Нема фотографија

Промовирана монографијата „15 години Инженерски прстен“

Инженерската институција на Македонија и Комората на овластени архитекти и овластени инженери, денес, ја промовираа монографијата „15 години Инженерски прстен“. Со промоција на монографијата, во Македонската академија на науките и уметностите, се одбележаа 15 години од првото доделување на Инженерскиот прстен, кој досега го добиле 150 најдобри студенти - инженери.Според професор д-р Христина Спасевска, претседател на Инженерската институција на Македонија, станува збор за уникатно признание во регионот, но и многу пошироко, што овозможува преку наградување на најдобрите дипломирани студенти да се промовира инженерство и науката како стожери за развојот на општеството.„Истовремено, овој чин ја нагласува елитноста што треба да ги поттикне младите за професионално усовршување, насочувајќи ги кон истражувања, развој на иновативната мисла и претприемништвото. Ова Признание за младите добитници, секако, значи успех, но претставува и голема одговорност, не само за нив, но и за нас, што го врачуваме. Ние, како две најголеми инженерски организации да работиме на изнаоѓање услови за професионален развој на најдобрите млади инженери што е еден од предусловите тие да останат во својата земја, градејќи успешна кариера. Носителите на прстенот го имаат предизвикот да останат достојни на честа што им е укажана и да продолжат да бидат најдобри, да бидат пример на своите колеги, но и поттик на помладите. Дека навистина сме ги одбрале најдобрите, покажува и големиот број добитници што сега се успешни универзитетски професори и истакнати професионалци во струката в и дека Признанието влијаело во трасирање на нивната успешна кариера, сведочат токму нивните изјави во ова монографско издание“, рече Спасевска.За професор д-р Миле Димитровски, претседател на Комората на овластени архитекти и овластени инженери, носителите на инжинерскиот прстен се избираат од првите пет најдобро рангирани универзитети во Република Македонија и од факултети со високи оценки за акредитацијата. Добитниците се пример дека треба да се вложува во себе, затоа што е важно и знаењето и оценките и навременото завршување на започнатото.„Инженерскиот прстен не е само признаниe, туку е и обврска да се биде и да се остане најдобар. Тоа е повик да се проектира, да се гради и да се создава. Треба да се биде креативен и иновативен и да се продолжи со усовршување на своите вештини со надградба на своите знаења. Носителите треба да се стремат да бидат идните градители и учесници во напредокот и на благосостојбата на Македонија. Ние како Институции и поединци треба да направиме сé младите инженери да ги заземат своите места во компаниите, во образованието и во институциите на системот. Тие треба да бидат дел од столбовите на развојот а преку развојот на високите технологии да продонесат и за економскиот раст на државата. И многу повеќе од тоа - инженерите од техничките факултети треба да ја имаат имаат моќта да го менуваат светот и реалноста. Времето покажа, а оваа монографија тоа го одбележува, дека навистина биле избрани како најдобри од најдобрите и дека тие како носители на прстенот ја покажале својата дарба и моќ во сé што работат да бидат најдобри“, објасни Димитровски.[caption id="attachment_11631" align="alignnone" width="2218"] ????????????????????????????????????[/caption]За ректорот на Универзитетот „Св „Кирил и Методиј“ – Скопје, професор д-р Никола Јанкулоски, доделувањето на признанието Инженерски прстен е традиционална и успешна манифестација.„Традицијата ја отсликува 15-годишниот период во која се доделува ова признание и која ги обединува најквалитетните студентски инженерски умови. Успешна е затоа што ги препознава, вреднува и наградува најдобрите студенти од инженерските струки. Станува збор за единствено признание од ваков вид во Македонија, кое секако позитивно влијае на младите инженери“, рече Јанкулоски.Професор д-р Сашо Коруновски, ректор на Универзитетот „Св. Климент Охридски“ја поддржува, застапува и со сето срце, ја поздравува идеајта издвојувајќи ги најдобрите од најдобрите.„Инженерите, нивната креативност, умешност, знаење, се движечка сила, оној неопходен „spiritus movens“ на современата цивилизација. Нивниот потенцијал ни е потребен. Тие дизајнираат, проектират, градат, тие ги водат технолошките и индустриските процеси, тие ги управуваат комуникациско-информатичките процеси“, заврши ректорот Коруновски.

Македонија | пред 7 години

ВМРО ДПМНЕ: Поскапувањето на лебот ќе предизвика нова црна спирала на покачувања, а крајната цена ќе ја платат граѓаните

До 20 проценти поскапува лебот во Република Македонија. По сите проблеми во сите гранки на земјоделството, на ред дојдоа и проблемите со пченицата и со мелничко-пекарската индустрија. А познато правило во агроекономијата е дека кога поскапува брашното, кога поскапува лебот, почнува да врти инфланторното тркало на поскапувања на сета храна, истакна на денешната пре-конференција портпаролот на ВМРО-ДПМНЕ, Наум Стоилковски.Стоилковски посочи дека ова поскапување се надоврзува на сите црнила кои што го зафатија македонското земјоделство, скапите горива, на излажаните земјоделци за зелената нафта, на проблемите со исплатата на субвенциите, на проблемите со извозот и пласманот.-Па на здравје црната спиралата на Животот, на здравје парите кај граѓаните. Цените на лебот во секоја држава се најстабилни и ја отсликуваат состојбата на економијата воопшто. Лебот, почитувани, најмногу поскапува заради лошите мерки на ресорното министерство, во услови на поскапување на енергенсите, во услови на недостаток на квалификувана работна сила, зголемување на цената на пченицата во последните месеци за 40%. Цената на пченицата се формира врз основа на цените пред жетвата, оваа година непосредно пред жетвата пуштени беа огромни количества на пченица на пазарот по цена од 7-8 денари, како и увезено брашно од Србија и од Косово. Така цената за македонските производители остана депласирана. Тоа предизвика – домашните производители во најголем дел или да ја чуваат за сопствени потреби или да ја продаваат на други пазари или да ја конвертираат во преработки или за сточна исхрана. Од битолскиот регион се продаваше во Грција по 11-12 денари, нагласи партискиот портпарол.Тој посочи дека тоа министерството свесно го направи за да некои од трговците да остварат профит на база на ценовните шокови, иако се знаеше дека во пролетните месеци, веднаш по Нова Година доаѓа до недостаток и автоматско поскапување.-Наместо да реагира со стоковите резерви во тој период и да ги релаксираат ценовните разлики, министерството реагираше задоцнето и се создаде дисбаланс на пазарот. Оваа година порано се јавува недостатокот помеѓу другото и заради царинската војна меѓу Косово и Србија. Домашните производители го почувствуваа тоа и тие кои ризикуваа САМИТЕ да си ја чуваат пченицата ја покачија цената на пазарот. Потенцираме САМИТЕ затоа што во изминатите години државата т.е. Министерството во програмата за поттикнување и рурален развој одвојуваше пари за помош на чување на пченицата на производителите во силосите на Стокови Резерви и други субјекти ова година таа мерка ја укина т.е ја намали од 10 милиони на илјада денари. Целиот овој сет на промашени мерки доведе до ваков колапс на кој ВМРО- ДПМНЕ укажуваше уште во јули месец, предупредувајќи на сите овие работи. Тогаш апелиравме на покачување на откупната цена за средствата да останат кај домашните производители и преработувачите, а истовремено би се створила и стабилност на пазарот со откупувања на севкупните произведени количини. Покрај тоа, тогаш укажавме дека значително ќе се намалат површините под сеидба на лебно зрно што еве ни се случува, што заради временските прилики, што заради неатрактивност и неисплатливост на производство на пченица. Се случи алокација на средствата од производителите и преработувачите кон трговците кои се заинтересирани само и само за нивниот профит. Оваа криза ќе предизвика нова црна спирала на покачувања, а крајната цена ќе ја платат граѓаните не по своја вина туку по вина на неспособноста на влада на Зоран Заев, посочи Стоилковски.Според него за ова нема одговорност од власта. Колку побрзо оваа криминогена и неспособна власт за една намена си замине, толку подобро за Република Македонија.Затоа, Ве повикуваме на заеднички протестен марш до Владата, денеска во 17 часот, како и секоја следна среда, заедно да побараме одговорност за севкупното девастирање на Република Македонија. Се гледаме пред Влада!

Скопје | пред 7 години

Гинекологот кој девет месеци лажеше пациентка дека е бремена избегал од Македонија

Гинекологот Николче Дамчевски кој девет месеци лажеше пациентка дека е бремена избегал од Македонија. Дамчевски покрај тоа што има забрана за вршење на дејноста во траење од 8 години, доби казна затвор, која Апелациониот суд ја потврди и ја зголеми од 1, 6 месеци на 2 години. Но, тој наместо да ја издржува казната, им избега на правосудни органи.Неофицијално дознаваме дека Дамчевски во овој период е во Бугрија и работи како гинеколог во државниот Медицински центар „Мајчин дом“.

Македонија | пред 7 години

Палмер: Македонија полноправна членка на НАТО до средината на 2020

САД очекуваат Македонија да стане полноправна членка на НАТО до средината на 2020 година, до кога треба целосно да се имплементира договорот за промена на името со Грција, и покрај обидите на Русија да го поткопа.Договорот во спорот за името меѓу Македонија и Грција отстрани голема пречка за членството на Македонија во ЕУ и НАТО, и овој чекор ќе го намали руското влијание во регионот, вели во интервју за агенцијата Ројтес, американскиот помошник-заменик државен секретар Метју Палмер.„Нема ниту една причина да не веруваме дека Северна Македонија ќе стане 30 членка на НАТО веќе за 18 месеци од денес“.Во разговорот Палмер изразува загриженост поради „малигното влијание“ на Русија како во Македонија, така и во останатите земји од Западниот Балкан.Тој ја обвини Русија дека се обидува да ги поткопа владите и институциите со цел да го запре напредокот на регионот кон евроатлантската интеграција. Москва ги отфрла таквите обвинувања со контраобвинување дека Западот се меша во внатрешните работи на земјите од Западниот Балкан.„Не е Русија таа која решава што ќе прави Македонија во однос на нејзините врски со европските и евроатлантските институции“, рече Палмер.

Македонија | пред 7 години

Општина Бутел донираше прочистувачи за воздух за градинките

Донацијата од 8 прочистувачи за воздух за јаслените групи во општина Бутел. Донацијата ја предаде градоначалникот на Општина Бутел, Велимир Смилевски, кој нагласи дека во тек е набавка и на останатите 30 прочистувачи, со кои ќе бидат опремени сите занимални во шесте објекти на ЈУ Детска градинка „11 Октомври".Директорката на градинката „11 Октомври“, Луција Кировска истакна дека обезбедувањето на прочистувачи на воздух, престојот на дечињата ќе им го направи поздрав и попријатен.Покрај набавката на прочистувачите, во контекст на активностите за борба против загадувањето од следната недела, во дворовите на градинките ќе се организираат еколошки акции.

Скопје | пред 7 години

Изложбата „Мајка Тереза – светица од Скопје, светица на светот“ отворена во Европскиот парламент во Брисел

Во организација на НУ Спомен куќа на Мајка Тереза и Католичката црква во Македонија, а на барање на европратеничката Маријана Петир, на 4 декември 2018 во просториите на Европскиот парламент во Брисел беше отворена изложбата „Мајка Тереза – светица од Скопје, светица на светот“. Изложбата беше дел од отворањето на Европскиот молитвен доручек, како и дел од настаните кои го означуваат завршувањето на Европската година на културното наследство. Во рамките на изложбата изложени се 24 колажи кои го претставуваат животниот пат на најголемата хуманитарка на XX век, почнувајќи од нејзиното детство и младост во Скопје, до нејзината канонизација, односно прогласување за светица. На отворањето беа присутни претседателот на Европскиот парламент Антонио Тајани, пратеничката Маријана Петир, Скопскиот бискуп и Струмичко – скопски епарх монс. д-р Киро Стојанов, директорот на НУ Спомен куќа на Мајка Тереза Ариан Асланај како и бројни претставници на Европскиот парламент. Изложбата ја отвори бискупот Киро Стојанов кој во својот говор нагласи дека Европа има потреба од срцето на Мајка Тереза за да опстане и остане Европа доследна на својата култура. Директорот на НУ Спомен куќа Мајка Тереза г-дин Ариан Асланај во своето обраќање ги повика присутните да го посетат меморијалниот музеј во Скопје кој е единствен музеј во светот посветен на Мајка Тереза. Овој проект на НУ Спомен куќа на Мајка Тереза е поддржан од Министерството за култура на Република Македонија.Презентацијата на ликот и делото на Мајка Тереза е можност за промоција на културата во Република Македонија, а особено на НУ Спомен куќа на Мајка Тереза.

Магазин | пред 7 години

Предлог-законот за помирување до петок

До крајот на неделата треба да биде готова првата верзија на Законот за помирување поврзан со настаните од 27 април. Ќе го предложи собраниското тело за помирување кое ќе се состане најверојатно во петок, кога сите членови ќе се вратат од службен пат.Копретседавачот со Телото, Емилија Александрова не открива детали од содржината на законското решение, но ја потврдува поддршката на целиот процес од Независната пратеничка група на ВМРО ДПМНЕ.Осуммината пратеници од независната група сепак најавуваат дека ќе гласаат за успешност на измените на Уставот, бидејќи договорот бил да си останат доследни на одлуките, а реформите, интеграциите и помирувањето биле условени процеси. Според најавите на премиерот Заев предлог-законот за амнестија нема да се однесува на сите обвинети, односно ќе се прави дистинкција меѓу оние кои директно биле вклучени во насилствата и оние кои само биле дел од групата.Опозициската ВМРО-ДПМНЕ не е дел од процесот на помирувањето, откако власта не даде поддршка на нивниот закон со кој бараа амнестија за сите инволвирани во собраниските настани од 27-ми април.

Македонија | пред 7 години

Бојан од „Ај Кју“ и Марија Ичкова - резултатот е „Сладок отров“

Марија Ичкова е релативно ново музичко име на нашата поп-сцена, но публиката имаше прилика да ја запознае уште пред неколку години кога таа се натпреваруваше на реалното музичко шоу „Х-Фактор“.Тие што паметат, Марија минатата година настапуваше и на реномираниот фестивал „Макфест“ во Штип со песна на Бојан Трајковски од „Ај Кју“ и Кристина Арнаудова.Како резултат на одличната соработка, Ичкова повторно се спои со Бојан, а епилогот од тоа е новата песна која носи наслов „Сладок отров“, а на која токму Трајковски се потпишува како комплетен автор.- Со Бојан се најдовме на иста фрекфенција и соработката навистина добро ни оди. Тој знае што сакам јас, јас знам што сака тој и она што го добиваме како производ е навистина одлично. Соработката продолжува и понатаму и ветувам дека наскоро ќе бидам повеќе присутна на музичката сцена - изјавува Ичкова.Инаку оваа нова песна на Марија е снимена во студиото „Music House“, каде ќе бидат снимени и наредните нивни песни.

Магазин | пред 7 години

ТАВ го пречека два милионитиот патник на Меѓународниот Аеродром Скопје

ТАВ Македонија бележи уште еден важна пресвртница во развојот на македонските аеродроми, со пречекувањето на 2-милионитиот патник на Меѓународниот Аеродром СкопјеВо весела атмосфера на Меѓународниот Аеродром Скопје, ТАВ Македонија му посака топло добредојде на својот два милионити патник кој што допатува со летот од Доха на Qatar Airways, во 10:55 часот утринава, и му подари викенд за двајца во Доха.ТАВ Македонија ќе овозможи незаборавно патување за среќниот патник, со тоа што ќе обезбеди комплетен пакет за патувањето, заедно со својот партнер – Qatar Airways, како и со БТА, АТУ и ТАВ МОС, сестринските компании на ТАВ. ТАВ Македонија ќе обезбеди удобен престој во одличен хотел во Доха, Qatar Airways ќе ги обезбеди авионските билети, ATU – ќе додели ваучер за пазарење во вредност од 200 евра, додека BTA и TAV MOS МОС ќе се погрижат за пријатно искуство и престој на аеродромот на добитниот патник, со тоа што среќниот патник бесплатно ќе ги користи услугите на ресторанот, како и услугите од Primeclass.-Му честитам на нашиот 2 милионити патник и ѝ посакувам незаборавно патување во Доха, за што подготвивме специјален пакет аранжман со нашите партнери – Qatar Airways, како и со нашите сестрински компании – БТА, АТУ и ТАВ МОС. Во исто време би сакал да им се заблагодарам на сите патници што го избраа Меѓународниот Аеродром Скопје за нивните деловни и рекреативни патувања. Достигнувањето на 2 милиона патници во една година е импресивен успех за сите нас, па затоа во име на нашата компанија би сакал да им се заблагодарам на сите засегнати страни од воздухопловната индустрија, како Министерството за транспорт и врски, АЦВ, М-НАВ, Министерството за внатрешни работи, Царинската управа, авиокомпаниите и тур-операторите, за нивната соработка со цел да прославиме уште една голема и значајна пресвртница. Би сакал исто така да ја искористам оваа одлична прилика да се заблагодарам на нашиот персонал за нивната заложба секогаш да обезбедат најдобри услуги за нашите гости, да го одржуваат задоволство на клиентите на највисоко ниво, како и да ги охрабрам да продолжат со нивната добра работа кон нашата цел уште еднаш да бидеме прогласени за најдобар аеродром во Европа, изјави Алпер Ерсој, Генерален директор на ТАВ Македонија.Прославата за 2-милионитиот патник на Меѓународниот Аеродром Скопје е важен настан што го покажува брзиот раст и развој на аеродромот постигнати во текот на изминативе 8 години. Само пред 4 години, во октомври 2014 година, скопскиот аеродром го пречека милионитиот патник.-Навистина ни е задоволство што сме дел од големиот настан во работењето на „ТАВ Македонија“ по повод два милионитиот патник на меѓународниот аеродром Скопје кој патуваше со „Катар ервејс“ на нашиот директен лет од Доха до Скопје кој ги поврзува нашите патниците со повеќе од 160 дестинации низ светот. „Катар ервејс“ е една од најбрзо растечките авио-компании со модерна флота со повеќе од 200 авиони која е рангирана на ниво од 5 ѕвезди добиена врз основ на дадените услуги према патниците. Благодарни сме за успешната соработка со „ТАВ Македонија“ кои се посветени да овозможат квалитетна услуга која се надополнува со квалитетот на авиокомпаниите и со тоа овозможуваат компаниите да ги зголемат своите услуги со нови дестинации, изјави Алтај Шабан, Комерцијален директор на Катар ервејс за Македонија.Како дел од ТАВ Аеродроми, еден од водечките аеродромски оператори на глобално ниво, ТАВ Македонија ги следи светските трендови и развивања во воздухопловната индустрија и резултатите се неверојатни. На скопскиот аеродром, во 2010 година имало 684.905 патници, во 2014 година бројот на патници бил 1.210.509, а денес, 5 Декември 2018 година, 2-милионитиот патник пристигна на Меѓународниот Аеродром „Скопје“.Меѓународниот Аеродром „Скопје“ сега поврзува 38 дестинации со редовни летови, на 13 авиокомпании.ТАВ Македонија како аеродромски оператор на двата македонски аеродрома продолжува со позитивните резултати од почетокот на годинава. Во првите 11 месеци од 2018 година (јануари – ноември), вкупно 2,1 милиони патници патување преку двата македонски аеродрома – Меѓународен Аеродром „Скопје“ и аеродромот „Св. Апостол Павле“ – Охрид, што е пораст од 18% на годишно ниво. Во исто време, вкупниот број на летови е 18.336, што е 9,4% пораст споредено со истиот период минатата година.

Скопје | пред 7 години

Груби во САД на средби во Конгресот и Стејт Департаментот

Претседателот на Комисијата за европски прашања и на Групата за пријателство со САД, Артан Груби ќе престојува во Соединетите Американски Држави од 5 до 9 декември 2018 година, каде што ќе реализира работни средби со конгресмени и сенатори во Американскиот Конгрес, но и во Сенатот и Стејт Департментот.„На средбите ќе стане збор за евроатланските интеграции на земјата, можностите за унапредување на билатералните односи со САД, како и за актуелните реформи што Владата ги прави во областа на владењето на правото.Господинот Груби ќе присуствува на 12. Парламентарен безбедносен форум за разузнавање во Сенатот на кој ќе се расправа за сите видови на борба против тероризмот“, се вели во соопштението.Ова е втора посета на Груби во САД.

Македонија | пред 7 години

„Д Стронгест“ од Кисела Вода во Белград освои 13 медали

Натпреварувачите на спортските клубови кои на иницијатива на градоначалникот Филип Темелковски оваа година добија материјална поддршка од Општина Кисела Вода продолжуваат да редат победи на сите домашни и меѓународни натпреварувања.На балканското првенство „FUTURE CHAMPIONS 4 – 2018“ за деца од 5 до 18 годишна возраст во Белград, Србија македонската репрезентација составена од 22 натпреварувачи на „Д Стронгест“ од Кисела Вода, 5 на „РУТС БЏЏ ОХРИД“ и 1  на „Д Стронгест & Рутс БЏЏ Куманово“ се закити со вкупно 15 медали. Натпреварувачите на клубот од Кисела Вода освоија најмногу медали, додека 2 бронзени доби екипата од Охрид.Со медали се закитија следните 13 натпреварувачи на „Д Стронгест“:          Златни медали:-        Даниела Алексовска – напредни 3 -44.3кг.-        Марко Панчевски – напредни 2 -33.2кг., –36.2кг.-        Дин Радончиќ – почетници 2 -27кг.-        Даниел Тодоровски – почетници 4 -40.3кг.-        Арон Зекир – почетници 4 -36.2кг.-        Филип Митревски – почетници 2 -30.2кг.          Сребрени медали:-        Давид Тодоровски – почетници 2 -24кг.-        Марко Трајановски – почетници 3 +48кг.-        Дамјан Петровски – напредни 2 -42.3кг., -45.3кг.-        Марко Ангелов – почетници 3 –39.3кг.-        Никола Симоновски – јуниори 2 -58.5кг.          Бронзени медали:-        Марко Петровски – јуниори 2 -58.5кг.-        Ања Чивчиристовска – почетници 4 -40.3кг.Македонскиот тим предводен од Ивица Алексовски, претседател и основач на „Д Стронгест‘‘, во екипниот пласман во категорија на почетници го освои првото место, во категорија на напредни третото место, а во вкупен екипен пласман второто место.

Спорт | пред 7 години

Жерновски на 25-от Министерски совет на ОБСЕ во Милано

Делегација на Република Македонија, предводена од заменик министерот за надворешни работи, Андреј Жерновски, ќе учествува на 25-от Министерски совет на Организацијата за безбедност и соработка во Европа (ОБСЕ), кој ќе се одржи на 6 и 7 декември 2018 година во Милано, Италија. Најавено е присуство на високи претставници на 57-те земји учеснички на ОБСЕ и партнери на организацијата, меѓу кои и високата претставничка на ЕУ за надворешна политика и безбедност, Федерика Могерини.„На Министерскиот совет ќе бидат разменети мислења за работата и активностите на Организацијата во изминатиот едногодишен период, во рамките на Италијанското претседавање со ОБСЕ. Воедно, се очекува да се усвојат и поголем број на одлуки и декларации кои се однесуваат на делувањето во трите димензии на Организацијата: политичко - воената, економско - еколошката и хуманата димензија.ЗМНР Жерновски ќе има свое обраќање на Министерскиот совет, на кој ќе ги претстави ставовите на Република Македонија. Воедно, на маргините на советот, тој ќе оствари и одвоени состаноци со претставници на институциите на ОБСЕ, како и билатерални средби со шефови на делегации на земјите учеснички на Организацијата“, се вели во соопштението.

Македонија | пред 7 години

Поддршка од Мекалистер и Флекенштајн за Договорот од Преспа и за преговори со ЕУ

Претседателот на Владата на Република Македонија, Зоран Заев, денеска се сретна со пратениците од Европскиот парламент, Дејвид Мекалистер од ЕПП и Кнут Флекенштајн од ПЕС.Европските пратеници пренесоа силна поддршка од Европскиот парламент за Договорот од Преспа, којшто е оценет како пример пред се за регионот на Западен Балкан, но и пошироко за цела Европа. Поздравено е лидерството на премиерот Заев во процесот. Пратениците од Европскиот парламент изразија силна поддршка за перспективите на Македонија во Европската унија и во НАТО. Тие изнесоа очекување дека уставните измени ќе бидат донесени во Парламентот, како и дека Македонија, потоа, Македонија со уште побрзо темпо ќе ги продолжи интеграциите во ЕУ.Премиерот Заев ги соопшти очекувањата околу гласањето на уставните амандмани, согласно Договорот од Преспа, во Парламентот, како и реформите што се прават во безбедносните служби, правосудството, јавната администрација, очекувањата за реализацијата на реформите за борбата против криминалот и корупцијата, како и во медиумската сфера.-Очекуваме во втора половина на јануари да се изгласаат уставните измени. Низ инклузивност, преку амандманите, и опозицијата се вгради во овој процес, а од денеска се отвора и јавната дебата, по што Владата ќе го достави финалните решенија до Парламентот. Нашите очекувања се дека уставните амандмани ќе добијат широка политичка поддршка во Собранието, со што ќе се овозможи реализација на Договорот од Преспа. Паралелно работиме на реализацијата на реформите во клучните области, што очекуваме да ги заокружиме до март. Поканата за НАТО и можноста за почеток на преговорите со ЕУ е висока мотивација за институциите во реформскиот процес, којшто е потребен за ЕУ, но и за квалитетот на живот на граѓаните на Македонија, рече премиерот Заев.На средбата се разговараше и за други актуелни политички прашања во Македонија и во регионот. Премиерот Зоран Заев се заблагодари на Европскиот парламент за поддршката во врска со почитувањето и владеењето на правото како европска демократска вредност.

Македонија | пред 7 години

Седумдесетгодишен гостиварец посегнал по пиштол при расправија во кафетерија

Полицијата од Гостивар поднесе кривична пријава против 70-годишен жител на гостиварското село Форино, кој посегнал по пиштол при расправија во кафетерија во Гостивар.Како што информираат од МВР, на 03. октомври годинава во кафетерија на гостиварската улица „Браќа Ѓиноски“ по претходна вербална расправија, пријавениот упатил закани кон три лица сите од село Добридол, при што извадил и пиштол, кој го носел со себе.При преглед над пријавениот, полицајци пронашле и одзеле пиштол „глок” и рамка со 13 куршуми со калибар од 9 милиметри.Против 70-годишникот е поднесена пријава за сторен деликт „загрозување со опасно орудие при тепачка или караница“.

Македонија | пред 7 години

Османи: Еврејската жртва – безвременски чувар на хуманоста, слободата и солидарноста

Денеска во просториите на Секретаријатот за европски прашања, а во организација на Македонски пошти, се одржа Промоција на поштенската марка „75 години од депортацијата на евреите во Македонија“, на која поздравни обраќања пред присутните имаа Заменик претседателот на Владата задолжен за европски прашања, Бујар Османи, Амбасадорот на државата Израел во Македонија, Дан Ориан, Директорот на АД. “Македонска Пошта”, Ејуп Рустеми и Директорот на Институтот за културно и духовно наследство на Албанците, Скендер Асани.„Ми претставува вистинска чест што, како предводник на Секретаријатот за европски прашања денес сум домаќин на оваа манифестација со која се одбележува 75 години од холокаустот на евреите, но и посебно задоволство, лично за мене, како човек кој се залага со промоција на современите европски вредности на слобода, еднаквост и соживот, што ја имам оваа можност да бидам дел од ова одбележување - истакна Османи. Во овој контекст тој додаде дека депортацијата на евреите од Македонија за време на втората светската војна, претставува веројатно еден од најцрните и сигурно еден од најтажните периоди во историјата.Во продолжение Османи се осврна на предизвиците низ кои поминува Република Македонија во овој период стремјќи се да ја зацементира својата евроатлантска ориентација, при што додаде дека одбележувањето на денешниот ден претставува континуитет на нашата суштинска определба, да бидеме дел од создавањето, од негувањето и промоцијата на вредностите на кои почива западната цивилизација.„Како политичари, како Влада, но и како земја, како граѓани остануваме целосно посветени на изградбата и зацврстувањето на интегративните предизвици со кои се соочуваме, најпрвин внатре, преку негување, на принципите на соживот, на еднаквост, на правичност, но и надворешно, вложувајќи огромни напори во историското помирување на народите и затворањето на меѓусебните прашања, како основен предуслов за европската интеграција на целиот Балкан”- додаде Османи при што во овој контест нагласи дека токму успехот од овие процеси, успехот во промоцијата на европските вредности, всушност претставува зачувување на смислата на еврејската жртва, како безвременски чувар на хуманоста, солидарноста и слободата.

Македонија | пред 7 години

„Souvenir de Florence“ – концерт на Гудачки октет со врвни музичари

„Souvenir de Florence“ е насловот на камерниот концерт кој ќе се одржи оваа сабота (8 декември) во Камерната сала на Македонската филхармонија во 20 часот. Станува збор за концерт на Гудачки октет составен специјално за настапот во Скопје, од музички уметници од Европа и од Македонија, со импресивна кариера зад себе: Лиса Јакобс (Холандија), Хед Јарон Мејерсон (Холандија), Владимир Костов и Мартин Димитров – виолини; Дритон Гаџа и Нора Романоф Шварцберг (САД, Австрија) – виоли; Иван Туркаљ (Германија) и Франческо Мариози (Италија) – виолончела. На програмата ќе бидат изведени делата: „Souvenir de Florence“ оп. 70 од Петар Илич Чајковски и Гудачки октет оп. 20 во Es-dur од Фелиск Менделсон.Гудачкиот октет е формиран специјално за концертот „Souvenir de Florence“ од страна на истакнатиот македонски виолист Дритон Гаџа, кој годиниве наназад живее и кариерата ја гради во Германија и во Австрија. Станува збор за осуммина музичари од Македонија и од Европа, со зад себе завидна кариера, со настапи во престижни концертни сали, со видни оркестри и диригенти, добитници на бројни меѓународни награди, виртуози на своите инструменти. 

Магазин | пред 7 години

НВО Саем „Заедно до подобро општество“

Претседателката на Советот на Град Скопје, Љубица Јанчева, денеска го отвори НВО саемот, кој годинава се одржува под мотото „Заедно до подобро општество“, во контекст на одбележувањето на 5-ти декември, Mеѓународниот ден на волонтерството, во просториите на НУБ „Св. Климент Охридски“ – Скопје .НВО саемот кој е во организација на Волонтерскиот центар Скопје, а под покровителство на Град Скопје, се оддржува по четврти пат со цел меѓусебно вмрежување на Граѓанските здруженија и фондации, што резултира со успешни партнерски проекти.- Соработката и меѓусебното приближување, поттикнати од позитивната енергија на вмрежената комуникација е најголемата придобивка и на градот Скопје и на општеството, и тоа ние треба да го поддржиме како локален, но и како општествен императив - нагласи Љубица Јанчева.Таа додаде дека ваквата констатација ја уважува и Град Скопје, кој повеќе од десетина години ја практикува соработката со Граѓанските здруженија и фондации и ја поддржува нивната работа.- Потврда за ова е и овогодинешната поддршка на Град Скопје при реализацијата на НВО саемот, кој е од суштествено значење за локалното вмрежување на Граѓанските здруженија и фондации, чија природа на дејствување се сообразуваа со она што значи „Заедно кон подобро општество“, кое може да се восприеми како определба, мисија и визија на годинешниов НВО саем - резимираше Јанчева.

Скопје | пред 7 години

Спасовски поднел оставка кај Заев поради бегствто на Груевски

Премиерот Зоран Заев во интервју за Дојче Веле открива дека министерот Оливер Спасовски разговарал со него за оставка како чин на морална одговорност по бегството на осудениот поранешен премиер Никола Груевски во Унгарија.– Оливер Спасовски разговараше за тоа со мене. Бидејќи тој го направи тој чекор, разговараше со мене. Како колега во Владата и мој долгогодишен соработник, секогаш сме разговарале што со моралниот чин во вакви околности. Бидејќи, ако има морална одговорност, треба да има аргументација за тоа, да се објасни, да се лоцира каде е моралниот хазард, проблем, пропуст… Јас не гледам таков пропуст. Но, ако се покаже дека имало одговорност – јас ќе барам таа да биде конкретно понесена – вели Заев.

Македонија | пред 7 години

Ќе замине ли и Ирак од ОПЕК?

Ако некоја земја реши да ги следи стапките на Катар и да ја прекине соработката со Организацијата на земјите извознички на нафта (ОПЕК), тоа ќе биде Ирак, вели Мајкл Коен, шеф за истражување на енергетските пазари во банката „Баркли“.„Мислам дека во однос на сите земји од ОПЕК во последните шест-осум месеци се истакнува Ирак“, изјави Коен за Си-ен-би-си додавајќи дека Ирак често не е во согласност со целите, па ако ограничувањата беа премногу строги, Ирак може да почувствува дека во најдобар интерес му е да не биде член на Организацијата.Ирак е вториот по големина производител на нафта во ОПЕК по Саудиска Арабија. Повеќе од 90 отсто од приходите на земјата доаѓаат од нафтата, вели Меѓународната агенција за енергија.Ирак во октомври испумпуваше рекордни 4,76 милиони барели дневно, вели поранешниот ирачки министер за нафта. Неговото зголемено производство како и повеќегодишните прекумерни изпумпувања од Либија придонесоа оваа есен за кулуминација во глобалното производство во 2018 година. Цитирајќи ги посетите на саудискиот министер за енергија Калид ал-Фалих во Багдад во последните два месеци, Коен рече:„Ние не сме во тек со природата на овие разговори, но очигледно постои голема загриженост во однос на она што го вели Ирак.”

Свет | пред 7 години

Димитров на состанокот на Северно-Атлантскиот Совет на НАТО

Министерот за надворешни работи, Никола Димитров денеска учестува на состанокот на Северно-Атлантскиот Совет на НАТО на ниво на министри за надворешни работи со земјите контрибутори во мисијата Решителна поддршка во Авганистан, кој се одржува во седиштето на НАТО во Брисел. Димитров е дел од овој состанок на покана на Генералниот секретар на НАТО, Јенс Столтенберг.На состанокот, министрите разговараа за напредокот и одржувањето на мисијата Решителна поддршка, за натамошната поддршка на финансиската одржливост на авганистанските безбедносни сили до 2024 година, како и за улогата на НАТО Алијансата и нејзините партнери во обезбедување на сигурна и просперитетна иднина на земјата и региoнот.Министерот Димитров, во своето излагање, ја нагласи подготвеноста на Република Македонија за натамошна поддршка на Владата на Авганистан и нејзините безбедносни сили, со цел градење на стабилна и безбедна иднина за Авганистан и регионот.На маргините на состанокот, денес, МНР Димитров оствари билатерални средби со МНР на Турција, Мевљут Чавушоглу, МНР на Литванија, Линас Линкевичиус, МНР на Словенија, Миро Церар, како и со заменикот генерален секретар на НАТО, Роуз Готемолер. На средбите беше разгледан статусот на пристапниот процес на Република Македонија за членство во Алијансата. МНР Димитров ги информираше соговорниците за процесот на имплементација на Договорот од Преспа, а се разговараше и за актуелните состојби во Регионот.Работната посета на Министерот Димитров на Брисел завршува попладнево, со средби во седиштето на Европската комисија, со Федерика Могерини, ВП на ЕУ за надворешни работи и безбедносна политика и потпретседател на ЕК, и со Јоханес Хан, комесар за европска соседска политика и проширување.На средбите ќе се разговара за посветеноста на Република Македонија за нејзината европска перспектива и за заложбата за континуитет во спроведуваање на неопходните реформски приоритети со цел постигнување на клучната одредница за Република Македонија, рефлектирана и во усвоената Резолуција на Европскиот парламент - добивање одлука за почеток на пристапни преговори со ЕУ, во јуни 2019 година.

Македонија | пред 7 години

Мицковски се сретна со потпретседателот на Европската народна партија Дejвид Мекалистер

Претседтелот на ВМРО ДПМНЕ Христијан Мицковски денеска оствари работна средба со Претседателот на комисијата за надворешна политика на Европскиот парламент и потпретседател на Европската народна партија Дejвид Мекалистер. На средбата станало збор за актуелната политичка состојба, процесите врзани со стратешките цели на Република Македонија, членството во Европската Унија и НАТО организациите.„Објаснив дека Република Македонија се соочува со деликатна политичка состојба и со еден период на црно владеење каде доминираат неправдите и политичкиот прогон. Воедно посочив дека се случуваат скандали на дневно ниво каде до израз доаѓа неподготвеноста на владата за реформи и менаџирање на политичките процеси. Истакнав дека таквата непосветеност на власта, државата ја турка кон економското и политичко фијаско, слабеејќи го стандардот на граѓаните.Во однос на уставните измени посочив дека ВМРО-ДПМНЕ останува против и ќе ја следи волјата на граѓаните“, вели претседтелот на ВМРО ДПМНЕ Мицковски.

Скопје | пред 7 години

Истражување на (ЦИКП): Дури 77 отсто од младите кои живеат во Македонија размислуваат да се иселат

Дури 77 отсто од младите кои живеат во Република Македонија размислуваат да се иселат, пред се во земјите членки на Европската Унија, а причините за тоа ги наоѓаат главно во лошиот квалитет на живот во нашата земја, покажува истражувањето спроведено од Центарот за истражување и креирање политики (ЦИКП), кое се заснова на анкета на млади лица на возраст од 15 до 29 години, објави МИА.Директорката на ЦИКП, Марија Ристеска на денешната тркалезна маса на тема „Европска интеграција и младинска мобилност: како од одлив до прилив на кадар?” рече дека посебен интерес им било да испитаат дали европската интеграција има поврзаност со младинската мобилност, со оглед на фактот што Европската Унија обезбедува различни програми на мобилност на млади.-Резултатите од истражувањето покажуваат дека нема директна врска, односно дека Европската интеграција нема да придонесе директно кон иселување на младите, но може да влијае позитивно на зголемување на човечкиот капитал, во смисла да обезбеди образование, вештини и знаење кои што младите би ги добиле во странство, рече Ристеска.По направената анализа на политиките, како што вели таа, политиките за млади воопшто не одговараат на потребите што ги имаат.– Првенствено имаме многу малку механизми со кои одговараме на потребата на младите да бидат вклучени во процесите на креирање политики, мала вклученост на младите во целокупното општествено живеење и нивното признавање како значаен актер во општеството, а има и многу малку расположливи средства за имплементација на политиките за млади, посочи Ристеска.Амбасадорот на Република Франција, Кристијан Тимоние рече дека секогаш треба да се најде начин како младите да се задржат за да можат да творат во изградба и иднината на земјата, затоа што, како што посочи, тоа е и во насока на реформите што се спроведуваат во земјава. Но исто така, според него, тоа е во интерес и на Европската Унија затоа што, како што вели „нема да интегрираме земја која што ќе биде празна, односно во која што нема да постојат младите сили”.Тимоние додаде дека е многу важно реформите што се во тек успешно да бидат завршени и токму затоа оваа студија е битна бидејќи истата може да придонесе кон приближување на земјата кон Европската Унија.Директорот на Агенција за млади и спорт, Дарко Каевски рече дека Министерството за труд и социјална политика имплементира „младинска гаранција” во насока да им најде на младите квалитетни работни места и да им овозможи пракса, доедукација и други позитивни мерки кои што заедно со Владата на РМ ги спроведува конкретно за младите и кои имаат за цел да го подобрат младинскиот стандард.Заменик министерот за образование, Петар Атанасов посочи дека Министерството заедно со образовните институции работат на подигнување на квалитетот на образованието, пред се во неговата практичност и стручност. Додаде дека во овој момент спроведуваат неколку големи проекти во кои овозможуваат на ниво на средно образование младите да бидат што постручни и покомпетентни за да можат сами да се развиваат и да си ги исполнуваат своите професионални карирери.

Македонија | пред 7 години

Кевин Харт ќе биде домаќин на Оскарите

Американскиот комичар Кевин Харт, познат по филмот „Џуманџи: Добредојдовте во џунглата“, ќе ја води церемонијата за доделување на наградите Оскар за 2019 година, соопшти актерот на Инстаграм.Церемонијата ќе се емитува на Еј-Би-Си на 24 февруари.– Исклучително се радувам да кажам дека конечно дојде и мојот ред да го водам доделувањето на Оскарите. Да се ​​приклучам кон легендарниот список на водители на таа сцена е нешто неверојатно, напиша Харт неколку часа откако списанието „Холивуд репортер“ објави статија во која наведе дека водител на Оскарите е најмалку посакуваната работа во Холивуд. 

Магазин | пред 7 години

(Фото/Видео) Со голем концерт на 29-ти декември групата Камелеон ќе одбележи 20 години постоење

Кариерата која трае полни две децении сакаме да ја заокружиме со концерт, за жал прв ваков во нашата кариера, и за кој гарантираме добра забава и на кој ќе го дадеме нашиот максимум, порача на денешната прес конференција Драган Василески, вокалист на познатата охридска група Камелеон.Тој го најави и големиот концерт на групата, кој во рамките на проектот „Од 20-ти до 20-ти СИТЕ ВО ОХРИД“ ќе се одржи во Центарот за култура „Григор Прличев“ во Охрид, во сабота на 29-ти декември со почеток во 19:00 часот.– За концертот се подготвуваме веќе неколку месеци, работиме сериозно и активно, а сите 17 песни кои ќе бидат изведени добија нови аранжмани. Гости на концертот ќе бидат: Горан Папаз, Ѓоко Танески, кој ќе изведе две песни, охридскиот градски мешан хор „Вокс Лихнидос“, Џеват Рамаданоски и студенти од Факултетот за музичка уметност, кои ќе формираат квартет. Во екипата што цело време ќе биде со нас се и Жармена и Димче Китрозоски, Никола Тони, а пратечки вокали ќе се Ана Костадиновска и Сара Николоска, истакна Василески.Тој испрати благодарност до општина Охрид, но и до сите компании, институции, медиуми и познаници кои им помогнаа и им излегоа во пресрет за организација на концертот. Групата доби и ново заштитно лого, кои во иднина ќе биде препознатлив знак за групата.– Подготвуваме и нова песна, доколку успееме да стигнеме, ќе биде промовирана на концертот. Ако не, новата 2019-та година ќе ја започнеме со нова песна. Како круна на оваа 20-годишна кариера, покрај концертот, ќе се снима и документарец за групата, во кој секој од нас ќе каже по нешто од своите доживувања и како ги поминал сите овие години во бендот. Ќе има многу анегдоти, интересни настани, додаде Василески.Според гитаристот Роберт Милески, човекот кој ги потпиша најубавите стихови на групата, Камелеон функционира како едно семејство.– Заедно сме полни 20 години. Морам да признам дека дел од тајната на успехот лежи и во публиката. Сите овие години таа е со нас и не прифаќа, секоја наша песна, помалку или повеќе е прифатена. Меѓу нас како луѓе имало и искри и несогласувања, но секогаш преовладувало почитувањето, другарството и пријателството, на некој начин сме како едно семејство. Тука секако е и желбата за музика, за свирење, творење, а со тоа и збогатување на она што доаѓа како културен придонес на македонската музичка сцена од наша страна, истакна Милески.Членови на бендот се Драган Василески, Тони Јованоски, Роберт Милески, Петар Трифуноски и Филип Стојковски. Драган, Роберт и Тони се постојани членови во бендот од самиот почеток. Петар станува дел од групата во 2001 година, а Зоран сите овие години, или е активен член или е во друга врска со бендот, како што е снимање на песни и слично. Низ годините и бројни други музичари имале добра соработка со бендот или биле негови членови и со тоа оставиле свој печат. Меѓу нив секако се и клавијатуристот Коки (членува во групата од создавањето на бендот, па се до 2001 година) и тапанарот Игор Фармаковски, кој работи со Камелеон во периодот од 2009 до 2010 година. За повеќето песни на бендот, текстот и музиката ги напиша гитаристот Роберт Милески.На сцената на Домот на култура „Григор Прличев“ во Охрид, во сабота, на 29-ти декември, точно во 19:00 часот е закажан стартот на музичката приказна за 20-те години од постоењето на групата „Камелеон“. Билетите по цена од 250 денари ќе се продаваат во сите „Тамаро“ маркети во Охрид и Струга, музичката продавница ZZ Top, тезга „Аждер“ во центарот на градот и во Burger Station.извор: ИнПрес фото/видео: ИнПрес

Магазин | пред 7 години

Утринава Горан Стефановски беше кремиран - во понеделник комеморација

Во понеделник на 10 декември во Драмски театар во 12:00 часот е закажана комеморацијата за македонскиот драмски писател Горан Стефановски.Тој утринава беше кремиран во Кентербери, Англија, а по негова желба пепелта во пригодна прилика ќе биде расфрлана во водите на Охридското Езеро.Горан Стефановски почина на 27 ми ноември на 66 годишна воздраст.

Скопје | пред 7 години