Илир Мета во Скопје ќе го слави Денот на албанската азбука

Во Македонија денеска се одбележува 22 ноември, Денот на албанската азбука. На централната прослава вечерва ќе се обрати претседателот на Собранието, Талат Џафери. Претходно е планирана заедничка прошетка во 14 часот низ Старата скопска чаршија на претседателот на Република Албанија, Илир Мета и претседателот на ДУИ, Али Ахмети во придружба на претседателот на Собранието, Талат Џафери и вицепремиерот за евроинтеграции, Бујар Османи.Прошетката по Старата чаршија во Скопје, ќе заврши пред мозаикот (Муралот) на плоштадот на Скендербег.

Македонија | пред 7 години

Димитров на министерски состанок во Солун

Денеска во Солун ќе се одржи состанок на министрите за надворешни работи на Македонија, Грција, Албанија и Бугарија.Станува збор за четврта средба на која ќе учествува шефот на дипломатијата Никола Димитров, а на која ќе се разговара за зајакнување на соработката во регионот. Првиот ваков состанок беше во април 2016, а последен пат шефовите на дипломатиите на четирите земји во Солун се сретнаа во мај годинава.

Македонија | пред 7 години

Македонска вечер во Австрискиот филмски архив

Австрискиот филмски архив, со ретроспективата „Времињата се менуваат 1918 – Падот на Австро-Унгарската империја“, го одбележува крајот на Првата светска војна и 100-годишнината на Републиката.На ретроспективата со свои филмови беа претставени филмските архиви од дел од земјите кои, директно или индиректно, биле поврзани со Австро-Унгарската империја и со Првата светска војна: Австрија, Унгарија, Италија, Чешка, Полска, Русија, Романија, Словенија, Хрватска, Босна и Херцеговина, Србија и Македонија. Проекциите се одржуваа во киното на Австрискиот филмски архив, инаку зграда стара 100 години, од 10 ноември до 6 декември.Македонската вечер беше посветена на пионерите на филмот на Балканот, браќата Јанаки и Милтон Манаки. За значењето на овие филмски остварувања, како и за нивното чување, заштита, реставрирање, дигитализирање, истражување и презентирање, зборуваше Игор Старделов, раководител на филмскиот архив во Кинотеката на Македонија.

Македонија | пред 7 години

Нема фотографија

Променливо облачно со температура до 15 степени

Времето денеска ќе биде променливо облачно со кратки сончеви периоди и со услови за слаб локален дожд во северните делови на земјава. По одделни котлини ќе има појава магла и ниска облачност. Ќе дува слаб до умерен ветер претежно од северозападен правец, повеќе ќе биде изразен долж Повардарието. Максималните температури ќе се движат од 7 до 15 степени.Во Скопје ќе биде променливо облачно со кратки сончеви периоди, но и со услови за краткотраен слаб дожд. Температурата ќе достигне до 13 степени.До сабота времето ќе биде стабилно и суво со појава на магла по одделни котлини. Од недела следува променливо облачно време со повремени врнежи од дожд и со услови за снег на планините.

Македонија | пред 7 години

Пандите добиваат резерват од милијарда и пол долари

Кина наскоро ќе стане побогата со резерват за панди, која ќе биде двојно поголем од националниот парк Јелоустоун во САД.Во неговата изградба ќе бидат вложени милијарда и пол долари, а резерватот треба да обезбеди заштита за пандите во југозападната провинција Сечуан.Овој проект ќе ја зајакне економијата на Сечуан и ќе ги подобри условите за живот на пандите во овој планински регион. Покрај тоа, паркот ќе биде место каде што сите обожаватели на овие животни ќе можат да уживаат во текот на целиот ден.Се очекува дека резерватот ќе привлекува скоро по 20 милиони посетители годишно, пренесоа тамошните медиуми.Џиновската панда се смета за неофицијална маскота на Кина, а овие животни некогаш живееле во јужните и источните предели на земјата, а сега ги има само во шест планински венци во провинциите Сечуан, Шанси и Гансу.

Магазин | пред 7 години

Нема фотографија

Преговорите за идните односи Брисел-Лондон продолжуваат в сабота

Британската премиерка Тереза Меј синоќа најави дека в сабота одново ќе отпатува за Брисел на преговори за финализирање на предлог-документот за идните односи меѓу Велика Британија и ЕУ по Брегзит.Меј, по враќањето од Брисел, каде за ова прашање разговараше со претседателот на Европската комисја, Жан-Клод Јунекр, истакна дека на преговорите не успеале да ги надминат сите разлики околу предлог-документот.– Остана некои прашања за кои се уште разговараме. В сабота ќе се вратам во Брисел на дополнителни средби, вклучително и со претседателот Јункер, со цел да се обидеме да го финализираме овој процес, изјави Меј.Претходно, како што јави МИА, портпарол на ЕУ синоќа соопшти дека Меј и Јункер на средбата во Брисел постигнале напредок во врска со планот за идните односи, но дека се уште нема конечен договор.– Постигнат е многу добар напредок. Работата продолжува, истакна портпаролот по завршување на средбата што траеше околу час и половина, без да соопшти детали.Меј се обидува да постигне договор за идните односи на Велика Британија со ЕУ, со цел да обезбеди поддршка во Долниот дом на британскиот Парламент за Предлог-договорот за Брегзит, што беше постигнат минатата среда.Брисел и Лондон се надеваат дека ќе го усогласат планот за идните односи пред Самитот на ЕУ посветен на договорот за Брегзит, закажан за в недела.Германската канцеларка Ангела Меркел порача дека очекува планот да биде договорен пред Самитот, бидејќи, како што рече, в недела не сака да дојде во Брисел на нови преговори.

Свет | пред 7 години

До Нова Година ќе затруби возот од Битола кон Лерин

Пругата од Битола кон граничниот премин Меџитлија е целосно изградена и до крајот на годинава ќе се работи на инсталација на системот за сигнализација и другата техничка опрема и на довршувањето на железничката станица и постојки долж трасата од 17 километри. Вицепремиерот Кочо Анѓушев, министерот за транспорт и врски Горан Сугарески и битолската градоначалничка Наташа Петровска денеска извршија увид во градежните работи на оваа пруга.Министерот Горан Сугарески појасни дека по цели 32 години ќе има железничко поврзување на Пелагонискиот регион со соседна Грција. Првиот воз на пругата од Битола кон грчката граница би можело да тргне до 31 декември. „Со оваа пруга ќе обезбедиме ново поврзување со Солунското пристаниште и брз и поевтин транспорт на стоки и услуги, не само за домашните, туку и за странските компании што ги користат нашите железници“ изјави министерот Сугарески. Проектот вреден 17,1 милиони евра го гради STRABAG Rail Gmbh во конзорциум со STRABAG AG од Австрија. На новоизградената пруга има 9 мостови, 38 пропусти, 30 премини за животни, нова станична зграда и нова зграда за сигнализација и телекомуникации.

Македонија | пред 7 години

На две сметки, под други имиња, Мијалков поседувал 11 милиони евра

Бившиот прв човек на УБК, Сашо Мијалков, кој се наоѓа во притвор, на две сметки кои се воделе на други имиња, поседувал вкупна сума од 11 милиони евра за кои се докажало дека се негова сопственост.Ова е дел од решението за притворот што му беше определен на Мијалков, а се темели на допис од Управата за финансиско разузнавање.Од СЈО пак, побарале притвор бидејќи имало индиции дека Мијалков презема активности кои укажуваат на бегство.Притворот е побаран за еден од клучните предмети на СЈО, „Таргет – тврдина“ односно за масовното прислушување и уништување на опремата и снимките.

Македонија | пред 7 години

Дескоска: Не можам да одговорам дали Груевски ќе лежи во затвор

Министерката за правда, Рената Дескоска, вели дека во унгарските закони постои основ за повлекување на одобрениот азил и ги негира тврдењата на Унгарија дека барањето за екстрадиција е напразно поднесено.Според Дескоска барањето за екстрадиција не е задоцнето, затоа што во секоја земја, вели таа, кога има паралелно барање за азил, прво се разгледува барањето за азил.-Не можам да одговорам дали Груевски ќе лежи затвор или не, можам само да кажам дека ние како Влада ќе направиме напор да го вратиме. Ако се оди по правна процедура тој треба да биде екстрадиран. Владата ќе побара повлекување на одлуката за азил, затоа што нема причина да му биде одобрен азил. Должни сме да ги направиме сите напори и да ги искористиме сите правни средства. Товарот ќе остане на Унгарија – изјави Дескоска во вечерашното интервју на ТВ24.Како што рече таа образложението да му се додели азил на Груевски поради состојбата во затворите и судството не е издржана. Според неа само во 2017 година Унгарија одговорила позитивно на 5 барања за екстрадиција од Македонија.-Очигледно дека Груевски не го направил ова сам, чекорите преземени од страна на Унгарија се во координација со него. Очигледно политички се мотивите Унгарија да влезе во процесот, да даде азил и да го заштити – додаде таа.

Македонија | пред 7 години

Општина Карпош: „AUDI-Q7“ е продадено легално - парите се пренаменија за јавна хигиена

 Општина Карпош целосно ги демантира информациите за нерегуларности во постапката за продажба на општинското возило AUDI Q7, објавени на некои од порталите.„Лицето кое го купи возилото, ниту е другар, ниту пак е познаник на градоначалникот Стефан Богоев.Во интерес на вистината и врз основа на фактите, возилото AUDI Q7 е оттуѓено врз основа на Законот за користење и располагање со стварите во државна сопственост и со стварите во општинска сопственост.Оттуѓувањето се вршеше и преку електронскиот систем на ЗЕЛС  за оттуѓување на движни ствари (e-stvari.mk), а преку електронската аукција се избра најповолниот понудувач.Сакаме да ја потсетиме јавноста, дека Општина Карпош на седницата на Советот во февруари, донесе Одлука за оттуѓување на дел од општинскиот движен имот, со цел да се обезбедат повеќе средства за набавка на возило за одржување на јавната хигиена.Целта на локалната самоуправа е да се минимизираат непродуктивните трошоци и средствата да се пренаменат за набавка на посоодветна механизација за одржување на чистота.Постапката за продажба на возилото е транспарентна и прописна, а непотпишаните текстови на дел од порталите говорат за лагите и несериозноста на нивните обвинувања.Сите портали кои ја имаат објавено лажната вест, без претходно да побараат став од Општина Карпош, бараме во интерес на професионалното информирање во целост да го објават овој демант“, стои во соопштението од општина Карпош.

Скопје | пред 7 години

Нема фотографија

Неколку булевари во Скопје вечерва без струја

Дел од булеварот „Борис Трајковски“ во Скопје вечерва е без струја.Жителите револтирани објавуваат фотографии на социјалните мрежи. Тие велат дека од населбата Драчево па се до фабриката Цементара булеварот е без улично осветлување, а не работат ниту семафорите.Од ЕВН Македонија нема информација за исклучување на електричното напојување во овој дел од градот.https://www.facebook.com/photo.php?fbid=2070278236349015&set=gm.1448818818582877&type=3&theater&ifg=1Исто така без улично осветлување денес беше и дел од булеварот „Кочо Рацин“ во општина Центар.

Скопје | пред 7 години

(ФОТО) Мијалков со лисици

Фотографијата објавена од Александар Дојранлиев е хит на социјалните мрежи. Тој долго време ги засмева корисниците на социјалните мрежи со фотографии обработени на “фотошоп”.Последно негово дело е “Мијалков со лисици”.

Македонија | пред 7 години

ВМРО-ДПМНЕ водечка партија кај Македонците, СДСМ водечка партија кај Албанците

Анкетата на телевизија Телма и МЦМС, покажа дека ВМРО-ДПМНЕ има најголема доверба кај Македонците, додека Албанците најмногу доверба даваат на владеачката СДСМ.На прашањето: Доколку утре се одржуваат Парламентарни избори, за која политичка партија ќе го дадете својот глас?Македонците 30.4% одговориле за ВМРО-ДПМНЕ, додека за СДСМ 25.5%. Албанското население во Македонија, пак, најмногу би гласале за СДСМ (27.5%), додека за ДУИ 27%. За ВМРО-ДПМНЕ не се изјаснил никој.Интересно е дека Македонците со „нема да гласам“ одговориле нешто повеќе од 25%

Македонија | пред 7 години

Груевски пред да избега извадил над 200.000 евра од македонските банки

Пред да избега, експремиерот Груевски од неговите сметки извадил над 180 илјади евра, тврдат извори од една од банките каде експремиерот имал над 15 сметки. Тој експресно ги затворил истите, по што, ден потоа почна драмата за негово наоѓање со цел да му се врачи поканата да се пријави во затворот “Шутка” каде требаше да одлежи 2 години.Но, Груевски со се парите избега во Унгарија. Гласно се шпекулира дека експремиерот во Унгарија има банкарски сметки уште од времето кога беше прв човек во владата на Македонија, а на нив илјадици евра кои низ годините ги префрлал на различни начини.Груевски ги испразнил банкарските сметки во Македонија, за да истите не му бидат конфискувани од судот поради неговото бегство.Никола Груесвки според имотниот лист доставен во Антикорупциска комисија не поседува никаков движен и недвижен имот. Тој има само кредитни и дебитни картички, како и девизни сметки заштеди. Во имотниот лист не е впишан ниту станот на “Павел Шатев” каде пратеникот живееше. Иако на еден од протестите на ВМРО-ДПМНЕ тој возеше автомобил “пунто”, во имотниот лист не е заведен.Од 2007-мата кога Груевски за прв пат како премиер пријавил што поседува во Антикорупциската комисија до последната пријава, имотот му се зголемил седум пати. Последно, според официјалните податоци, тој има 200 илјади евра.

Македонија | пред 7 години

ЕКСКЛУЗИВНО: Груевски поминувал граници со пропусница издадена од Македонија

Експремиерот Никола Груевски ја напуштил Србија и влегол во Црна Гора со пропусница бр. 100.501 издадена во Тирана, соопшти српскиот премиер Александар Вучиќ. Таа пропусница, на Груевски можат да му ја издаде само државата чиј државјанин е тој, во конкретниот случај Македонија, дознава „Скопје 1“ а потврдуваат правни експерти.„Доколку тој е државјанин на Македонија, тогаш само таа држава може да му издаде таква пропусница, која служи за едно влегување или излегување од одредена држава. Доколку тој е државјанин на Унгарија, тогаш и тие би можеле да му издадат ваква пропусница. Но, во никој случај, пропусницата не може да му биде издадена од држава на која Груевски не е државјанин“, велат правните експерти.Ова ја отвора дилемата, кој ја издал пропусницата на Груевски со која минувал граници за да стигне до Унгарија. Вучиќ во интервјуто, кажа дека таа е издадена во Тирана, Албанија, но не и од кој орган таа е издадена. Сите државни низ кои поминал Груевски, велат дека постапувале според правните процедури.Според ова, постојат сомневања дека пропусницата му била издадена во Македонија или македонската амбасада во Тирана. Во спротивно, истата е неважечка. Легитимацијата на границите се правела со лична карта и пропусницата, со оглед на тоа, Груевски не ќе можал да го помине границите доколку пропусницата била изадена од унгарската амбасада, а тој поседува македонска лична карта.Од МВР се уште молк. Тие велат дека истрагата е во тек, откако ќе се комплетира доказите ќе бидат доставени до Обвинителството, кое отвори истрага за бегството на Груевски. Не е познато дали предмет на истрагата е и македонската амбасада во Тирана, исто како што не се знае кој и дали воопшто некој ќе сноси одговорнсот. Албанија, Црна Гора, Србија и Унгарија се оградија и велат дека запазени се сите процедури за влез и излез од нивните држави, со тоа, тврдат дека испочитувани се сите процедури.(„Скопје 1“ - www.skopje1.mk) 

Македонија | пред 7 години

ФОТО: Мијалков е лошо расположен и спие во креветот на Верушевски?

Новинарот Зоран Божиновски, сопственик на порталот “Буре весник” на социјалните мрежи пишува дека Мијалков е во лошо расположение откако е притворен во затворот “Шутка”.Според Божиновски, тој денеска е преместен во “хашка соба”, дел од затворот кој има подобро услови, а причина била големата бучава која му сметала на Мијалков.Тој сега, практично се наоѓал во собата каде лежел и Зоран Верушевски за време на одлежување на казната.Статусот ви го пренесуваме во целост:

Македонија | пред 7 години

(DW) Бундестаг: случајот Груевски „смрди до небо“

Случајот Груевски станува лакмус тест за веродостојноста на правната држава во Унгарија, се реагира од Бундестагот на бегството на експремиерот. Се вели и дека Орбан го поставил личното пријателство над правосилна одлука, пишува ДОЈЧЕ ВЕЛЕ.Унгарија да не се претвора во продолжена рака на автократот Груевски, а Македонија да разјасни дали бегството уследило по дозвола од тамошните власти, бараат пратениците во Бундестагот. На барање на ДВ да ја коментираат ситуацијата околу Груевски и неговиот азил во Унгарија, тие се прилично јасни во своите оценки и очекувања.Торстен Фрај, ЦДУ-ЦСУТорстен Фрај, член на Комисијата за надворешна политика на Бундестагот од пратеничката група на Унијата (ЦДУ/ЦСУ), која е дел од семејството на Европски народни партии како и партијата на Орбан, Фидес, непосредно пред да биде одобрен азилот за Груевски, за ДВ оцени дека од Унгарија очекува примена на еднакви критериуми за азил:„Се разбира, многу е тешко од германска перспектива да се проценуваат постапките околу можниот азил кој Никоја Груевски го побара во Унгарија. Шпекулациите околу тоа и во Македонија се многу разнолики. Меѓутоа, во најмала рака очекувам ваква една постапка во Унгарија да се одвива според јасни принципи на владење на правото и да се применат еднакви мерки и критериуми, кои се вообичаени при постапката за азил таму“, оцени Фрај.Јосип Јуратовиќ, СПДНеговиот колега од Комисијата за надворешна политика, социјалдемократот Јосип Јуратовиќ, има многу поостра оценка за случувањата околу Груевски. Тој во изјавата за ДВ вели:„Ако работата се погледне подобро, таа смрди до небо. 'Системот Груевски' се служи со демократски средства. И тоа е она што е навистина вознемирувачко во овој синџир на случувања - како демократски сомнителни сили злоупотребуваат демократски средства. Можам само да се надевам дека Унгарија во случајов постапувала еднакво како во случаите на сите останати баратели на азил. Случајот Груевски со тоа станува лакмус тест за веродостојноста на правната држава во Унгарија.“Александер Граф Ламбсдорф, ФДПЗаменикот шеф на пратеничката група на Либералите во германскиот парламент, Александер Граф Ламбсдорф, во чија надлежност се прашања од надворешната и безбедносната политика, за ДВ оцени дека „Виктор Орбан, со својата одлука да му даде азил на поранешниот македонски премиер Никола Груевски, го постави личното пријателство со поранешниот премиер над правосилната одлука“:„Зашто, Груевски во Македонија беше осуден на две години затвор поради корупција. Истовремено во тек се други постапки поради изборни манипулации и илегално прислушување на македонските граѓани од страна на тајните служби на земјата. Никола Груевски, наместо да бара засолниште во Унгарија, треба да се соочи со овие обвинувања во законска постапка во Македонија. Однесувањето на Виктор Орбан е натамошна индиција за тоа дека унгарскиот премиер е наклонет кон низок степен на почитување на правната држава и кон толкување на правото на азил според сопствен маштап.“

Македонија | пред 7 години

Нема фотографија

Костадинов: Просечната плата зголемена 4,8 проценти во однос на лани

Портпаролот на СДСМ, Костадин Костадинов, изјави дека последните официјални податоци на Државниот завод за статистика потврдуваат дека владините економски политики даваат резултат.„Просечната плата во септември оваа 2018 година изнесува 24.355 денари. Тоа е за 4,8 отсто или 1.126 денари повеќе во однос на септември 2017 година. Во споредба со септември 2016 година, во времето на претходната власт, тоа значи зголемување од 2.164 денари повеќе. Растот на просечната плата се должи на серијата позитивни мерки за поттикнување на растот на платите во приватниот и во државниот сектор. Овие мерки доведода до покачување на минималната плата, на платите во образованието, здравствената и социјална заштита, но забележан е значителен раст на платите и во одредени гранки од приватниот сектор“, рече Костадинов.Тој додаде дека со мерките опфатени и во предлог-буџетот за 2019 година вработените во здравството, образованието, одбраната, полицијата, судството, во социјалната и детската заштита добиваат поголеми плати. Вработените во овие сектори ќе добијат покачување на платите од 5 отсто, а докторите специјалисти ќе добијат покачување од 10 отсто.„Со низа мерки предвидени во буџетот за 2019, ќе се засили поддршката од државата кон претпријатијата за платите да растат и во приватниот сектор“, додаде Костадинов. 

Македонија | пред 7 години

Арсовски:Секое просечно четиричлено семејство од вчера е задолжено со 200 евра

Неспособната Влада на Заев и министерот за задолжување Тевдовски вчера направија нов долг од 98 милиони евра.Ова значи дека секој човек во Македонија од вчера е задолжен за 50 евра, а секое просечно четиричлено семејство е задолжено со 200 евра, изјави Димче Арсовски, портпарол на ВМРО-ДПМНЕ.Според него, толку од животот кој го ветуваа СДСМ, Заев, Тевдовски пред две години. Сега веќе и стравот дека јавниот долг во 2019 ќе биде 54,2% од БДП со нови 600 милиони евра нов долг почнува да изгледа оптимистичко сценарио.,,Сите психолошки бариери оваа власт ги сруши, а ако се земе предвид дека целата економија крахира и тоне, прогнозите се с’е поцрни и поцрни. Годината според меѓународните финансиски институции ќе ја завршиме со рекордно најнизок раст во регионот и во Европа. Граѓаните освен со нови долгови кои речиси на неделна основа им ги товари владата на Зоран Заев, ќе бидат натоварени и со зголемени даноци, зголемени акцизи, инфлација на цени, зголемена сиромаштија и пад на стандардот кај граѓаните.Станува јасно дека со оваа власт граѓаните ќе се поделат на две социјални категории, една ќе бидат членовите на криминалниот картел на власт кои се богатат и се блиски до Зоран Заев и СДСМ, а втората сите останати граѓани, вклучувајќи пензионери, работници, млади и сите останати.Оваа власт колку подолго се задржи, толку поголеми последици ќе остави во животот на граѓаните. Тие немаат апсолутно никаква визија, знаење и капацитет да ја подобрат економијата во Република Македонија.Нивниот принцип е купи ден помини, ама за жал го прават со кредити и секој нивен ден на власт граѓаните многу скапо го плаќаат во моментов, но и допрва скапо ќе ги плаќаат каматите во иднина.Што побрзо си заминат, толку подобро за Македонија и толку побрзо Република Македонија ќе тргне напред!”, додаде тој.

Македонија | пред 7 години

Уапсени тројца Албанци што нелегално престојувале во Македонија

Гостиварската полиција на 20. ноември уапсила тројца албански државјани кои илегално влегле во земјава.Како што информираат од МВР, Албанците, двајца на возразат од 35 години и еден 41-годишник, непријавено престојувале на подрачјето на Република Македонија.Откако биле уапсени, торјцата биле предадени за натамошна постапка.

Македонија | пред 7 години

Нема фотографија

Меланија Трамп потрошила 174 илјади долари за 12 часа

Шестцифрената хотелска сметка на Меланиja Трамп предизвика неверување, а потоа и критики од многу американски официјални претставници.Имено, како што пренесуваат американските медиуми, првата дама на САД минатата година во Торонто престојувала во хотелите Риц Карлтон и Шератон центар заедно со нејзиниот тим, а направената сметка изнесувала 174 илјади долари.Трошоците од ова патување беа објавени минатата недела, а причината за 12-часовната посета на Торонто бил состанок со канадскиот премиер Џастин Трудо и принцот Хари.Портпаролката на Меланија Трамп, Стефани Гришам, смета дека нема ништо чудно во потрошениот износ и дека тимот ги потрошил парите на неопходни работи.„Кога патува првата дама на Соединетите Американски Држави, има уште многу луѓе кои одат пред неа за да го обезбедат просторот. Тука се и здравствено осигурување, комуникацијата, возилата и целата логистика која чини пари. Меланија дури и води многу помалку луѓе отколку некои нејзини претходнички“, изјавила портпаролката.Сепак, магазинот „Quartz“ објави дека шестцифрената сметка го претставува само трошокот направен од страна на Меланија, додека трошоците на нејзиниот персонал изнесувале дополнителни 18 илјади долари.

Магазин | пред 7 години

Новиот „самсунг галакси С10“ ќе има верзија и со рамен екран

Корејската компанија „Самсунг“ планира на почетокот од следната година да претстави нови модели на мобилни телефони од серијата „галакси С“. За разлика од актуелните С9 и С9+, моделот С10 ќе има три  верзии, од кои две ќе имаат закривен, а една рамен екран.Големината на екранот не би требало да се разликува од моделите на С9-серијата. Така, помалите модели ќе го задржат екранот од 5,8 инчи, а поголемите ќе имаат дијагонала од 6,2 инчи. Моделот со рамен екран се очекува да има екран од 5,8 инчи.Во однос на екраните, треба да се наведе и дека за новата „галакси С10“ линија, „Самсунг“ подготвува нова генерација на ОЛЕД-екрани за кои се користи работниот назив M9. Според изворите, за изработка на M9-екраните се користат нови форми на органски материјали, од кои некои ќе бидат набавени и од нови фабрики – црвените ќе ги испорача американската Dow Chemical, а сините материјали SFC Chemicals, исто така од САД.Со тоа без ангажман остануваат Duksan Neolux (црвени) и Idemitsu (сини), кои ги обезбедуваа наведените материјали за производство на органски светлосни диоди во М8-екраните користени кај С9, С9+ и ноут 9. Зелениот материјал за изработка на ОЛЕД-екраните ќе продолжат да го обезбедуваат Nippon Steel и Samsung SDI.

Магазин | пред 7 години

(Видео) Трамп помилува две мисирки за Денот на благодарноста

Американскиот претседател, Доналд Трамп, за време на традиционалната годишна церемонија помилува две мисирки во Белата куќа во пресрет на американскиот празник Денот на благодарноста. Како што пренесуваат американските медиуми, на шега, Трамп ги предупредил мисирките – Грашок и Морков, дека и покрај тоа што ги спасил со претседателски указ да не завршат на празничната трпеза, можеби сепак мораат да им одговараат на демократите.Како што им рекол, демократите од јануари ќе имаат мнозинство во Претставничкиот дом на Конгресот, а веќе ветиле дека ќе ги истражат сите негови одлуки и деловни ангажмани.Белата куќа преку интернет организирала натпревар меѓу навивачите на двете мисирки за да се утврди која ќе биде помилувана, а Трамп првин објавил дека среќна птица е Грашок, но подоцна одлучил да ги помилува и двете.Инаку, оваа традиција на помилување мисирки ја воведе поранешниот претседател на САД, Џорџ Буш Постариот уште во 1989 година кога го поштеди животот на една мисирка, која била тешка околу 23 килограми, потсетува АП.Денот на благодарноста Трамп ќе го помине со семејството на нивниот имот на Флорида.

Магазин | пред 7 години

Како да се издигнете во кариерата побрзо од своите колеги

Ако работите за голема компанија, сигурно понекогаш се чувствувате како мали риби во огромен аквариум.Можеби сте се надевале дека ќе се искачите на корпоративното стебло побрзо или сте разочарани дека вештините и напорите ви се игнорирани. Има, начин меѓутоа како да си помогнете сами.Следете ги овие совети и ќе ги надминете своите колеги на патот кон врвот.Бидете незаборавни. Ако вашиот шеф не знае дека постоите, нема како да очекувате зголемување. Фино потрудете се да го потсетите за себе во соодветни моменти.Внесувајте предизвици. Нема како да се развиете ако тапкате во место. Зафатете се со најтешките проекти - така ќе покажете решителност.Документирајте ги успесите. Сте и помогнале на фирмата да заштеди пари или пак ваша иницијатива донела профит? Зачувајте докази за тоа кои ќе ги искористите кога ќе се тркате за повисока позиција.Изградете пријателски врски со колеги. Нивната поддршка може да е важна. Шефот ќе сака да го издигне повеќе човекот кој се разбира со екипата.Организацијата треба да е на ниво. Работете по план секој ден. Шефот ќе се импресионира од ефикасноста која ја имате.Мислете на долг рок. Ако вашиот шеф има некаков проблем, кој сега ви се чини безначаен, сепак помогнете му да го реши. Овие нешта се паметат и за некое време ќе ви бидат плус.Стојте секогаш на ниво. Избегнувајте канцелариски озборувања, не бидете мрзливи. Нека вашето однесување да е како човек на позицијата за која сонувате.

Магазин | пред 7 години

ВМРО-ДПМНЕ: СДСМ ја зголеми сиромаштијата

Владата предводена од СДСМ откога е на власт успеа да ја зголеми сиромаштијата на 22 проценти, реагира ВМРО-ДПМНЕ по прес-конференцијата на пратеничката Јагода Шахпаска.„Иако тие ветуваа живот за сите, сепак околу 460.000 граѓани во државата живеат на работ на сиромаштија. СДСМ ветува зголемување на приходот на социјалните случаи, а не излегува со точни информации колку точно ќе изнесува приходот со покачувањето кое го најавуваат. Царовска најави социјална помош во вредност од 12.000 денари, односно изедначување со минималната плата, а сето тоа ќе има катастрофални последици бидејќи со тоа ги обесхрабуваат оние коишто сакаат да работат, а со тоа да стекнат работни навики, квалификации“, се вели во реакцијата на ВМРО-ДПМНЕ.Опозицијата додава и дека Царовска го укина родителскиот додаток за трето дете, што беше проект на ВМРО-ДПМНЕ со цел да се зголеми наталитетот во државата.

Македонија | пред 7 години