенцијата добивале оние кои пријавиле од 0,3 до 10 хектари, сега за оваа категорија на земјоделци ќе се исплаќа 100 отсто од субвенцијата за пријавени површини до 20 хектари. Висината на субвенциите за пријавените површини од над 100 хектари, наместо 10 отсто од субвенцијата, ќе изнесува 20%. Исто така навреме веднаш по завшрување на жетвата Агенцијата за стокови резерви го објави јавниот оглас за набавка на 13.000 тони домашна пченица, што придонесе за поголем откуп на домашното лебно зрно.
Македонија | пред 7 години
Политичката партија Левица преку социјалните мрежи реагираше на спојувањето на Детската кардиохирургија со болницата „Филип Втори“. Според нив целта на оваа Влада е комплетна привстизација на здравството.цЦ„Денес во отсуство на дебата ја видовме вистинската цел на оваа Влада, а тоа е комплетна приватизација на здравството преку градење на јавно- приватни партнерства со приватни поединци кои вршат здравствена дејност. Министерот за здравство во одржаната прес-конференција јасно потенцираше дека „границата помеѓу јавното и приватното здравство мора да се избриши…“Детска кардиохирургија се сели во „Филип Втори“ бидејќи немало просторни можности за мултидисциплинарна интеграција во рамки на Клинички центар. Но, ние забораваме дека „Филип Втори“ функционираше пред повеќе од десет години во рамки на „8-ми Септември“ во адаптиран простор, а таа е јавна здравствена установа!Оттука може да заклучиме дека во овој случај отсуствува политичка волја за да се зачува јавното здравство и затоа е полесно да се растури даден тим во ЈЗУ и дел од медицинскиот кадар да се пресели во приватната здравствена установа отколку да се најде друго долгорочно решение!“, стои во објавата на Фејсбук.https://www.facebook.com/LevicaPartija/posts/2519243424782542?__xts__[0]=68.ARDeOx__5_3T4ue9vaMgIGUX3OPVMU2O6fDgQKJ8Y32w-PnNmk7rD7kygrVdKLhm5DNWZHncMzBoAZDOLgUFkevki-j_tTKKOyqnpinCM9mn8FeGX_nlJWkHcnvCiRnuxctVGm_IfGXvw7xmXopGt0B8SaOgfWMFQspE5qqp4Jnwi87QZEPGVeew7gzVGxmEs4B6EN7GXjzIo-jwi0xSeFnHUJGcZVwd2EECowTlgNJMOc9UfJiuhtq89CSL90-k9wZFyp2SyeIW7_6NWI7R7w82R4fVEd9OH_2NeUJBw8CSo8gYmn4xsdOVpufenRIJSNksr9vYpBDxGvybTO_2eEwyaEUc-Y0G6JqSv-pvoSz90MsKVx6g4R7wYeU&__tn__=-R
Македонија | пред 7 години
Општина Гази Баба продолжува со мерки за зачувување на животната средина. Вчера општинските инспектори за животна средина запленија 1 тон и 50 кг отпадни гуми во ромското маало на ул. Методија Андонов Ченто, пред бензинската пумпа на Макоил.„Ова е втора акција каде се запленуваат отпадни гуми, претходно општина Гази Баба, заедно со Инспекторатот на град Скопје, Јавното комунално претпријатие Гази Баба 2007 и МВР заеднички учествуваа во акција на дивата депонија во Вардариште каде беа запленети 1 тон стари и уништени гуми кои се наоѓаа во дворовите на граѓаните, отпад кој досега беше пален на отворена површина, со што значително се загадуваше животната средина.Вакви акции на инспекторатите ќе продолжат и во наредниот период кои континуирано ќе бидат на терен и ќе ја следат состојбата.И понатаму останува апелот, сите граѓани да пријават палење на огнови или опожарување на јавни површини на бројот 193 за да можат институциите навремено да интервенираат“, се вели во соопштението.
Скопје | пред 7 години
На 04.12.2018 година во 19.10 часот во Полициската станица Аеродром, Р.Ж.(61) од Скопје пријавила дека на 03.12.2018 година околу 20.30 часот на булевар „Јане Сандански“ била касната од куче скитник во пределот на десната нога.
Скопје | пред 7 години
Одделението за превенција на СВР Скопје во соработка со општина Чаир и Мисијата на ОБСЕ во Скопје- канцеларија за развој на полицијата” денеска во ОУ,, Лирија ” отпочна со реализација на проектот „Сообраќајни училишни единици“. Целта на овој проект е зголемување на безбедноста во соообраќајот, особено на учениците во основните училишта. Во рамките на овој проект е формирана училишна сообраќајна единица, во која членуваат 20 ученици . Обучените членови на училишната сообраќајна единица во наредниот период ќе ги демонстрираат стекнатите знаења и вештини за обезбедување премин на ученици, спроведување сообраќајно- воспитни активности и манифестации и укажување на грешките на учесниците во сообраќајот на повеќе сообраќајници во непосредна близина на своето основно училиште на подрачјето на општина Чаир .
Скопје | пред 7 години
Нова седмица, ново задолжување. Вчера неспособната власт предводена од Заев, Тевдовски и Анѓушев ги задолжија граѓаните за 21,1 милион евра преку аукција на државни хартии од вредност. Од тие пари, околу половина се нов нето долг на државата, рече на денешната прес-конференција Лилјана Кузмановска од ВМРО-ДПМНЕ.Таа посочи дека очигледно економската политика на владата се сведе само на задолжување, бидејќи ништо друго не работат.-Нивото на реализација на капиталните инвестиции за 2018-та се бедно, односно 40%, а се наоѓаме пред крајот на буџетската година. Ниту се градат патишта, ниту болници, ниту училишта, детски градинки, водоводи, канализации. Јавноста со право се прашува каде завршуваат парите од буџетот и кредитите со кои не товари оваа власт? Економијата доживува колапс. Проекциите за растот на БДП оваа година се намалени на рекордно ниско ниво. Бесмислените политики предизвикаа отворање на спиралата на инфлација која го намалува стандардот, а граѓаните ги осиромашува. Јавниот долг на државата галопирачки расте и тоа го посочуваат и меѓународните финансиски институции. Надминати се сите психолошки бариери на долгови. Едноставно кажано оваа власт ги донесе до работ на бездната стопанството и целата економија, а со бесцелното задолжување го прави и последниот чекор. Оваа однародена власт по принципот ситиот гладниот не го верува, наместо за потребите на граѓаните се посвети на личното богатење на функционерите и нивните семејни бизниси, нагласи Кузмановска.Пратеничката додаде дека ветувале живот, а донесоа преживување на кредит.-Замачкуваат очи на јавноста со статистички гимнастики, манипулативни прес конференции и ветувања од типот “само што не ни тргнало“, а веќе се на половина од својот мандат. Ова мора да престане. На ваквите црнила мора да им се стави крај. Што порано, тоа подобро. Ова црнило кое ја спопадна Македонија со Владата на Заев, можеме и мораме заедно да го тргнеме, вели Кузмановска.
Македонија | пред 7 години
Оливер Спасовски и Зоран Заев сеуште молчат и не си поднесуваат оставка за скандалот со нелегалното прислушување на обвинтиелите и обвинителството, изјави Димче Арсовски на денешната прес-конференција.„Цели 2 години, од 30 септември 2016 па навака до сега, биле прислушувани обвинителите од обвинителството и нивните соработници, а сеуште после 6 дена од објавувањето на скандалот нема ниту разрешница, ниту пак одговорност и оставки.Заев и Оливер веднаш треба да си поднесат оставки. Заев и Оливер се двајцата најодговорни за ова што се случува изминатите 2 години и Заев и Оливер кога тогаш ќе ја сносат одговорност за сите работи што се случуваат.Кој прислушувал, кој се е прислушуван, за колку разговори станува збор, кој е одговорен за прислушувањето и кој дал наредба за прислушување, кој ги има нелегалните разговори и дали разговорите веќе ги имаат луѓе кои што ги користат за уцени и политички пазари за разно разни судски процеси?“, вели Арсовски.Според него, ова се прашањата кои треба Заев и Оливер да ги одговорат и тоа веднаш, а не да си ја префрлаат топката и да се кријат позади нивните паушални изјави.„Граѓаните немаат повеќе доверба во институциите кои што ги води СДСМ.Веднаш, ама уште веднаш, треба да се повлечат од функциите и Заев и Оливер и сите вмешани затоа што не можат да решаваат ваков случај со прислушување за кој тие самите директно се одговорни.Затоа, уште еднаш ги повикуваме, сите револтирани од оваа криминална Влада на СДСМ по сите основи по општеството, денеска во 17 часот на Плоштад ВМРО сите заедно да се упатиме до пред Владата и да го искажеме нашиот револт против оваа криминогена власт на СДСМ.Оваа Влада мора да падне и тоа мора да падне веднаш!Што побрзо си дадат оставки, толку побрзо Република Македонија ќе тргне напред“, изјави Арсовски
Македонија | пред 7 години
Кривичниот совет ја одби жалбата на поранешниот директор на Управата за безбедност и контраразузнавање, Сашо Мијалков - тој останува во истражниот затвор во Шутка.Судиите оцениле дека постои опасност Мијалов да избега и да влијае врз сведоци и го потврдија решението на судија на претходна постапка кој му одреди притвор за случајот „Империја“.
Скопје | пред 7 години
Пратеникот на ВМРО-ДПМНЕ Влатко Ѓорчев за време на посетата на САД присуствуваше на церемонијата на оддавање на почит на починатиот поранешен претседател на САД Џорџ Буш.Пратеникот Ѓорчев беше дел од бројните делегации кои му изразија последна почит на поранешниот претседател Џорџ Буш во холот на Конгресот на САД. Ѓорчев изјави:"Претсдателот Џорџ Буш беше добар пријател на Македонија. Нашата земја ја прогласи својата независност за време на неговиот мандат во 1991 година, а неговиот син Џорџ Буш помладиот ја призна Република Македонија под Уставното име во 2004 година. Изразувам сочуство до неговото семејство и до граѓаните на САД".Пратеникот Ѓорчев се запиша во книгата на жалост. Ковчегот со телото на поранешниот претседател Џорџ Буш е изложено во централниот дел на Конгресот на САД, а денес ќе се одржи црковна служба по повод неговиот погреб.За време на посетата на Вашингтон пратеникот Ѓорчев ќе присуствува на парламентарниот форум за безбедност кој ќе се одржи во Сенатот на САД.
Македонија | пред 7 години
Српскиот портал „arandjelovacinfo.rs“ пишува дека во домаќинството на семејството Симиќ, во селото Раниловиќ во општината Аранѓеловац, козата Белка изела 20.000 евра, кои семејството ги спремало за купување на 10 хектари земјаСемејството Симиќ се одлучило да го прошири својот имот и за тоа подготвило поголема сума од 20.000 евра, за да може да купи 10 хектари земја. Но тоа утро се тргнало на лошо.-Станавме утрината, ги избројавме парите, бидејќи требаше да дојде човекот од кој ја купуваме земјата за да потпишеме договор и потоа да го исплатиме, парите стоеја на масата во дневната соба, а ние отидовме да појадуваме. Таткото на мојот маж, како и секое утро излезе да ја нахрани стоката, но не забележал дека не ја затворил влезната врата и тука настана нашата несреќа. Козата Белка која ја имаме веќе неколку години влегла низ отворената врата во дневната соба и почнала да ги јаде парите од масата, изјавила низ солзи расплаканата Милена.Додала дека кога слушнале шушкање и бука нејзиниот маж станал од масата и само што не доживеал инфаркт.Белка ги изела сите пари, останале само околу 300 евра, а останатото било изедено.„Маж ми од тој ден ништо не збори, само седи, молчи и гледа во една точка. Белка нас не зави во црно“ – изјавила за „arandjelovacinfo” Милена.
Магазин | пред 7 години
Претседателот на Собранието на Република Македонија, г. Талат Џафери, заедно со потпретседателите на Собранието и координаторите на пратеничките групи, денеска оствари средба со претседателот на Комитетот за надворешни работи на Европскиот парламент, г. Дејвид Мекалистер и европратеникот Кнут Флекенштајн.Претседателот Џафери, посакувајќи им добредојде во Собранието на Република Македонија, искажа благодарност за континуираниот интерес и поддршка на Европскиот парламент и институциите на ЕУ за Република Македонија. Тој ги информираше за актуелниот процес на уставни измени, што произлегува од Спогодбата потпишана меѓу Република Македонија и Република Грција, кој се очекува да биде заокружен во текот на јануари следната година, како и за подготовките за реализација на активностите кои произлегуваат од Планот 18 на Владата на Република Македонија, како логично продолжување на реформите, а се со цел отпочнување на преговори за членство во јуни следната година.Европратеникот Мекалистер упати јасна порака на широка партиска поддршка од Европскиот парламент за Договорот од “Преспа”. Тој истакна дека земјата е добар пример за регионот и за Европа, правејќи голем пробив во духот на доброседските односи и помирувањето и дека сега останува на Собранието на Република Македонија и на сите политички сили да ги стават во преден план стратешките интереси и цели на земјата, а тоа се евроатлантските интеграции. Во тие напори, земјата ја има целосната поддршка на европските институции.Европратеникот Флекенштајн, надоврзувајќи се на пораките упатени од страна на Мекалистер, потенцираше дека Европскиот парламент и европските институции исто така мора да ја завршат својата работа во однос на земјите аспирантки за членство во ЕУ и да ги исполнат дадените ветувања. Тој, покрај Договорот од “Преспа”, ги издвои и преостанатите реформи кои треба да бидат исполнети во делот на судството, услугите, јавната администрација и медиумите.Соговорниците разменија мислења за формирањето на собраниското интерпартиско тело за помирување и неговата структура, односно работните групи за помирување, интеграција и реформи кои ќе треба да произлезат со конкретни законски решенија во повеќе сегменти, без преминување на црвените линии за владеењето на правото и правната држава, а особено за превенирање на насилството и облиците на насилство за остварување одредени цели во иднина. На крај, присутните се согласија дека Македонија треба да ги отпочне преговорите за членство со ЕУ следната година и заслужува што поскоро да стане членка на Унијата, каде и географски припаѓа.
Македонија | пред 7 години
Пополека се одмотува мрежата, се отплеткува клопчето околу нарачателите и извршителите на насилството од 27 април. Сведочењата во рамки на транспарентниот судски процес го откриваат монструозниот план што требало да се спроведе, овде, во Собранието. Нарачан и планиран од структури на ВМРО-ДПМНЕ и Никола Груевски, изјави Костадин Костадинов на денешната прес-конференција.„Поранешниот прв човек на УБК, Владимир Атанасовски, повеќе обвинети во процесот за 27 април директно го посочија како организатор и соучесник на монструозните планови за убиства на политичари, линч на новинари, палење и уништување на автомобили и домови на пратеници.Истиот тој Владимир Атанасовски, според јавно достапни информации во медиумите, е советник за безбедност на антизападниот пион Христијан Мицкоски.Пред неколку месеци Христијан Мицкоски го пратил токму Атанасовски овде, во Собранието, да нуди решенија за реформа на системот за следење на комуникациите, во рамки на работата меѓу партиите за усогласување околу законските одредби.Очигледна е поврзаноста на Атанасовски со антизападниот Христијан Мицкоски и актуелното антинародно раководство на ВМРО-ДПМНЕ.Ете затоа Мицкоски е против помирувањето, затоа повикува на протести и блокади, затоа бара амнестија за нарачетелите и извршителите на насилството“, изјави Костадинов.Според него, Мицкоски единствено сака да ги спаси од одговорност неговите најблиски соработници и неговиот ментор, криминалецот Никола Груевски.„Последните случувања во процесот за 27 април покажуваат зошто не смее да има амнестија за нарачателите и извршителите на насилството.Ова е уште една потврда дека треба да се направи разлика помеѓу оние кои свесно, со умисла организирале, нарачале и извршиле насилство од оние кои не извршиле насилство и биле заведени“, вели Костадинов.
Македонија | пред 7 години
Повисоки плати за лекарите специјалисти за 10% од јануари 2019 година и за дополнителни 5 проценти почнувајќи со исплатата на септемвриската плата во 2019 година. Во септември 2019 година ќе бидат покачени платите и за сите здравствени работници за 5%. Ова е предвидено во Предлог буџетот за 2019 година, кој е на комисиска расправа во Собранието на РМ.-Имаме реален проблем во здравството со одлив на кадри. За таа цел и годинава и следната година предвидовме зголемување на платите на здравствените работници, со дополнително зголемување од 10 отсто за специјалистите. Кога вработените се подобро платени, тие се попродуктивни. За таа цел, од септември ги зголемуваме платите и во образованието и детската грижа. Растот на платите во јавниот сектор, воведувањето на повисоко ниво на минимална плата, како и владините мерки за поддршка на раст на платите, ја придвижи спиралата на плати и во приватниот сектор, рече Тевдовски.Министерот на комисиската расправа рече дека растот на нето платите е зголемен за пет проценти, што е најголем раст години наназад.
Македонија | пред 7 години
По четврти пат отворен интернационалниот повик DANCELAB 2019, на кој може да аплицираат млади кореографи ширум светот. Под уметничко водство на македонскиот амбасадор во танцот, Рисима Рисимкин, DANCELAB е престижен меѓународен натпревар и е дел од Танц Фест Македонија кој следната година ќе го прослави својот 15-годишен јубилеј. За учество на натпреварот може да аплицираат кореографи до 35 години со своја оригинална кореографија во времетраење од најмалку 7, а најмногу 13 минути, на слободна тема, со обработка на иновативни идеи во полето на современиот танц. Аплицирањето се врши електронски, на официјалната веб страница на Танц Фест (www.dancefestskopje.com.mk) и трае до 15-ти јануари, 2019 година.„Многу се радувам, пред се на Јубилејот кој Танц Фест ќе го има следната година – 15 години Танц Фест. Сметам дека овој фестивал направи извонреден чекор во позиционирањето на современиот танц во Македонија, а секако ТАНЦЛАБ – Интернационалниот натпревар за млади короеграфи е дел од придобивките на овој фестивал. Очекуваме голем број на пријави, според сознанијата од последната апликација, во 2015 година, и се надеваме дека на 5-ти и 6-ти април, 2019 година, во рамките на Јубилејното издание на Танц Фест, нашата публика ќе има можност да ужива во творештвото и креациите на млади од целиот свет. Нека победи најдобриот!“, истакна Рисима Рисимкин, уметнички директор на Танц Фест Македонија.Рисимкин и Танц Фест Македонија по четврти пат ќе бидат домаќини на кореографи од ширум светот, кои на натпреварот ќе бидат оценувани од интернационално жири, составено од еминентни имиња со светска репутација во полето на танцот. Наградата на натпреварот е „Златна пеперутка“ и се доделува во категоријата „најдобра короеграфија“. Добитникот на „Златна пеперутка“, ќе има ексклузивна можност да создаде оригинално уметничко парче за Скопје танцовиот театар. На последното издание на DANCELAB, „Златната пеперутка“ му беше доделена на Fabio Liberty од Италија.
Магазин | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
